Nga Ratapu o Hepetema.

Toa Takitini, Issue 2, 1 September 1921, Page 9

Nga Ratapu o Hepetema.

Ka timata atu i tenei kape o ta tatou pepa te perehi i nga korero o tena Ratapu o tena Ratapu, i ia marama i ia marama. Repetema 4. Ratapu 15 i muri ito te Tokotoru . Ko te ako nui a tenei Ratapu kei te kitea i roto i te Inoi, ite Tuhituhi, mete Rongo-pai ; ara ko te mohiotanga kaore tatou etu kite kahore e awhinatia mai ete Atua. No te Inoi tenei. I te tuhituhi “ko te ripeka anake ote tatou Ariki o Ihu Karaiti ” te ora mo tatou. I te Rongo-pai “matua rapua te rangatiratanga o te Atua, me ana meatika; a ka tapirida mai enei mea katoa ma koutou.” Ko te ora mo tatou wairua kei a la : ko te ora mo o tatou tinana kei a la ano, Kanui nga tohu ote aroha o te Atua kia tatou. Kupu whakarite : —I te wa o te pakanga ka rongo tetahi hoia ite taumaha o te mate o tana wahine. Ka tono ia kia whakaaetia ia kia hoki. Kaore i whakaaetia. Oma ana ia. Ite huarahi ka mau. Ka whakawangia. Ko te whakatau tenei : “ Hei te Paraire me pupuhi kia mate rawa. Kore rawa taua tangata i oho, maro # tonu te kanohi. Heoi ano tana whakahoki atu” kei te pai.” Katahi ka patai atu te herehere “kua mutu?” Ka ki mai te apiha ” kaore. Tenei ano tetahi pukapuka ” Katahi ka panuitia atu te murunga a te Tianara i tana hara. No tenei panui katahi ano te tangata nei ka aue kite tangi. Hinga rawa kite whenua tangi ai. Ite whakahaere maro, maro tonu hoki tona ngakau. No te reo aroha, reo ngawari, katahi ano ka mam te ngakau ote tangata nei. Whakahokia ana ki tana turanga, a i tona pai, me tana kaha kaore rawa i roa kua nekehia ake ki nga turanga nunui. Kanui te aroha o te Atua ki a tatou, aroha tinana, aroha wairua. Kia ngohengohe, kia ngawari. Hepetema 11. Ratapu 16 i muri ito le Tokotoru. Ko te kupu nui o tenei Ratapu ko tenei: — “ whakapaia, tiakina tau Hahi e tou aroha pumau.” Ite Rongopai ka kitea te aroha o te Karaiti i te whakaarahanga i te tamaiti a te pouaru o Naina. I te Tuhituhi “kia mohio ai kite aroha o te Karaiti.”

Kupu whakarite : I tineia te maramatanga o nga Hurai te take i kaiponu ratou i taua maramatanga mo

ratou anake. Te tikanga, ma ratou e mau te mammatanga ki nga topito e wha ote ao katoa. Iki hoki ate Karaiti, “Ko koutou te whakamarama ote ao.” Tenei te karanga a nga upoko o te Hahi “arohatia a Meranihia.” Ko etahi e ki ana, me pehea hoki nga Maori ? Ko nga Hurai enei e kaiponu nei i te maramatanga mo ratou anake. Kia tupato kei tineia to tatou maramatanga. Ko te aroha ote Atua mo te ao katoa. Hepetema 18. Ratapu 17 ote Tokotoru. Ko te reo o tenei Ratapu he inoi kia “meinga matou kia mahi tonu i nga mahi pai katoa.” E rite ai tenei inoi ma te Kaha ote Atua. Ko te Tuhituhi “e whakahau ana kia rite to koutou haere kite karangatanga i karangatia ai koutou, kia papaku, kia mahaki, kia manawanui, kia ata hanga tetahi ki tetahi i runga i te aroha.” Koinei aua mahi pai. Ko te Rongo-pai e whakaatu ana i te kupu a to tatou Ariki mo te ngakau papaku “e noho ki to muri nohoanga.” “Kite whakaiti tetahi iaia ka whakanuia.” Hepetema 25. Ratapu 18 ote Tokotoru. Ko te akoranga o tenei Ratapu ko te whawhai a te Karaitiana ki te ao, ki te kikokiko, ki te rewera. Kei te Rongo-pai te kaupapa e kaha ai, kra kia whakapaua te ngakau, wairua, hinengaro ki te aroha ki te.Atua : Kia aroha hoki ki te tangata am ki ton hoa tata. Ko te Tuhituhi e whakaatu mai ana i te ra o te Ariki kei te haere mai. No reira kia u. Kupu whakarite : ngaua tetahi wahine i Nelson (Whakatu) ete katipo. I whakahawea tana wahine ki te iti rawa ote katipo. Ka pupuhi tana ringaringa. Kua kaha ke te mate, katahi ka mahara kite takuta. Te kitenga o te takuta ka mea atu kia tere tonu te tapahi i te ringaringa i ngaua ra. Kaore i whakaae taua wahine. No te taurnahatanga katahi ka whakaae. Te tapahanga kaore i taea te paihini, kua piki ke atu ki runga atu. Ka tapahi ano, aka tae ki te pokohiwi. Ka mate te wahine nei i te waihotanga kia roa te paihini e piki haere ana. Kia tupato ki nga whakawai a te ao, a te kikokiho, ate rewera. He paihini e piki haere ana ki te kore e tere te mau atu ki te Rata.