KO TE MAORI I ROTO O NGA MAHI WHAKAATA A TE PAKEHA Kei tenei putanga o Te Ao Hou etahi korero mo etahi Maori kua uru ki roto i nga mahi tiata a te Pakeha. He mahi tauhou enei ki to te Maori kaupapa otira he mea hou ano tenei te tuhi purakau he Maori tona kaupapa hei matakitaki ma te ao Pakeha. Kei tenei putanga ano o Te Ao Hou nga korero mo te mangumangu o Ahitereiria ra mo Albert Namatjira tera tangata rongonui he ta whakaahua tana mahi, no tenei tau tata tonu i mate ai. Kei whea mai te tipunga o Te Ao o Te Tiata o Niu Tireni i roto o tenei tekau tau. Ka mutu ano pea te whenua i kaha ake te tipunga o Te Tiata ko Ruhia. Ka nui nga ropu whakaata o Te Tiata kei te haere i Niu Tireni otira ko te ropu rahi rawa pea ko Te Ropu Whakaata o Niu Tireni. Kei te whakaata te nuinga o enei ropu i nga mahi o Te Ao Tawhito o te Pakeha. Ka aua atu e koroiingo ana Te Ao o Te Tiata kia tuhia e etahi tangata o Nui Tireni nei etahi korero no Niu Tireni ano te kaupapa hei whakaata i te noho a te Pakeha raua ko te Maori—he mea nui rawa tenei. Kua puta tetahi korero ko “Te Pohutukawa” tona ingoa a kei te matakitakitia e te hia miriona tangata kei tua o te ao i runga o te mea tipua o te “Television”. Ko te kaupapa o tenei korero ko te noho tahi a te Pakeha raua ko te Maori. Kei Poneke hoki tetahi whakaata tiata he kanikani tona kaupapa ko te kaikanikani ko Miss Leigh Brewer, he whakaati i roto i to te Tiata Pakeha i tona reo i a te Maori mahi te tikanga o taua kanikani. He mea uaua rawa atu te whakaohooho i te wairua o te Maori kia tahuri mai ki enei mahi a te Pakeha. He rereke tonu pea no enei tu mahi i koroukore ai te Maori. Ko ta te Pakeha hoki he mawi takitahi wo ta te Maori he ohu ko te hua o nga mahi a te takitini. Na konei pea i takitahi rawa ai te kitea o te Maori i roto i nga mahi Tiata, ka mutu ano nga mea e mohiotia ake ana ko Inia te Wiata raua ko Hira Tauwhare. Taihoa ake nei pea ka whakaputa ko etahi atu.
Permanent link to this item
https://paperspast.natlib.govt.nz/periodicals/TAH196006.2.3.2
Bibliographic details
Te Ao Hou, June 1960, Page 2
Word Count
414KO TE MAORI I ROTO O NGA MAHI WHAKAATA A TE PAKEHA Te Ao Hou, June 1960, Page 2
Using This Item
E here ana ngā mōhiotanga i tēnei whakaputanga i raro i te manatārua o te Karauna, i te manatārua o te Māori Purposes Fund Board hoki/rānei. Kua whakaae te Māori Purposes Fund Board i tōna whakaaetanga ki te National Library of New Zealand Te Puna Mātauranga o Aotearoa kia whakawhanake kia whakatupu hoki ā-ipurangi i tēnei ihirangi.
Ka taea e koe te rapu, te tirotiro, te tā, te tiki ā-ipurangi hoki i ngā kai o roto mō te rangahau, me ngā whakamātau whaiaro a te tangata. Me mātua kimi whakaaetanga mai i te poari mō ētahi atu whakamahinga.
He pai noa iho tō hanga hononga ki ngā kai o roto i tēnei pae tukutuku. Kāore e whakaaetia ngā hononga kia kī, kia whakaatu whakaaro rānei ehara ngā kai nei nā te National Library.
The Secretary Maori Purposes Fund Board
C/- Te Puni Kokiri
PO Box 3943
WELLINGTON
Waea: (04) 922 6000
Īmēra: MB-RPO-MPF@tpk.govt.nz
Information in this publication is subject to Crown copyright and/or the copyright of the Māori Purposes Fund Board. The Māori Purposes Fund Board has granted permission to the National Library of New Zealand Te Puna Mātauranga o Aotearoa to develop and maintain this content online.
You can search, browse, print and download for research and personal study. Permission must be obtained from the board for any other use.
You are welcome to create links to the content on this website. Any link may not be done in a way to say or imply that the material is other than that of the National Library.
The Secretary Maori Purposes Fund Board
C/- Te Puni Kokiri
PO Box 3943
WELLINGTON
Phone: (04) 922 6000
Email: MB-RPO-MPF@tpk.govt.nz