KO NGA TIKANGA O TE HI KAHAWAI WRITTEN AND TRANSLATED BY KORO DEWES Kei te kohikohia nga pitopito korero e pa ana ki nga tikanga Maori e mau tonu ana i roto i tenei ao hou. Ko te tikanga ia hei matakitak ma te roopu tamariki Maori, hei whakaatu ki a ratau koianei taua Mooritanga. Ahakoa e kore e rite ki nga wa o mua kia mau tonu i a ratau enei taonga tuku iho a nga tipuna. Mo te hao kahawai nga korero e whai ake nei, ara i te ngutu awa o Waiapu, takiwa o Ngati Porou. Na Rutene Reihana raua ko tana hoa wahine, ko Hana, nga korero tuatahi ki a au. A na Tipi Kaa raua ko Kuki Kahaki i whakatikatika. He tikanga tuturu Maori kei te mau tonu i tenei iwi o Rangitukia inaianei. Ko te wahanga tuatahi he korero mo te tapu o te ta kupenga, tuarua mo te ta, tuatoru me te uhuuhu te kupenga me te whakanoa i te kupenga hou, tuawha mo te inohi i te kahawai, tuarima he whakamaroke, he tao. KO TE TA i tenei mea i te kupenga he mahi tapu, kaore e tamaatia e te kai maoa, e kakengia hoki e te wahine. Mehemea kaore e arotio ana enei tikanga ka uaua te Kai-ta ki te mahi, kaore hoki e tutuki pai te mahi. Ko te ta o tenei mea o te kupenga e toru nga ahuatanga. Ko te ta tuatahi mo Tihema, he mata toru; mo Hanuere he mata wha, he mata wha me te hawhe ranei, he mata haere ranei; mo Pepuere he mata rima. Ko te take i whatungia ai te mata toru i Tihema he ahua pakupaku no te kahawai. Ko te mata wha, mata haere ranei, i whatungia ai i Hanuere kua ahua rarahi ake te ika. Ko te mata rima i whatungia ai i Pepuere kua nunui te ika i tenei marama. Ka oti te kupenga ka purua he aho ki roto i nga mata o waho. Ka kiia tenei ko te ngakau o te kupenga. I muri iho ka whakawhataina, ka utaina he mea taumaha ki roto hei whakau i te mau o nga mata o te kupenga. Ka oti tena ka tikina he manuka kahikatoa me nga pirita hei tango mo te kupenga. Whakamaroketia ai enei mea a ka mutu ka whakamaua nga pirita ki runga o te manuka kia rite ki te rahi o te kupenga. Kua tika i tenei wa mo te mau ki te one, engari hei te one whakamau a i te kupenga ki runga i te tango. I mua o te hekenga ki roto i te tiana hoki o te Kai-hao. Hei reira ra ano ka heke ai te Kai-hao ki roto i te wai. Pena tikanga i nga wa katoa. Kei te mau tonu i a Ngati Porou inaianei. Ka mau te ika tuatahi i roto o te kupenga hou, ka whatia te upoko kia pakaru iho te toto ki runga i te kupenga, mehema ra he kupenga hou. Ka mutu tera ka whakairiria taua ika ki runga i tetahi rakau i tahaki atu o te haoanga. Kaore tera ika e kainga. Katahi ano ka maro te hao a te Kaihao he ika mana. Ka kiia i tena wa kua noa te kupenga. Kaore e uru te mango me nga ngarara whararihariha o te moana ki roto.
GIVE YOUR FRIENDS A GIFT SUBSCRIPTION TO TE AO HOU—TURN TO PAGE 48.
Ka hao i te ika: kia ki tou hiahia kaua e inohitia i te wahi e hao ana. Me mau rawa ki tetahi wahi ke. Mehemea ka inohi ki te kainga me inohi ki waho ki te wahi kaore e parangia e te kai maoa. Ko tetahi mea tupato kia kaua e inohitia te ika i te wa kei roto i te wai tonu te Kai-hao. Ki te kore ia e pangia e te aitua, kaore e mau he ika i a ia muri atu. I etahi wa kaore e arikarika te haramai o te ika, ka kiia tena he urunga-a-ika. Hei reira ka rawe te mata toru, ahakoa ko tewhea marama. Ka takoto noa iho hoki te ika, ka tere ki te tango ki waho o te kupenga.
Permanent link to this item
https://paperspast.natlib.govt.nz/periodicals/TAH195807.2.12
Bibliographic details
Te Ao Hou, July 1958, Page 16
Word Count
706KO NGA TIKANGA O TE HI KAHAWAI Te Ao Hou, July 1958, Page 16
Using This Item
E here ana ngā mōhiotanga i tēnei whakaputanga i raro i te manatārua o te Karauna, i te manatārua o te Māori Purposes Fund Board hoki/rānei. Kua whakaae te Māori Purposes Fund Board i tōna whakaaetanga ki te National Library of New Zealand Te Puna Mātauranga o Aotearoa kia whakawhanake kia whakatupu hoki ā-ipurangi i tēnei ihirangi.
Ka taea e koe te rapu, te tirotiro, te tā, te tiki ā-ipurangi hoki i ngā kai o roto mō te rangahau, me ngā whakamātau whaiaro a te tangata. Me mātua kimi whakaaetanga mai i te poari mō ētahi atu whakamahinga.
He pai noa iho tō hanga hononga ki ngā kai o roto i tēnei pae tukutuku. Kāore e whakaaetia ngā hononga kia kī, kia whakaatu whakaaro rānei ehara ngā kai nei nā te National Library.
The Secretary Maori Purposes Fund Board
C/- Te Puni Kokiri
PO Box 3943
WELLINGTON
Waea: (04) 922 6000
Īmēra: MB-RPO-MPF@tpk.govt.nz
Information in this publication is subject to Crown copyright and/or the copyright of the Māori Purposes Fund Board. The Māori Purposes Fund Board has granted permission to the National Library of New Zealand Te Puna Mātauranga o Aotearoa to develop and maintain this content online.
You can search, browse, print and download for research and personal study. Permission must be obtained from the board for any other use.
You are welcome to create links to the content on this website. Any link may not be done in a way to say or imply that the material is other than that of the National Library.
The Secretary Maori Purposes Fund Board
C/- Te Puni Kokiri
PO Box 3943
WELLINGTON
Phone: (04) 922 6000
Email: MB-RPO-MPF@tpk.govt.nz