HE AHA I NOHO AI TE PAPAKA RAUA KO TE KOURA KI TE MOANA

Te Ao Hou, Summer 1954, Page 23

FOR YOUNGER READERS HE AHA I NOHO AI TE PAPAKA RAUA KO TE KOURA KI TE MOANA Na G. N. Lansdown I nga ra onamata i noho te papaka raua ko te koura ki te ngahere. I tetahi ra ka poroakitia raua ki te hui a nga kararehe me nga ngangara o taua rohe. Kaore o raua kakahu totika mo taua hui a tarahae ana ki te whakapaipai o nga kakahu o nga manu me nga purerehua. Ka patai te koura ki te purerehua he aha rawa ra i pera ai tona whakapaipai. Ka mea atu te purerehua. ‘He pai noa iho tena, i rere matou ko oku whanaunga ma roto i te Mareikura.’ Katahi te koura ka huri ki nga manu ka patai atu he aha i pera rawa ai te whakapaipai o o ratou na kara. Ka rere i nga manu, ‘Na matou i kite he tai mana engari kua pau katoa inaianei.’ Ka whakapoururu te koura raua ko te papaka a i taua wa ka haere mai tetahi hiira ka mea atu ki taua tokorua. ‘Ina kaore korua e pai kia penei he kakahu mo korua me toku?’ Ka mea atu raua ‘Ae e pai ana maua. Tena kei whea tena momo kakahu?’ Ka mea mai taua kekeno me haere korua ki te moana noho ai penei me au a kia roa korua ki reira ka tipu he huruhuru ki runga i a korua penei me au nei.’ Ka whakapono tonu te tokorua ra ki te korero a taua kekeno, he tinihanga noa iho hoki nana. Ka whakaaro raua mai atu i taua wa me mutu ta raua noho ki te ngahere engari me haere raua ki te moana kia whakakahuria ai raua pera me te kekeno.