HE MANUHIRI TURANGI.
NO te 22 o nga ra o Aperiranei ka tae a John R. Mott, M.A., Ph.B., ki Te Ran Kareti, raua ko tana hekeretari; he hekeretari ia mo te Ropu o nga Tangata Karaitiana o nga Kareti ite Ao katoa. Ka whitu nga tau i tu ai tenei kotahitanga, kua eke ki te 85,000 nga tangata o nga iwi matau katoa ite ao. Ko ta ratou mahi ha hapai ite whakapono i roto i nga kareti nunui, puta atu hold ki waho. Kua uru a Inia a Haina me Tiaipani ki tenei kotahitanga. Ahakoa kaore ano kia roa noa te kauwhautanga i te Rongo Pai ki Tiapani otira o roto i nga tangata 1000 o nga kareti o Tiapani e 30 he Karaitiana, o te nuinga o te iwi kotahi te Karaitiana i roto ite 1000. Kei te piki tonu tenei kotahitanga. E haere ana a Mott kite tirotiro i ona manga ite ao katoa. I whai korero ia ki nga akonga oTe Rau, he whakakaha. I mea ia ko te mahi nui atu i te ao ko te kauwhau i te Rongo Pai a te Karaiti, kaore he mahi ke atu hei rite, kaua hoki te tangata he tahuri whakamuri i te mea kua pupuri nga ringaringa ki te parau. I mea ia e koha ai nga kupu ate tangata ehorai te mea mate kaha o te tinana, ma te pai kite korero, engari ma te mohitia atu e te tangata e tino pau ana nga whakaaro o taua tangata kite whakapono, ko ana kupu i ahu oke i tona ngakau ehara i te mea i makere noa mai i nga ngutu. Kaore te tangata e pai kite tinihanga, koia nei hoki te hara i tino kinongia ete Karaiti. Ma te tika ote ngakau o te tangata ka tika ai ana kupu, ona whakaaro, ana mahi, kite he a roto ka he ano hoki a waho. Ko te tangata nui te whakapono e mohio ana kite titiro ite whakawainga, i tawhiti ano kua noho tupato ia, tenako
etahi tangata ka moe nga kanohi kia eke to" nu te whakawai.iga, katahi ano ka moe nga kauohi kia eke tonu te whakawainga, katahi ano ka korikori, kua horo a hoki te pa. E tuku ana etahi tangata i nga whakoaro kino kia noho ki o ratou ngakau, kaore e pei i ana whakaaro ki waho. He hara kino te puremu otira kua puremu te tangata mehemea ia kite whakaae kia noho te hiahia puremu i roto i tona ngakau ki tetahi wahine. Iki a Matene Rata, “ E kore e taea e au te arai te ata o te manu e rere ana ma runga i toka mahunga kei tau ki runga i a au otira noku ano te he kite tukua eau taua manu kia hanga i tana kohanga ki roto i aku makavve.” E wero ana te whakaaro poke i o tatou ngakau, otira kite rnanaakitia tana whakaaro e tatou, e tuku ana tatou kia hanga i tana hokanga ki o tatou ngakau. Ko te hiahia puremu ote tangata he mea ata hanga nana, ehara i te mea ohorere, no te urunga o te hiahia puremu ka puritia taua hiahia kaore i peia, kua tukua e ia tana whakaaro kia hanga i tana kohanga ki tona ngakau—kua hara ia i roto i tona ngakau. Ko te mea pai ko te pei i nga whakaaro kino, kaua e poipoia, e taea te pai, e puta ai ki waho ma te whakaaro i nga whakaaro pai—w'hakaaro ki a te Karaiti, a 1 te mea kua taunga kite pei i nga hiahia kino ka mama noa iho te pei atu. I whakahau ano a Mott kia mohio te inoi, kia rite ki ta te Atua i pai ai. E kore rawa e whakamana e te Atua nga inoi a etahi tangata, i te he i te kuare o nga mea e tonoa ana e ratou, mo ratou anake a ratou na inoi, kaore he wahi mo etahi atu tangata i roto i a ratou inoi. Ko tetahi mea nui ko te korero i te Kupu a te Atua, hei wKakamarama i te ngakau. Ko te Paipsra anake te pukapuku i te ao nei hei whakamarama i te ngakau.
Tera atu te nuinga o nga kupu a Mott. He tangata tino matau tenei; e kiia ana e tu ia hei tumuaki—hei tumuaki tamaraki rawa mo Amerika mehemea ia i tu hei mema, ara mehemea ia i aru i tera mahi, otira ki tana ki he mahi nui ke atu te kauwhau i te rangatiratanga ote Atua. I nga tau tua'ahi o Mott kite kareti ehara ia ite tangata whakapono, kaore hoki ia i whakapono he Atua ate Karaiti, otira i tana tirohanga ki nga korero mo te Karaiti whakapono ana ia, mea ana, “ E toku Ariki e toku Atua.” E mea ana a Mctt ko te hiahia o nga tangata matau o te ao ko te whakapono. Itu he hui nui ma Moto ki Otautahi i huihui ai nga tangata kareti, i haere ano etahi Maori o Te Rau nei o Te Ante. Kai a ratou nga korero ote hui a to ratou hokinga mai.
Permanent link to this item
https://paperspast.natlib.govt.nz/periodicals/PIPIWH19030501.2.2
Bibliographic details
Pipiwharauroa, Issue 63, 1 May 1903, Page 1
Word Count
864HE MANUHIRI TURANGI. Pipiwharauroa, Issue 63, 1 May 1903, Page 1
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.