HE WAKAHOKI RATAI.

Pipiwharauroa, Issue 4, 1 June 1898, Page 1

HE WAKAHOKI RATAI.

Kia Rev. Hoeta Te Hata. Tauranga Taupo. Nga patai (Matiu xviii. 28). Ko wai te Ariki ? Ko wai te pononga ? Ho aha ta

10,000 taranata ? Ko wai hoki te pononge ia ia nga pene kotahi rau ? Ahe aha tana nama i utua nei e to raua ariki ? Te Whakahoki: Te Ariki nei ko te Atua. Te pononga i a ia nei te 10,000 taranata, ko te tangata e hara nei kite Atua. Nga taranata 10,000 ko te whakarite nga tenei mo nga hara o te tangata kite Atna, ara he whakarite mo te nui rawa o te nama a te tangata kite Atua. Te pononga i a ia nga pene 100 ko te tangata tena kua hara nei kite tangata ano hoki, ara i ahu ke mai te toimahatanga o tona hara kite tangata. Ko taua nama i utua nei, ko nga hara katoa o nga tangata. Kati, kia ata whakamaramatia ake te tikanga o tenei kupu a to tatou Ariki. He aha te putake mai o tenei kupu a te Karaiti ? Ko te patai mai a Pita, “ E te Ariki, kia hia nga haranga o toku teina ki a an, me taku whakarere noa iho i tona hara ?” (Matiu 18. 21.) Kua whakatakotoria e te Karaiti ko tenei kupu whakarite hei ; whakahoki mo taua patai a Pita. I mahara a Pita kia, whitu rawa ana murunga i nga hara o tana teina. Ki ta nga Hurai kia toru kia wha ranei (Amoho I, 3; 11, 6). Kua mohioano pea a Pita kite aroha o tana Ariki, no reira i whakanekehia ake ai eia kia whitu rawa nga murunga o te hara. Engari ko te matauranga o Pita he matauranga papaku noaiho i tenei wa. Kaore ano ia kia tino matau rawa ki nga tikanga o tana whakapono ki a te Karaiti. Hei ako i a ia, kia tino hohonu ai tana whakapono, i homai ai e te Karaiti tenei kupu whakarite. Rarangi 28. Ko te Kupu Whakarite tuatahi tenei i whakaritea ait© Atua ki tetahi Kingi. Ko tatou, ko te tangata, ana pononga. E hara ite mea ko te whakawakanga whakamutunga tenei, penei me Matiu xxv, 19. Koriniti v, 10, engari he whakawa penei me Ruka xvi, 2, kei tenei ao nei ano. Kei te kauwhautanga mai ote ture ki a tatou, kei te marangatanga mai o o tatou hara ki mua i o tatou mata, kei to

tatou ohonga ake i te moe-a-wairua, kei te putanga mai o 'etahi raruraru nui ki a tatou, kei te ngaunga a te mate i a tatou i tata ai tatou kite mate rawa (2 Kingi 20; 4) kei te mamaetanga o tatou ngakau mo o tatou hara e kore nei e taea te tatau; ko enei etahi o nga huarahi atu ki taua whakawakanga a te Kingi i ana pononga. He penei te whakawakanga o Rawiri i te karangatanga a Natana i a ia i te aroaro o Ihowa (2 Hamuera xii.) Ko taua whakaw ano hoki i te kauwhautanga a Hona ki nga tangata o Ninewe ; ko taua whakawakanga ano hoki i te kauwhautanga o Hoani Kaiiriiri ki nga Hurai i te koraha Rarangi 24. “Ka kawea ki a ia.” Kaore te tangata nei i haere noa atu, engari i amohia, i kawea. Kaore he hiahia o te tangata nui te hara kia tae atu ia kite aroaro o tana Ariki, no te mea he hara nui tona, kaore ano hoki kia murua. (Mehemea he nama tau kei tetahi toa, a kaore koe i te hiahia kite utu i taua nama, kore rawa koe e hiahia kia kite koe i te rangatira o taua toa. E pena ana hoki te tangata kite Atua. Kei te tahuti te tangata, be wehi nona ki tana nama ki a la. (Roma ii, 5.) “ Tekau nga mano taranata.” He moni nui whakaharahara tenei. Ite hanganga o te tapenakara, e rua tekau ma iwa nga taranata koura i whakapaua. (Ekoruhe 38, 24. E toru mano nga taranata koura i whakaritea e Rawiri mo te temepara, e whitu mano nga taranata hiriwa. (1 Nga Whakapapa, 29 : 4—7). Kotahi ran e rua tekau nga taranata i tukuna e te Kuini o Hepa hei tohu aroha mana kia Horomona (1 Kingi x, 10). Ite rironga o Iharaira i te Kingi o Ahiria, whakaritea ana e ia kia toru raunga taranata hiriwa a kia toru tekau nga taranata koura hei utu ma Hetekia me tana iwi ki a ia. (2 Kingi 18, 14.) Te Taranata koura kotahi £5,475 0 0 Te Taranata hiriwa kotahi £342 3 9 Tekau mano taranata hiriwa rahi ake i ... ... £8,000,000 0 0 Te pene kotahi, = Bf. Kotahi rau pene ... ... £3 10 10 Ko te tangata i a ia nei tonei nama nui rawa, ko tetabi tonu pea o nga tino tangata a te Kingi, ara he penei pea me nga Kawana, me nga Pirimia, me nga Kaitiaki o te katoa ranei. He moni nni rawa hoki te toru miriona pauna, mehemea nana ake. “,Kia hokoa ia, tana wahine, me ana tamariki.” Iwhakaaetia tenei tikanga i

mua. (Rewitikuha 25. 39, 41,) Ko te tikanga o tenei kupu, mo te tangata e hara tonu ana kite Atua, kaore nei he whakaaro ripeneta i roto i a ia. Ko era tu tangata, ano kua hokoa e te Atua, ara kna tukua rawatia atu e te Atua ki tana ihiahia ai, kua kore i raro i te mana manaaki o te Atua engari kei a Hatana. (Nga Waiata, 44, 12.) V Rarangi 26. “ Na ka tapapa iho taua pononga, ka kgropibo ki a ia.” He aha te take i tapapa ai, i koropiko ai tenei pononga a, ko tetahi (r. 29) i tapapa, engari kihai i koropiko ? Te take, ko te pononga tuatahi, kei te aroaro o tona Kingi ara o te Atua, te pononga tuarua, kei te aroaro o tona hoa tangata. 1 roto i enei ra e koropiko ana tatou kite Atua, kaore kite tangata. ” E te Ariki kia atahanga ki a au, a ka utua katoatia e ahau ki a koe.” Kua puta ohorere ake te whakaaro i roto i a ia kia utua katoatia tana nama. Ma wai e utu te £8,000,000 ? Kei te pera ano hoki pea etahi o tatou e hoa ma. I roto i o tatou mate, i oati rawa tatou kite Atua ko te mutu rawa ta tatou whai haere i nga mahi a te rewera, i nga mahi whakararuraru e kitea nei i te huarahi whanui o tenei ao (Matiu 7 : 13, 14.) Ara, i karanga ake tatou, “ E te Ariki kia ata hanga ki a au.” No te rongonga mai o te Atua, no to tatou oranga ake, ware ware tonu atu ki ta tatou nama kite Atua. “ Ka utua katoatia e ahau ki a koe.” Ko te reo tenei o te tangata e whakaaro ana kaore ona hara, i pai ke ake ia i etahi tangata, ara, o te Parihi i te temepara (Ruka 18 : 11). Rarangi 27. “ Ka oho i te aroha te ariki o taua pononga.” Kua whakaae ia ki tana hara, heoi kua aroha hoki te Ariki ki a ia mo tana tangi (I Hoani 1 : 9). Ko te tikanga ano hoki tenei a Hohepa. I riri a Hohepa i te taenga atu o ana tuakana ki tana aroaro, engari ko tana riri kei waho, kei roto i a ia te puna o te aroha ki ana tuakana. “ Tuku ana i a ia, a whakarerea noatia iho e ia ana moni tarewa.” Ahakoa i whakawakia taua pononga, na taua whakawakanga i tutuki atu ai ki tenei, ara kite murunga o tana nama. Rarangi 28. “ Te putanga o taua pononga ki waho.” Kua whakarerea e te pononga nei te marae o tana ariki, kei waho e haere ana, a, i r«ira, *• ka kite i tetahi o ona hoa pononga, kotahi ra i ana pene i a ia.” “ Te putanga.” He kupu nui e hoa ma

tenei. He aha i rite ai o tatou takanga i etahi wa kite takanga hoki ote pononga nei ? Te take e puta atu ana tatou i te aroaro oto tatou Ariki. Kaore tatou ite noho tonu i tona aroaro. Kei te puta atu tatou ki waho, kei te wareware ki te nui rawa o nga hara i murua nei e te Atua, “ kua wareware ki te horoinga o nga hara o mua.” (2 Pita i, 9.) “ Kotahi rau ana pene.” Ko tana nama he nama iti noaiho ki tona hoa. Ko ta tetahi ra 10,000 taranata ki tona ariki. He whakamarama mai tenei i te iti noaiho o te hara ote tangata ki a ratou tangata ano, ina whakaritea ki nga hara o te tangata kite Atua. Ko o tatou hara ki a tatou ano te 100 pene ara te £3 ;ko o tatou hara kite Atua e rite ana kite 10,000 taranata ara £3,000,000. “ Hopukia ana e ia, a notia iho te kaki, mete ki ano utua taku nama ” Kore rawa he aroha o tenei tangata. Mehemea ka whakaaro tatou kia penei te pakeke o ta tatou whakahaere i nga tikanga mo te tangata, kei riri tatou ina pakeke hoki nga tikanga ote Atua kia tatou. Kia aroha, kia aroha. Ko te ture ten aa te Karaiti ko te ture tena a o tatou tupuna. Earangi 29. “ Heoi tapapa ana ton a pononga ki ona waewae, ka inoi kiaia.” Ko tana inoi tenei ite r. 26. Engari ia i tohungia e tona Ariki. Ko tenei pononga i tohungia nei kore rawa i tohu i tona hoa pononga. (Taria e whakaoti.)