TE MATENGO O MEIHA KEEP A TE RANGIHIWINUI.
He nui te pouri mete mamae i puta atu ki nga Maori tae atu hoki ki nga hoa pakeha
i te pakutanga mai o te rongo i roto i nga Niu pepa kua mate a Meiha Keepa. E kore e taea te korero i konei nga mahi nunui katoa a taua tangata. I runga i tona aroha nui ki tona iwi Maori, hapainga nuitia ana ia hei rangatira ingoa nui, hei upoko whakahaere tikanga hei painga mote iwi. Ko te kupu a nga Niu pepa pakeha mona e penei ana : —“ He tangata maia, he tangata piro pono ki ona hoa, he mahaki ki ona hoa riri.” Ko ta ingoa o Meiha Keepa kua rangona nuitia e nga iwi e rua o enei moutere, mo ana mahi maia me tana toa i nga wa o te pakanga. No tana kaumatuatanga, ka mutu nei nga pakanga, ka tau nei te i angimarietanga kite tangata, ka kimi ano ia i nga huarahi o te pai mo te taha Maori. Ko tona ingoa e rangona nuitia ana i roto i nga mahi katoa a te Whakakotahitanga. He nui hoki tana awhina i roto i nga ra kua pahure ake nei i nga tikanga katoa o to tatou Hahi. No mua i kiia ai e nga iwi e tae ana ki Whanganui ko Putiki te pou o tewhakapono. Ahakoa i runga i nga pakanga i nga raruraru i taka atu te whakapono, no roto i enei tau kua pahure ake nei kua rite ano taua kupu mo Putiki, ko te pou ano tenei o te whakapono. Nate aha ? Na te nui o te manaaki a taua kaumatua i nga tikanga o te whakapono. He nui hoki nga manaakitanga a te Atua i taua kaumatua, me tana kainga, me tana iwi. He Rangatira tenei i kaha rawa kite turaki i nga wai whakahaurangi katoa. I roto i enei tau maha kua pahure ake nei kaore rawa te waipiro e tata mai ki a ia, ki te marae ranei o tona kainga. E ki ana nga Niu pepa pakeha ahakoa i tae kite 1,500 nga Maori i huihui atu kite tangihanga, kore rawa i kitea te haurangi ki reira tutu ai. Titiro e te iwi ki tenei mahi. Kua waiho tenei ahuatanga o te tangihanga hei whakamiharotanga ma nga mano tangata i tae atu ki Putiki. He mea whakahouhou rawa ki te rangatira pakeha te inu waipiro i nga tangihanga. E nga rangatira Maori titiro atu ki a ratou hei tauira mo nga tikanga e rite ana mo te rangatira. I te nehunga i a Meiha Keepa e kiia ana i tata kite 11,000 nga tangata i tae atu kite urupa kite kawe atu i to ratou aroha. Heoi, haere ra e koro e, haere, haere. Ahakoa kua ngaro atu koe i a matou, ko o mahi tenei te haere nei, ko o kupu tenei te maharatia iho nei. Haere. Haere. Ka po i ngaro atu koe i runga i nga mahi kino a tenei ao, ka mamae tonu ai te ngakau mou;
ko tenei. he tangata whakapono, he pononga na te Ariki, kua tae atu koe kite ao mararaa ko matou ia i whakarerea iho kite ao pouri. Ko o purapura i tou ai, tenei, ka whai hua i rauri i a koe. Ka tika mou nga kupu a Paora. “ Ahakoa mate ia, e korero anaano ia ” (Hiperu 11, 4).
Permanent link to this item
https://paperspast.natlib.govt.nz/periodicals/PIPIWH18980401.2.5
Bibliographic details
Pipiwharauroa, Issue 2, 1 April 1898, Page 2
Word Count
572TE MATENGO O MEIHA KEEP A TE RANGIHIWINUI. Pipiwharauroa, Issue 2, 1 April 1898, Page 2
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in