Te Kōwhiringa Pōti 2005

Muka, Volume 18, Issue 1, 1 September 2005, Page 11

Te Kō whiringa Pō ti 2005

nā Jamie Tuuta nō Ngāti Mutunga.

Ite 17 o Hepetema itu ai tetehi o nga kowhiringa poti whakahirahira rawa atu i roto i nga tau kua pahemo ake nei. I mua i te kowhiringa nei i puta mai nga korero rihariha a etehi kite Maori. I whakapou kaha hoki nga ropu matua kite mirimiri i nga tuara o nga kaipoti, he kimi taunaki te mahi, he whakawai. Ahakoa ra nga ki taurangi i mua i te po o te kowhiringa, i taua po ra i kite ake te marea i te hunga i maringanui, i waimaria. Era i hakoakoa i te rangotanga ake kua uru ratou kite Whare Paremata. Era and i pouri i te kore pupurutanga i 6 ratou turn, i te kore waimaria. E kiia ana te korero mate atu he tete kura, haere mai he tete kura. I mohio noa mai te nuinga o te Maori ki nga korero a Nahinara me ta ratou kaihautu a Don Brash i kaha nei kite tihore mai ite moko Maori o te iwi taketake kia whera a ia ki a ngai kiritea. Ko nga hiahia ano o etehi kite whakakore i nga turu Maori o te whare, kite whakakore hoki i nga putea motuhake e aro atu nei kite

Maori. I kitea ai te kaikiri o te tangata e puta ana i ona whakaaro rihariha, whakahawea kite Maori. Heoti ano no te taunga o nga whakangahau o te po o te kowhiri i kite ake i te kotata o nga ropu matua. Mete mea nei kua weherua te motu ki tana e hiahia nei. Hei ahakoa, i manahau te Pati Maori ahakoa kahore i tutuki i ta ratou i hiahia nei, ara, ko nga turu Maori katoa, i te hari i te kaponga o nga turu e wha. Ko ta ratou kia rangona mai te reo Maori mete reo o te Maori i te Whare Paremata. He reo ka kore nei e tamia e tetehi atu ropu. Kei te rapu a John Tamihere i tetehi mahi hou i tenei wa. Engari, matua mohio nei a ia ki nga nekenekehanga o te Whare Raiona, koia hoki tetehi i rongo nana kite ngau ote hunga papaho. I whatangia ana mahi hei tirohanga ma te iwi whanui. Kua tuku korero a ia ki nga mema hou kia mohio mai ratou ki nga ahuatanga torangapu. Heoti ano, kua u mai nei te waka ote Pati Maori kite paremata me ana kaihoe tokowha. Kei a ia te mahi nui hei whakatutuki i nga

tumanako me nga moehewa o te hunga na ratou i tautoko. Me mar 6 te waka ka tika i roto i te moana pukepuke, moana tuarangaranga o te paremata. Kei taua moana ra nga taniwha ka hiahia nei kite totohu i tenei waka kia mate rawa atu. Engari e ngakau tahi ana te Pati Maori ka taea e ratou te whakatere i te waka i tenei moana nui. Kati ra, ma te wa tatou ka mohio ka pehea nei te Pati Maori me nga ropu katoa kua uru nei kite whare paremata. Heoti ano, kaore e arikarika nga mihi ki nga Maori rua tekau ma rua kua hou atu kite whare paremata. Heoti ano te korero whakamutunga, tupou te mokomoko.