PITOPITO KORERO.
Ko nga tangata kua whakatungia hei Apiha mo te Taua Maori ko end, ara : —Mo te wahanga (A), kua wbakaritea ko J. Poynter he Kapene ; mo te wahanga (B) ko Wiri Piti. Ko Timi Wherihi kua whakatungia hei lieutenant, ara ki te tunga apiha i raro iho ite Kapene ; ko Akutini Kaipara hei Quartermaster Seargeant; ko Akuhata Paku hei Kapara. Enei tangata no Turanga katoa nei. No nga ra whakamutunga o Noema nei ka tae mai te rongo o te piihitanga o Wiremu Tureia raua ko Tamati Te Kanapu ito raua whakamatautau mo te taha pakeha; ara te whakamatautau o te Grade 111.
No te 50 nga ra o Tihema nei ka pakaru te Kareti o Te Raukahikatea ; ka hokihoki hoki te Kura ki o ratou na takiwa. No te 30 o nga ra o Nowema nei ka tu te hui a Apirana Ngata kite taone o Turanga. He nui nga tangata o roto o Turanga i emi mai ki taua hui. He hui tino pai taua hui; te marama o Ngata kite whakatakoto i tana kaupapa ;te marama kite whakamaori haere i nga rarangi o te Tiriti o Waitangi me ona whakaekenga mai ki nga whakahaere e whakahaerea nei e te Paremata. He hanga rawe, marama kehokeho tera kite kapo tae atu hoki kite hunga whakatete mai. Kite whakaaro kei a Ngata ano te nuinga o nga tangata 0 Turanga nei. Ka nui te kaha o te Komiti a Ngata i Turanga nei kei te whakahaere i tona pooti. Ko Reri Kara tonu te Tiama ote Komiti; ko Hupa, kai-whakamaori o Turanga te Hekeretari. Ko Henare Ruru te hoa o Apirana 1 haere ai raua kite Wairoa. Kua tae te whakaatu a nga Maori o tetahi Porowini o Whlti (Fiji) ki to ratou kawanatanga kia 500 he koha ma ratou kite whawhai: a o ratou iwi ake hei haere kite whawhai kia 1,000. Ko tetahi Porowini ano o Whiti kua mea kia £l6O he koha ma ratou, kia 500 o ratou e haere. Tetahi mahi a nga Gurka, ara a tetahi hapu o Inia e whawhai mai nei he tapatapahi i nga taringa o nga Tiamani kua mate i a ratau katahi ka puru ki roto ki nga puare o ratou taringa penei mete mako; ki a ratou tenei mahi a ratau hei whakapaipai i o ratou taringa. Kite kore a Tiamani e puta kite taha moana ite29 o nga ra o Tihema nei ko te wa tonu tera e timata ai ta ratou hoki whakamuri kite taha-rawhiti o Peratiumu, te wahi hei tunga whakamutunga mo ratou. Kite hinga ratou i reira heoi ano kua tae tonu te pakanga kite roro o ratou whare. Ko enei korero na tetahi Kanara no Tiamani i riro herehere i te Ingarihi raua ko te Wiwi. He iramutu no Mr. Mahoney, kai-ta o te Kopam, tetahi o nga Apiha o te “ Sydney,” te manuao o Ahitereiria nana nei i kuru nga kauae o te “ Emetene,” te manuao whakahaehae o Tiamani. Ko ia tonu te kai-whakahaere o nga pu repo nana ate “Emetene” i karawhiu. He tamaiti ia na te tuahine ote kai-ta, a ko J. Clement MacFarlane tona ingoa.
Permanent link to this item
https://paperspast.natlib.govt.nz/periodicals/KOPARA19141101.2.7
Bibliographic details
Kopara, Issue 14, 1 November 1914, Page 6
Word Count
528PITOPITO KORERO. Kopara, Issue 14, 1 November 1914, Page 6
Using This Item
See our copyright guide for information on how you may use this title.