He Komihana hei uiui i nga Take e pa ana ki nga Riihi o nga Whenua Maori i roto i te Takiwa Kooti Whenua Maori o Waikato-Maniapoto.

Ko te Kahiti o Niu Tireni, Issue 19, 16 May 1929, Page 235

He Komihana hei uiui i nga Take e pa ana ki nga Riihi o nga Whenua Maori i roto i te Takiwa Kooti Whenua Maori o Waikato-Maniapoto.

CHARLES FERGUSSON, Kawana-Tianara

Ki nga tangata katoa e whai paanga ana ki tenei take a ki a Charles Edward MacCormick, Esquire, o Akarana, Kai-whakawa o te Kooti Whenua Maori; ki a Wallace Fletcher Metcalfe, Esquire, o Mount Eden, Akarana, Rangatira Paamu Hipi; a ki a Geoffrey Westwood Richards, Esquire, o Otorohanga, Rangatira Paamu : Tena koutou. NOTEMEA hei take a whiwhi whakaaturanga ai te Runanga Nui o Niu Tireni mo te ahua i naianei o te ture e pa ana mo te tuku, a mo te whakahaerenga ketanga o nga paanga i roto i tetahi Whenua Maori a mo era atu ritenga a take e huaina a muri ake nei, e tika ana kia whakaturia he Komihana hei uiui hei tirotiro i nga take e huaina a muri ake nei : Na reira, kia mohio koutou ko Ahau ko Tianara Ta Charles Fergusson, Baronet, Kawana-Tianara o te Tomin iona o Niu Tireni, hei whakahaerenga i nga mana kua whakawhiwhia ki a au e te Ture Whakatu Komihana Uiui 1908 a me era atu mana a kaha awhina i a au mo tenei take i runga i te whakawhirinakitanga mete whakapono ki to koutou mohiotanga, ki to koutou kaha, kite tapatahitanga o o koutou whakaaro a i raro i nga tohutohu mete whakaaetanga a te Kaunihera Whiriwhiri o taua Tominiona, tenei ka whakamana, ka whakatu i a koutou i a Charles Edward MacCormick, Wallace Fletcher Metcalfe, me * Geoffrey Westwood Richards

hei Komihana i raro i taua Ture hei uiui hei tirotiro i nga take e whai nei ara (1) I te mahi a nga ture o naianei e pa ana ki nga riihi o nga whenua Maori, ahakoa kua tukua ki raro i te mana o te Poari Whenua Maori kaore ranei, kei roto e takoto ana i te Takiwa Kooti Whenua Maori o Waikato-Maniapoto.

(2) I nga ritenga me nga tikanga o aua riihi e pa ana ki nga Kai-tuku Riihi me nga Kai-tango Riihi. (3) I te ahuatanga o nga Kai-tuku Riihi Maori o aua whenua mo te taha ki nga rakau hei kaninga ma te mira kei runga i aua whenua kua riihi tia nei a mo te taha ki nga mana tope rakau i whakaaetia. (4) I te ahuatanga o aua Kai-tango Riihi mo te tikanga awhina-a-moni i a ratou ko a ratou riihi hei punga, e taea ai e ratou te mahi o nga whenua i roto i aua riihi.

(5) I te ahuatanga e pa ana ki aua Kai-tuku Riihi a ki Kai-auatango Riihi hoki mo nga whakapainga i mahia ki runga i aua whenua kua riihitia nei i te wa e mana ana te riihi. Kahiti—A.

(6) I te tikanga mehemea e pai ana kia mahia he ture kia whakanuia atu kia whakahokia iho ranei te moni reti mo aua whenua i nga wa e tino tika ana kia peratia. (7) I te ahuatanga o nga whenua Maori kei roto i te whenua Maori kei roto i te takiwa kotahi a kua tukua ki raro i te mana o te Poari Whenua Maori. (8) I era atu tikanga mea tika ranei e whiwhi ai ki nga whakaaturanga katoa mo tenei take. A i raro ano i nga tohutohu mete whakaaetanga pera ano tenei Ahau ka whakatu i a koe i taua Charles Edward MacCormick hei Tiamana mo taua Komihana. A hei meatanga e whai mana ai koutou kite whakahaere i tenei take tenei koutou ka whakamanaia, ka whakahaua kia whakahaere uiuinga i nga wa a kite kainga ki nga kainga ranei i roto i taua Tominiona ki to koutou whakaaro e tika ana, a kite whakahau kia tae mai ki mua i o koutou aroaro kia uiuia e koutou i runga i te oati i tetahi atu ahua ranei e whakaaetia ana e te ture te tangata nga tangata ranei ki to koutou whakaaro e tika ana hei whakaatu kia koutou i nga korero mo tenei take. Aka whakamanaia hoki koutou kite whakahau kia haria mai ki mua i o koutou aroaro hei tirohanga ma koutou nga pukapuka, tiiti, kaute, mapi me era atu pukapuka, tetahi ranei o enei pukapuka, ki ta koutou whakatau e tika ana hei whakaatu i nga korero mo nga take kua huaina i mua ake nei.

A ko koutou ka tonoa i runga ano i te whakaaro nui ki tenei mahi kia tuku mai i ta koutou ripoata i hainatia e koutou a i whakapiria te hiira ki runga ki a au a te ra kia kaua e nuku atu i te ono marama timata atu i tenei ra whakaatu mai i te whakaaro i oti i a koutou i runga i ta koutou uiuinga i tenei take a me whakaatu mai hoki e koutou i roto i taua ripoata, i roto ranei i tetahi pukapuka e whakapiria ki taua ripoata a koutou tikanga i kite ai koutou e pai ana hei tikanga rongoa mo nga take katoa mo etahi ranei o nga take kua huaina ake nei. Ahe tino whakahau he tohutohu tenei ki a koutou kaua koutou i nga wa katoa e panui e whakaatu ranei engari ki a au anake a me matua whakahau ra ano e au i nga korero o ta koutou ripoata te whakaaro ranei i oti i a koutou.

A tenei ka panuitia ko tenei Komihana ka whai mana tonu ahakoa i hikitia mai te uiuinga i tetahi wa ki tetahi wa mai i tetahi kainga ki tetahi kainga. A hei whakamutunga ko nga mana, ko nga kaha, me nga mahi kua whakawhiwhia kua utaina ki runga i a koutou ki nga tangata o tenei Komihana ka ahei kia whakahaerea e te tokorua o koutou e noho tahi aria a e mahi tahi ana.

He mea tuku i raro i te ringa o His Excellency te KawanaTianara o te Tominiona o Niu Tireni i whakaputaina i raro i te Hiira o taua Tominiona i tenei te 3 o nga ra o Aperira, 1929.

A. T. NGATA,

Minita Maori.

I whakaaetia i roto Kaunihera.

C. A. JEFFERY,

Karaka Riiwhi o te Kaunihera Whiriwhiri.