Panuitanga.—Ture Tiaki Kararehe.—Tiaki Manu Maori.
Tari o nga Mahi o roto i te Tominiona, Poneke, 27 o Maehe, 1919. HE inoi tenei ki nga tangata katoa kia awhina i nga tikanga tiaki i nga manu Maori o Niu Tireni hei koha tuku iho ki nga uri o nga whakatupuranga e whai ake nei. I raro i nga tikanga o te Ture Whakatikatika Ture Tiaki Kararehe o te tau 1910, e tiakina ana nga manu Maori katoa o Niu Tireni. Ko te tangata e patu ana, e whakamamae ana, e hopu ana ranei hei mokai i tetahi manu Maori o Niu Tireni o nga moutere ranei e patata ana mai, e pahua ana, e wawahi ana ranei i tetahi kohanga a tetahi o ana manu ka ahei kia whiua taua tangata kia utu i te moni me kaua e neke atu ite £2O. E takahi ana i te Ture te tangata e whakamokaikai ana e tuku ke ana ranei ki tetahi atu motu i nga manu Maori, i nga kiri i nga huruhuru ranei o aua manu mehemea kaore he whakamananga kia pera a te Minita o nga Mahi o roto i te Tominiona. Manu Maori. Ka ahei te pupuhi manu Maori a to wa anake e whakatuwheratia ana mo te patu manu, otira heoi ano nga manu e tuwhera ana mo te patu, ko nga manu kua whakaingoatia i roto i nga Warati o te Wa Pupuhi Manu o ia tau. Tau Kati. I raro i nga tikanga o te Ture Tiaki Kararehe, ko te tau 1919, me ia tuatoru o nga tau o muri atu, he tau kati mo te patu manu, ahakoa manu Maori, manu hari mai o etahi atu motu ranei. Nga Manu kaore he Abai mo te Patu. E ai ki tetahi panuitanga i perehitia ki roto kite New Zealand Gazette, e whakaatu ana. i reira kaore he arai a tae noa kite 31 o Tihema, 1919, i te patu kaahu o nga momo katoa, kea, kawau ranei o enei momo e whai ake nei, ara : kawau-papua, kawau-paka, kawau-waitai.*.
Nga Manu Maori e Tiakina ana i nga Tau Kate Kaki, huwana pango, tataki, pohowera, kuaka, kereru tutumata, pukeko, tete, papango, tawaka, kuihi maka.
Nga Manu Maori e ting Araia ana te Patu i nga wa KATO A. Ko nga kiwi o nga momo katoa, koreke, kereru o Wharekauri, matirakahu, moeriki, putoto, patatai, nga weka o nga momo katoa, taihoropi, weweia, pateketeke. Ko nga manu o te moana o nga momo katoa, hui atu kite korora, tawhaki, titi, kuia, oi, taiko, totoare, whiroia, toanui, toroa, oroa pango, tara, tara punga, karoro, taeko, karoro piri, me nga kawau (haunga ia nga mea kua whakaingoatia i runga ake nei) ; takupu, hakuwai, amokura, me nga manu i ahu mai i Hawaiki.
Ko nga. manu haereere awa me nga manu kau wai o nga momo katoa, hui atu kite tuturiwhatu, kohutapu, ngutupare, torea, parerarera, tataki, kotuku, matuku-moana, matuku-hurepo, o nga momo katoa. Ko nga koukou, kakariki o nga momo katoa, kaka, kakapo, kotaretare, pipiwharauroa, koekoea. Ko nga titipounamu, koriroriro, horirerire o nga momo katoa, riroriro, miromiro, toutouwai, purourou, tirairaka, upokotea, matata, koroatiti o nga momo katoa. Ko nga korohea, koropio o Aotearoa me Te Waipounamu, kokako, toitoi, matakiore, korimako, tui, tauhou, pihoihoi, huia, tieke. Ko nga whio me nga parera o Motu Akarana (Auckland Island). Ko te kahia raki ote tonga mete moho ara takahe.
G. W. RUSSELL,
Minita o nga Mahi o roto i te Tominiona.
Permanent link to this item
https://paperspast.natlib.govt.nz/periodicals/KNT19190403.2.12
Bibliographic details
Ko te Kahiti o Niu Tireni, Issue 14, 3 April 1919, Page 187
Word Count
576Panuitanga.—Ture Tiaki Kararehe.—Tiaki Manu Maori. Ko te Kahiti o Niu Tireni, Issue 14, 3 April 1919, Page 187
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Matauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of Copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga : Purihia, Tiakina! (revised 2018) – available on the National Library of New Zealand’s website.