Whakamana i tetahi Maori ki te Mokete i tetahi Whenua i raro i Tekiona 6 o “Te Ture Whakatikatika i nga Ture Whenua Maori, 1897.”
PLUNKET, Kawana. OTA A TE KAUNIHERA
I te Tari o te Kawanatanga, i Poneke, i tenei te ono o nga ra o Hepetema 1909.
Tu ana i reira:
Ko te Honore James Carroll hei Tumuaki mo te Kaunihera. NOTEMEA kua meinga e tekiona ono o “ Te Ture Whakatikatika i nga Ture Whenua Maori, 1897,” ka ahei te Kawana i runga ite Ota Kaunihera, kite whakamana i te Maori e whiwhi ana i tetahi whenua kua motuhake ki tona kotahi kite mokete i taua whenua ki tetahi o nga tari tuku moni nama ate Kawanatanga, aki te
peratia me mana taua mokete, i runga i nga aronga katoa ano mehemea nei e hara te kai-tuku mokete i te Maori, a hei reira kaua e whaimana nga here nga arai nga tikanga ranei o “ Te Ture Kooti Whenua Maori, 1894,” o tetahi atu Ture ranei e pa ana ki nga whenua Maori, ki nga whenua ranei e whai take ana nga Maori, ahakoa takoto ke etahi kupu o aua Ture : A notemea ko Hira Parata, o Waikanae, Takiwa Porowinitanga o Werengitana, Tominiona o Niu Tireni, he tangata kua motuhake ki a ia te poraka whenua te piihi whenua ranei kua huaina kua ata whakaaturia i roto i te Kupu Apiti ki tenei, a kua tono ia kia whakaaetia ia kia mokete i taua poraka whenua : A notemea i runga i tetahi tiwhikete i tuhia i te tekau ma iwa o nga ra o Akuhata, kotahi mano e iwa rau ma iwa, i raro i te ringa o Walter Edward Rawson, he Tiati no te Kooti Whenua Maori o Niu Tireni, mete hiiri o taua Kooti, whakataua ana ko taua Hira Parata, e whiwhi ana, haunga ia te whenua e meatia nei kia moketetia, i etahi atu whenua e rahi ana hei oranga mona : Na reira, ko His Excellency te Kawana o te Tominiona o Niu Tireni, i runga i te whakahaerenga mete whakatutukitanga i nga kaha me nga mana kua whakawhiwhia ki a ia e taua Ture, a i runga hoki ite tohutohu mete whakaae ate Kaunihera Whiriwhiri o taua Tominiona, tenei ka whakamana i taua Hira Parata kite mokete, i nga whenua e ata whakaaturia nei i roto ite Kupu Apiti ki tenei kite Tari a te Kawanatanga Tuku Moni Nama ki nga Kai-noho Paamu, i te mea he tari tuku moni nama tera na te Kawanatanga pera mete mea kua kiia ake nei.
KUPU APITI.
Katoa tera piihi tera wahi wheuua ranei, kei roto i te Takiwa Porowinitanga o Werengitana, tona nui e 548 nga eka, nui atu iti iho ranei, ara ko te toenga katoa o te whenua kaore ano i whakawhitingia, e mohiotia ana ko Tekiona 78, Ngarara West A (haunga ia nga eka e mohiotia ana ko te Taone o Waikanae, kua kapea tera ki waho) ara ko tetahi wahi o te whenua e mau nei i roto i te Tiwhikete Taitara, Pukapuka 105, wharangi 108, o te Pukapuka-rehita o te Takiwa o Werengitana.
J. F. ANDREWS,
Karaka o te Kaunihera Whiriwhiri.
Permanent link to this item
https://paperspast.natlib.govt.nz/periodicals/KNT19090916.2.3
Bibliographic details
Ko te Kahiti o Niu Tireni, Issue 76, 16 September 1909, Page 553
Word Count
530Whakamana i tetahi Maori ki te Mokete i tetahi Whenua i raro i Tekiona 6 o “Te Ture Whakatikatika i nga Ture Whenua Maori, 1897.” Ko te Kahiti o Niu Tireni, Issue 76, 16 September 1909, Page 553
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Matauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of Copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga : Purihia, Tiakina! (revised 2018) – available on the National Library of New Zealand’s website.