PONEKE, WENEREI, APERIRA 7, 1897.
Te huihuinga tuatahi o te tekau ma torn o nga Paremete o Niu Tireni i whakatuwheratia i tenei ra e te Kai-whakakapi mo te Kawana, pai ana ia kite whakapuaki i enei kupu. WHAI KORERO. E nga Rangatira Honore o te Kaunihera, me nga Rangatira o te Runanga Nui,— Ka nui toku koa i au kua karanga nei i te Paremete kia huihui mai kia ahei ai koutou kite whakarite tikanga kia tae atu ai he kaiwhakarite mo tenei koroni kite hakari ka tu nei ki Ranana hei whakahonore mo te taenga kite ono tekau tau tuturu o te Kuinitanga roa whaihua painga mo te katoa o te tatou Kuini atawhai. Kua tae mai he tono ki Niu Tireni pera ano me nga tono kua tae ki era atu wahi o te ao e tau ana ki raro kite mana o te Rangatiratanga o Ingarani kia tae atu he kaiwhakarite mo tenei koroni ki Ingarani ki tenei hakari whakaharinga o te iwi, ko nga kaiwhakarite mo tenei koroni ka atawhaitia ka whakahonoretia e te Kawanatanga o Ingarani ina tae atu ki reira. Ka tukuna atu ki a koutou te pukapuka tono i tuhia mai e te Kawananatanga o Ingarani. Ka tonoa atu ki nga whare e rua o te Paremete kia tuku pukapuka whakahonore atu ki to tatou Kuini atawhai. Ko to tatou Kawana a Ara Karatiko i haere atu i Niu Tireni nei i Pepuere kua hori ake nei, haere atu ia mete haere tahi o te aroha atu o nga iwi katoa o te koroni nei. No te rironga atu o te tatou Kawana ka tu ko au hei kaiwhakakapi mo te Kawana, a ko te wha tenei o nga Paremete i tau ai ma te Kaiwhakakapi o te Kawana e whakapuaki he whaikorero whakatuwheratanga Paremete. Kua tae mai nga pukapuka whakaatu mai kua whakaturia ko te Ara o Ranapare hei Kawana mo Niu Tireni. E kore e roa ka tae mai to tatou Kawana hou, a ka powhiria mai ka whakahonoretia i te mea e tu ana ia hei Kaiwhakarite mo to tatou Kuini atawhai. E nga Rangatira Honore o te Runanga Nui, — I runga i tona tikanga ano kua waiho mo Hune ra ano e huihui ai te Paremete, a kei te mohio ano koutou kua whakaritea nga moni whakahaere mo te koroni tae noa ki nga ra whakamutunga o Hune. Ka tonoa atu ki a koutou kia whakaritea ano nga moni whakahaere mo tetahi atu wa kia roa atu i runga i ta koutou i kite ai he mea tika. Ka whakaaturia atu ki a koutou nga pukapuka whakaatu atu i nga rarangi moni o te koroni.
E nga Rangatira Honors o te Kaunihera, me nga Rangatira o te Runanga Nui, — Kaore aku Kaiwhakahaere i te whakaaro kia mahia he Ture i tenei huihuinga o te Paremete, engari ano ko nga Ture e tika ana hei whakamana i te hiahia o te iwi o Niu Tireni kia tae he kaiwhakarite mo tenei koroni kite hakari whakahonore mo te tutukitanga kite ono tekau tau o te Kuinitanga o to tatou Kuini Atawhai. r Engari na runga ite ahua he o nga tikanga ote ture epa ana ki whakaritenga Tumuaki mo te Kaunihera, kua mahia he Fife mo tera a ka tukuna atu kia whiriwhiria e koutou. E hiahia ana au kia tau te atawhai a te Atua, kia whakanuia te kororia o te Rangatiratanga o Ingarani, kia tupu te ingoa o nga koroni, i runga i te huihuinga o nga rangatira whakahaere Kawanatanga o nga koroni, kua tonoa mai nei kia haere atu kite hakari whakaharinga o nga iwi, i te mea kua tupono nei kite ono tekau tau tuturu o te Kuinitanga o Kuini Wikitoria, kia ata whiriwhiria hoki e ratou nga putake whaitikanga e pa ana ki Ingarani me ona koroni i nga wahi katoa o te ao.
Permanent link to this item
https://paperspast.natlib.govt.nz/periodicals/KNT18970407.2.2
Bibliographic details
Ko te Kahiti o Niu Tireni, Issue 16, 7 April 1897, Page 139
Word Count
649PONEKE, WENEREI, APERIRA 7, 1897. Ko te Kahiti o Niu Tireni, Issue 16, 7 April 1897, Page 139
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Matauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of Copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga : Purihia, Tiakina! (revised 2018) – available on the National Library of New Zealand’s website.