Te Makarini Scholarships, e tukua ana i te Karate Maori, Haaki Pei.
BTORU nga scholarships hei whakataetaenga ma nga tamariki Maori e tukua ana i ia tau, e £35 nga moni mo te scholarship kotahi, a e rua hoki tau e puta atu ana, ka mutu. Kotahi o aua scholarship ka kiia ko te senior scholarship, e tuwhera ana ki nga tamariki Maori katoa e iti iho. ana o ratou tau i te tekau ma ono i te ra whakamutunga o te marama i mua atu o te ra i whakaritea mo te uiuinga matauranga ; ko era atu scholarship e rua he junior scholarships, e tuwhera ana ki nga tamariki Maori katoa e iti iho ana o ratou tau i te tekau ma rima i te ra whakamutunga o te marama i mua atu o te ra i whakaritea mo te uiuinga matauranga, ara ki nga tamariki kahore ano kia tae ki Te Ante, ki Tipene ranei kura ai, a e whakaarohia ana hoki e te Kai-tirotiro Kura Maori i hono tonu to ratou haere kite kura i roto i nga marama tekau ma rua i mua atu o te uiuinga matauranga. Ko te senior scholarship hei whakataetaenga ma nga tamariki Maori, a e tukua [ana i raro i nga tikanga kua whakatakotoria e nga Kai-tiaki o nga moni mo te Makarini scholarships, kua oti te ta ki roto ki “ Nga Kupu Tohutohu mo nga Kura Maori, 1893.” Ko nga tamariki e uru ana kite uiuinga matauranga mo rage, junior scholarships, ara, ma nga tamariki iti iho nga tau,
ka uiuia to ratou matauranga ki nga mea kua oti te whakaatu i roto i “ Nga Kupu Tohutohu mo nga Kura Maori, 1893,” mo te Tuunga Matauranga Tuawha (Standard IV.). Engari ko nga kupu patai ka tuhia hei whakahokinga ma ratou ka pakeke atu i era e pataia ano i roto i nga uiuinga matauranga i raro i nga Tuunga Matauranga. Ka tu taua uiuinga matauranga ki nga wahi e mohiotia ana e pai ana hei haerenga atu mo nga tamariki a te 18 mete 19 o nga ra o Tihema, 1893. Ko nga tamariki e mea ana kia uiuia ta ratou matauranga, me tuku pukapuka atu kite Kai-tirotiro Kura, ite Tari o nga Kura i Poneke, whakaatu i to ratou hiahia kia haere atu ratou kite uiuinga matauranga, me tuku atu ranei kite Kaiwhakaako ota ratou Kura, mana e tuku mai. Ko taua whakaaturanga me tuku mai i roto i te meera i mua atu o te 31 o nga ra o Oketopa, e haere ake nei. Ko nga kape o nga pukapuka whakaatu i nga tikanga kua whakatakotoria e nga Kai-tiaki mete ahua o te pukapuka e meingatia ana kia tuhia e te tamaiti e mea ana kia uiuia tona matauranga, kei nga Kai-whakaako o nga Kura Maori, nga Kura nohoanga tamariki, nga Hekeretari o nga Kura Poata, mete Hekeretari o nga Kur a e takoto ana, a me tono atu ki a ratou.
NA
TE POPI,
(JAMES H. POPE,)
Kai-tirotiro i nga Kura Maori. Poneke, te 25 o nga ra o Aperira, 1893.
Permanent link to this item
https://paperspast.natlib.govt.nz/periodicals/KNT18931012.2.18
Bibliographic details
Ko te Kahiti o Niu Tireni, Issue 45, 12 October 1893, Page 403
Word Count
515Te Makarini Scholarships, e tukua ana i te Karate Maori, Haaki Pei. Ko te Kahiti o Niu Tireni, Issue 45, 12 October 1893, Page 403
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Matauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of Copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga : Purihia, Tiakina! (revised 2018) – available on the National Library of New Zealand’s website.
Log in