A..—48

2

I le Vasega Mamalu o Le 'Au Palemene I Niu Sila : 0 i matou o lo Fono a Faipule ole Malo o Samoa i Mulinuu. Si o matou alofa ! Ua matou saunia lenei tusi e fa'ao'o atu ai o matou alofa i le Malo ma Lana Afioga le Kovana Sili o Niu Sila ; ma ia faaali atu ai fo'i i o outou luma lo matou fiafia, ma le faafetai tele i Lana Afioga a le Kovana, ona sa mafai ona auina atu nisi o i matou i lo outou atunu'u matagofie ; i le ua avea lava lea malaga ma a'oa'oga silisili ia i matou, aua sa vaaia e o matou mata le alu-alu i luma o Niu Sila. Sa matou iloa fo'i le pogai o lea lava manuia. Ua fo'i mai i matou i Samoa nei, ua matou fetagofi fo'i i nisi mea ua ta'ita'iina ai lo matou atunu'u e pei ona matou mautinoa i Niu Sila. E le galo fo'i i o matou loto le feiloa'iga a i matou ma o matou uso Maori. Matou te fia faaali atu fo'i lo matou faaaloalo ma le ta'uleleia i o matou loto o lo matou Kovana pele, oia lea ua faia mea e tele mo le alu-alu i luma o Samoa; ma le si'itia i luga ole atunu'u ; ma lona faatuina i o matou luma o utaga-poto, e faaosoina ai lo matou taumafai pea i luma ; ua ia faaalia fo'i ia i matou i ana faatonuga ma faaa'oa'oga o lo matou manuia o 100 faamoemoe pea i ai, o 100 i o matou lava lima. Ua ia fesoasoani fo'i ia te i matou e uiga i nu'u sa fia maua ni fanua, ma ua ia a'oa'o mai fo'i ia matou faaaogaina ai o matou laueleele ; ua ia faailoa mai fo'i ala tatau matou te faalelei atili ai o matou nu'u ma aiga ; o ala fo'i ia e aoga mo le puipuiga ole soifua. Ua ia faia fo'i se ta'otoga fou ma le lautele mo le manuia o tupulaga e faasino i A'oa'oga ; ua ia faamalosia fo'i lo matou lotonu'u, ma le alofa ilo matou nu'u moni; e faapea lava fo'i lona fesoasoani e faate'aese ai tu ma amioga faa Samoa e tele e fai ma mea e faalavelaveina ai ma telegese lo matou alu-alu i luma ; a ua ia faamamalu ma faaaloalo itu ma masani lelei fa'a Samoa. Ua na faatuina fo'i le Fetu o Samoa i lona poto ma lona manino i uiga o loto ma masani a tagata, ma lona faasino mai ole ala e mafai ona maua ai 010 matou manuia. 0 lana ta'ita'iina fo'i ua faatumauina ai i matou e mafai ona maua ai lo matou alu-alu i luma ; i leo 100 matou fia maua pea lana ta'ita'iga lelei mo i matou lava. Matou te matua talileleia ma viia le alofa ma le fai mea tonu o Lana Afioga le Kovana Sili o Niu Sila i le toe faatagaina mai o lo matou Kovana pele i o matou loto, e toe nofo mo i matou i nisi tausaga. I le ua matou faatuatua tele lava, afai ole a faataunuuina pea lo matou faamoemoe, ole a faatasia pea i matou ma lo matou Kovana ; e leo se mea e taumate ole a vave ona si'itia le tulaga o Samoa ile lelei ma le manuia. Aua fai mai Paulo (II Korinito, ii, 16), "0 le manogi ole ola, eooai le ola i nisi." ole manuia ole Malo o Niu Sila ; ole a faapea fo'i ona manuia ai Samoa ma ona tagata. Matou te talosia le malaga atu o lo matou Kovana ma le Faletua ma lo la Alo i lo outou atunu'u matagofie ina ia manuia ; ma ia matou toe feiloa'i i ni aso o lumana'i atu i lo matou atunu'u pele ma le fiafia. Matou te fia faamanuia atu fo'i i Lana Afioga le Kovana Sili ma le Malo i Niu Sila. Ia Puipuia e le Atua le Tupu ! Amene. Toelupe. Taimalelagi. Fonoti S. Aiono. Tuilaepa. Salanoa. Malupo. Te'o. Tainau. Leilua. Asi Mama. Vaai. Ama. Sala. Lemalu. Logo. Su'a. Sagapolu. Suisala. Sua L. Nanai. Unasa. Malaitai. Mataafa. Tolova'a. Seiuli. Tapusoa. Seinafo. Fono of Faipule, Western Samoa

Approximate Cost of Paper.—Preparation, not given; printing (600 copies), £3.

Authority : W. A. G. Skinner, Government Printer, Wellington.—l 926.

Price 3d.]