HE KORERO NO TE WAEA.
Ranana, Ingarani, Aperira 27. Kua tuhaina nga moni i kohikohia hei oranga mo nga whanaunga o nga tangata i mate i runga i te Kohipateriki. I tae aua moni kite toru manu mete rima te kau pauna. I reira ano a Tukuta Petatone i te wa i huihui ai te komiti kite tuha i nga moni. E £SOO i whakataua ki nga tamariki tokorua o te kapene o taua kaipuke, e £862 ki nga whanaunga o nga heramana, ko nga toenga i hoatu ki nga whanaunga o nga tangata heke. Ina tetahi kune, ko te Makareta Crockard te ingoa, 169 nga tana te nui, kua tahuri kite o moana tata atu kite motu o Papete ite23 o Pepuere. Kotahi te kau ma whitu nga tangata i mate kite wai. !N"a tetahi kaipuke nate " Marama " i kawe mai te rongo ki Amerika ite3o o Aperira. E ahu ana taua kune ki San Francisco—tetahi takiwa no Amerika; i runga hoki te kapene me nga heramana me tetahi tangata
haere o tetahi kaipuke i pakaru kite moana. Ko te take 1 mateai taua kune nei lie paanga mai no te hau i waenganui po, a tahuri rawa. Ko te kapene ote kaipuke pakaru raua ko te kapene o te kune i puta ake ki runga i te tahuritanga, ko te nuinga mate katoa. Muri lho ka haere nga mea i ora nei ki tetahi moutere kaore on a tangata, a nui rawa ta raua mats i te hiakai. Katahi ka ahu ratou ki Tahiti, ai a ratou e haeye ana ka kitea ratou e tetahi kune, nana i kawe mai ki Papete, tae mai ana ki reira i te 22 o nga ra o Maehe. He arani nga utanga o runga o taua kune. _ . Akarana, Mei 31. Kua tae mai tetahi waea i Rotorua e niea ana, tokotoru nga pakeha, ko Arama, ko Kupa ko Kiripirana kua tahuri i runga i te waka ki Rotorua i te 27 o nga ra o te mararoa nei, ko te wahi i tahuri ai kei waenganui tonu o Ohinemutu o Mokoia. E hoe atu ana ratou kia kite i tetahi ngawha, ko Manupirua te ingoa, ahe nui no te hau i tahuri ai. Ko Kiripirana o Whanganui i mate. Ko ona hoa i mau tonu kite waka a tere noa ki Mokoia ; i kite hoki nga maori o reira i te tahuritanga o te waka: kokiritia ana e ratou he waka hei whakaora i aua pakeha, otira kahore rawa i taea he nui no te ngaru. * No te tatanga atu o te waka i mate nei ki Mokoia ka kau atu tetahi wahine maori kite whakaora i aua pakeha, a riro ana i aia ki uta, kawea tonutia atu ki roto kite wai matana, kahore i roa kua ahua ora ano. He nui rawa te toa o taua wahine kite whakaora i a raua. No te Haterei ra ano i tae atu ai he tangata ki uta, he nui no te haute tae wawe atu. Kahore ano i kitea te tupapaku, kei te kimi nga maori ratou ko nga hoia. Ka nui te pouri o nga tangata katoa o konei mo te matenga o taua pakeha, he tangata pai hoki ia. Katapere, Hune 2. Kua tae mai te rongo ki tetahi o nga nupepa o konei mo nga pakeha i haere nei ki Ingarani i te marama o Maehe, i whakaarohia hoki tera pea i mate etahi o ratou i runga i te tima i pakaru nei. Kua tuhi reta mai a Kapene Rohe i Amerika, i haere atu ia i Katapere e ahu ana ki Ingarani kite mahi tikanga mo etahi kaipuke. No to 23 o nga ra o Aperira i tuhia ai tona reta, e mea ana ia no tona taenga atu kite taone o Okene ka kite ia kua pakaru te rerewe, e rua rau maero te roa o te wahi i pakaru, na kotahi tona wild e tatari ana i reira, otira ki tona whakaaro ko te ra i tuhituhi ai ia hei timata ano i tona haere. Otira, he maha nga wahi oko atu kua kino, no reira ka mea ia kia tae ra ano pea kite tahi o nga ra o Mei ka tae atu ia ki Niu laka. E wha te kau nga pakeha o Niu Tireni me etahi tangata e toru rau e tatari tahi ana me Kapene Rohe ki Okene. Ko nga meera katoa i puta atu i mua ote pakarutanga o te rerewe. Na kua mohio matou inaianei kahore a Kapene Rohe me nga pakeha o Niu Tireni i rere atu i Niu laka i nga ra o Aperira, no te 4 no te 5 ranei o nga ra o Mei i pakaru ai te " Schiller" ki nga motu o Scillv ;anote 25 pea o Aperira i rere atu ai i Niu laka. Kua marama matou inaianei kahore tetahi o nga pakeha o Niu Tireni i eke ki runga ki taua tima. Otakou, Hune 3. Kua tae mai tetahi kaipuke i Ingarani, ko te " Earl of Zetland" te ingoa, e 77 ona ra e haere mai ana. E 287 nga pakeha heke kei runga. Kua tae ora mai ratou. —He mea tango mai i roto i nga nupepa paJceha.
Permanent link to this item
https://paperspast.natlib.govt.nz/newspapers/WAKAM18750608.2.9
Bibliographic details
Waka Maori, Volume 11, Issue 11, 8 June 1875, Page 120
Word Count
878HE KORERO NO TE WAEA. Waka Maori, Volume 11, Issue 11, 8 June 1875, Page 120
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.