HE WHARANGI TUWHERA.
Ko nga Pakeha matau kite Reo Maori e tuhi mai ana ki tenei nupepa me tuhi mai a ratou reta ki nga reo e rua—te reo Maori mete reo Pakeha ano. Ki a te Kai Tuhi o te Waka Maori. Hauraki, jNTowema 1(5, 1574. E hoa, —Tena koe. Tukua atu e koe tenei reta hei utanga mo runga i to tatou waka. E hoa ma, tenei ka whakina atu e au te kaha o te mahi a te Hahi ki to taton Matua i te E,angi mo tera taha ote hahi kua riro atu nei ki runga i nga malii Hau Hau. E inoi nei te Hahi kia whakahokia mai nga iwi kua riro i te karakia Hau Hau ki runga ki to ratou turanga tawhito o mua. Ko Ngatimaru anake te iwi o Hauraki nei i mau tonu ki runga ki tona turanga tawhito; ko era atu hapu i rupeke katoa kite Hau Hau. I whakarikonatia hoki tetehi o ratou, o Ngatimaru, hei minitamo ratou, i te 22 o nga ra o Hepetema, 1572 ; ka whakapirititia ano ia a teHatapu, te 29 o nga ra o Nowema, ate Ratapu tuatahi ote Haerenga mai, kite whare karakia nui i Hotereni taone. Ko tetahi hapu ano o Hauraki i nga mahi kino a te Hau Hau. Kawea mai ana e ratou te karakia Hau Hau ki nga rohe o te hahi karakia ai, hei inea e whakarihariha atu ai te hahi ki a ratou. No runga ite mahi inoi tonu a te hahi ki a ratou kia whakahokia mai ki runga kite hahi kotahi mete ritenga kotahi, kia rongo ai ano hoki ki nga ture o to tatou Ivawanatanga, whakamana mai ana ta raton inoi e te Matua i te Eangi, whakahokia mai ana ratou ki runga kite Hahi ote Ivaraiti. "Whakaturia ana e taua hunga i Hau Ilautia nei tetahi whare karakia pai rawa kite takiwa kite Ivirikiri, Hauraki, hei tohu mo to ratou hokinga mai kite pono i runga ito ratou mahinga i nga mahi kuare katoa a te Hau Hau. Kaore he whare karakia o Hauraki katoa, o te Hahi Maori, hei rite mo taua whare karakia te pai i hanga nei e aua tangata i hoki mai nei i runga i nga mahi poke a te Hau Hau. Na, he kupu tenei kite Hahi katoa i roto ite koroni o Niu Tirani kia tahuri tatou kia whawhai mo tera wehenga o te hahi kia hoki mai ki tona ahua o mua, o te orokotaenga mai o te Eongo Pai ki enei motu; ara kia inoi atu kite Atua, tera pea Ia e aroha, a e whakahoki i nga iwi kite kotahitanga i runga i te Whakapono. He tauira pai tenei ma nga hahi katoa he inoi kite Atua mo o tatou hoa i "Waikato kia whakahokia mai ratou kite hahi o mua, kia tu ki tona turanga o mua. I puta nei hoki te kupu a Potatau i te wa e mau katoa ana te "Whakapono i roto o Waikato ; ko taua
kupu tenei:—" I muri nei kia man kite "Whakapono ; kia atawhai kite Pakeba." Kua marara nei ratou, wareware ake i a ratou te whakapono o te Karaiti. E hara te karakia Hau Hau i te mea hei kiianga ma ratou he whakapono tera. Nei hoki; e whakina rrei e tenei hunga i hoki mai nei i te kore whakapono ki te whakapono. I hanga ano he ture e te Hahi o konei mo te karakia Hau Hau kia kaua e kawea mai ki nga rohe o te Hahi ; heoti, tae tonu mai i taua hunga nei tana karakia Hau Hau whakarihariha, ki hai i whakamanate kupu ate Hahi. Tohe tonu te Hahi ki tana mahi ki te whakahoki i o ratou whanaunga, a homai ana te utu ki a ratou —koia tenei, ko te hokinga mai kite pai o taua hunga i marara ke. !Na, e hoa ma, he mea pai rawa ma te hahi Karaitiana katoa, ahako'a Pakeha, Maori ano hoki, ahakoa i tenei koroni, i era atu koroni ano hoki, kia tohe ratou mo nga iwi katoa e kore e rongo kite Rongo Pai kia whakahokia mai ratou, kia whakakapia wawetia te tokomahatanga o Ana i whiriwhiri ai. He teka rawa te ki ma te whawhai e whakahoki mai nga iwi kia noho ai i raro i te ture kotahi. Engari ma te Inoi anake. Na Tetahi o te Hinota.
jKi ate Kai TuTii ote WaTca 3faori. '"Otaki, ISTowema 30, 1874. E hoa, —Tukua atu tenei reta kite WaTca Maori, lie utanga iti nei mana. Tenei tetahi reta i kitea e an no te Wananga; he reta i tukua atu i Otaki e tetahi tangata, ko Tame Kanapiri tona ingoa. Ko te ahua o nga kupu o taua reta he whakapae mo nga tangata o te Kawanatanga, e ki ana taua kupu ana he hatana nga kai hoko whenua. Te tikanga o nga kupu o taua reta e mea ana kia kino nga ngakau o etahi iwi. E hoa ma, e nga iwi kua kite i taua reta a taua tangata, maku e whakaatu ki a koutou, no Otaki hoki au. I te mea kaore ano i tu noa te Kooti "Whakawa "Whenua Maori ki Otaki ka haere a Ngatikapu, hapu o Tame Eanapiri, kite tono moni iPo ]STeke hei utu mo o ratou whenua. Muri iho i tena ka uru katoa nga hapu o Ngatiraukawa kite hoko i o ratou whenua kite Kawanatanga. Kaore rawa tetahi kai hoko whenua a te Kawanatanga i haere ki nga kainga Maori tonotono whenua ai ki nga iwi e noho ana i waenganui o Manawatu o Kukutauaki. Ko nga iwi Maori anake e; noho ana i w r aenganui i enei rohe i haere kite tono moni kite Kawanatanga hei utu mo o ratou w T henua : ka ki ano te kupu a nga kai tono, kia mutu te Kooti ka utu katoa ai e te Kawanatanga te toenga o te moni. I te ra i tu ai te Kooti i muri iho ki Otaki, ka haere te kai whakahaere o te Kawanatanga ki roto ki te Kooti whakarongo kau ai i te whakatau a te Kooti ki ia hapu ki ia hapu o Ngatiraukawa. Ki hai rawa te kai whakahaere o te Kawanatanga i whai kupu ki te Kooti; penei atu kite Kooti, —" Kua rahuitia tenei whenua ki nga moni a te Kawanatanga"— kaore rawa i puta tetahi kupu kotahi, iti nei ranei, kaore. 1 waiho ki nga Maori te tikanga o o ratou whenua, i runga i ta te Kooti i whakatau ai ki ia hapu ki ia iwi o JSTgatiraukawa. Na, e hoa ma, kaore rawa e tika te ki ko te kai hoatu moni mo te whenua te hatana ; engari kia ki ko te Maori tono moni tamana mo tona whenua te hatana.
Heoi ano te wherma i riro i te Kawanatan»a ko te Paengaroa anake. Heoi aku kupu. " Na tetahi Tangata i kite i roto i te uupcpa o Pakohai, ko tona ingoa ko te Wananga.
Permanent link to this item
https://paperspast.natlib.govt.nz/newspapers/WAKAM18741215.2.13
Bibliographic details
Waka Maori, Volume 10, Issue 25, 15 December 1874, Page 315
Word Count
1,178HE WHARANGI TUWHERA. Waka Maori, Volume 10, Issue 25, 15 December 1874, Page 315
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.