Te Waka Maori PO NEKE, TUREI, NOWEMA 3, 1874. TE TURE WHAKATIKATIKA I TE TURE WHENUA MAORI, 1874.
I RUNGA i ta matou kupu i ki ai matou, tenei ka tahuri matou kite whakamarama i nga tikanga ote Ture kua whakahuatia nei ki runga ra, kia mohio ai o matou hoa Maori. Te kau nga tekiona kei roto i taua Ture. Ko te tekiona tuatahi he mea whakatuturu kau i te ingoa ote Ture, kua whakahuatia nei ki runga ake. Ko te tekiona tuarua e ki ana ko te kupu " nga Ture kua whakakorea," e whakahuatia ana i roto i te Ture, mo nga Ture ia kua whakakorea i roto i te wha o nga tekiona o " Te Ture "Whenua Maori, 1873." Tekiona 3.—He mea whakakore tenei tekiona i nga kupu whakamutunga o te tekiona 4 o "Te Ture Whenua Maori, 1873," a e whakatu ke ana ko enei kupu; ara ko nga mahi katoa i timataria, e whakahaerea ana ranei inaianei, i raro i aua Ture kua whakakorea, me whakahaere tonu me whakaoti tonu i raro ano i aua Ture, a ko aua Ture, ahakoa kua whakakorea, me mana tonu ano mo runga i aua mahi, ka kiia hoki he Ture mana tonu aua Ture, mo runga i aua mahi, i te wa i whakaturia ai te Ture o 1873, puta noa mai ki muri nei. Ko nga kupu whakamutunga kua whakakorea nei i roto i tenei tekiona, ara o te wha o nga tekiona o taua Ture o 1573, koia enei;—" Tetahi hoki, ko nga mahi kua timataria, a e whakahaerea ana ano i raro i aua Ture kua whakakorea ra, i tetahi i etahi ranei o aua Ture, i mua atu o te whakakorenga o aua Ture, me whakaoti tonu i raro i tenei Ture, kite mea ano ia e ata tau ana nga tikanga me nga whakaritenga o tenei Ture ki aua meatanga." Na, ko tenei tekiona 3 nei e whakarite ana ko nga mahinga katoa i timataria i raro i aua Ture, i etahi i tetahi ranei o aua Ture, kua whakakorea nei, me whakahaere tonu me whakaoti i raro i nga tikanga o nga Ture i timataria ai, kaua te Ture o muri nei, ara o 1873. Tekiona 4. —Ko nga kupu o te tekau marua o nga tekiona ote Ture o 1873 e ahua rite ana kite mea e whakaaro ana te Kawanatanga mana e utu i nga kaiwhakamaori katoa e tika ai te whakahaere i nga tikanga o te Kooti puta noa i te koroni Otira, ko tenei tekiona 4, o te Ture o 1874, e waiho ana taua utunga a te Kawanatanga hei nga kai-whaka-maori anake ano e whakaturia ana i raro i te tekiona te 11 o te Ture o 1573, a e tu ana e mahi ana hei Kai-tuhi, hei Hekeretari, mo tetahi Kai-whakawa ote Kooti. Ko etahi atu kai-whakamaori katoa e whakaturia ana i raro i te Tekiona te 12 o taua Ture o 1873, ka utua katoatia ratou, e nga tangata nana ratou i whakamahi, i runga i tetahi tikanga utu e whakarite ai e whakatakoto ai e te Kawana i roto i tona Hunanga. Tekiona 5. —Ko tenei tekiona e whakakore ana i te tekau ma rima o nga tekiona o te Ture o 1573, e whakatu ke ana ko tenei, ara: —" Me noho tetahi Ateha, etahi Ateha ranei, ki roto ki nga Kooti katoa e noho ana i raro i nga tikanga o taua Ture (1873),
hei kai-awhina ki runga ki nga maH ate Kooti; a e kore lioki e tika kia puta noa he kupu whakatau, lie kupu whakaoti ranei, ma te Kooti mo runga i tetahi mea e korerotia ana i te aroaro o te Kooti i runga i nga tikanga o te Ture, engari kia rite te whakaaetanga a te Kai-whakawa Tumuaki o taua Kooti me tetahi Ateha kotahi ano hoki, katahi ka tika te kupu whakaoti." Ko te tekiona te tekau ma rima o te Ture o 1873, kua whakakorea nei, e ki ana taua tekiona me noho ki roto kite Kooti tetahi Ateha, etahi Ateha ranei, mehemea ha tonoa e te Kai-whakawa Tumualcii roto i te Kooti, hei kai-awhina ki runga ki nga mahi ate Kooti, kite kore ratou e tonoa ha hore hoki ratou e uru; a e hore ano Jiohi e hiia ma te whakaae rawa ano a aua Ateha ka mana ai nga kupu whakatau, nga ota ranei. Na, ko te tikanga tena o te Ture o 1873. Tekiona 6. —Ko tenei tekiona he mea whakakore i tera wahi o te tekiona te tekau ma iwa o te Ture o 1873 e ki ana ko nga Kooti Rouru, nga mapi, me nga pukapuka katoa o te Kooti e whai tikanga ana ki nga whenua Maori i roto i tetahi takiwa, me waiho i roto i te tari o te Kooti o taua takiwa i a te apiha kua mo taua takiwa tiaki ai (ara te " Apiha Takiwa "), a e whakarite ke ana ko aua mea me waiho i roto i taua tari i ate Kai-tuhi, o te Kaiwhakawa, te Hekeretari ranei, kua whakaturia hei Kai-tuhi mo taua takiwa, i a ia tiaki ai. Tekiona 7.—Ko te tekiona wha te kau ma wha o te Ture o 1873 e ki ana he mea tika kia whiriwhiria e"nga tangata nana nga kereme" ki tetahi wahi whenua tetahi o ratou ano hei mangai mo ratou i roto ite Kooti, hei kai whakahaere ito ratou kereme; a ko tenei tekiona 7, o te Ture o 1874, e ki ana me waiho he tikanga mo te kupu nei, " nga tangata nana nga kereme," i roto i taua tekiona te wha te kau ma wha, kaore mo nga tangata anake e tuku kereme ana ki tetahi whenua e whakawakia ana, e meatia ana ranei kia whakawakia, i raro i taua Ture o 1873, engari mo te tangata, nga tangata ranei, e tantohe ana ki aua tangata tuku kereme, e mea ana na ratou ke te whenua. Ko tekiona 8e ki ana kite mea ka puta he tono na te tangata i muri iho o te tuatahi o nga ra o Hurae, 1873, katahi ka ahei te Kawana i roto i tona Eunanga kia whakaaetia he whakawakanga tuarua mo tetahi mea noa atu kua whakarangona kua whakaotia ketia i raro i nga Ture kua whakakorea ra, a ko nga tikanga katoa o te Ture o 1873, kite mea e tau ana, ka tangohia mai hei tikanga whakahaeretanga mo taua whakawakanga tuarua ; otira, ko taua tononga whakawa tuarua me tuku mai i roto i nga marama e ono i muri tonu iho o te putanga o te kupu whakatau a te Kooti. Tekiona 9.—Ko te tekiona te ono te kau ma rima o te Ture o 1873 e ki ana, kei nga whenua e meatia ana kia hokona, kia retia ranei, kite mea ka kitea kaore e whakaae katoa ana nga tangata nana te whenua ki taua hoko, taua reti ranei, engari e whakakahore ana etahi, a kite mea hoki e hiahia ana te nuinga o nga tangata nana taua whenua kia wahia taua whenua ki a ratou, katahi ka tika te Kooti kia whakaritea he tikanga wawahi i taua whenua. JNa, ko tenei tekiona 9„ o te Ture o 1874, e tuku mana ana kite Kooti kia tahuri tonu kite wa- . wahi l te whenua, mehemea ka tonoa e nga tangata nana kia peratia he tikanga, ahakoa kaore he kaiwhakakahore (pera me era kua kiia i runga ake ra) ahakoa hoki kaore he hiahia o nga tangata nana taua whenua kite hoko, kite riihi ranei, i taua whenua. Tekiona 10.—Ko tenei tekiona eki ana e kore e -mea kia hoatu kite Kooti kia rua rawa mapi ote whenua i roto i tetahi Tuhinga-whakamaharatanga take, e kua nei i roto i te tekiona whitu te kau ma tahi ote Ture o 1873; engari kia kotahi te mapi e mahia, a i muri iho o te tuhinga o te tiwhikete, ara te
takiwa takoto ai, a mate Kai-titiro Ruritangae tuku tit taUa kapi) ' ki a te mo te tata Maori irunga i nga tikanga kua oti te whakatakotoi roto i taua tekiona 71 o te Ture o 1873 ±±eoi, ko t e> mutunga tenei o taua Ture nou i wnakaturia nei i tenei tau 1874. Kua oti taua Ture te wnakatu kite reo Maori, a tera hoki e tuwhaia haeretia i roto i nga Maori. Ta matou e hiania ana, Joa marama ratou ki nga tikanga o taua Ture i runga i ta matou whakaaturanga i runga ake nei.
Permanent link to this item
https://paperspast.natlib.govt.nz/newspapers/WAKAM18741103.2.6
Bibliographic details
Waka Maori, Volume 10, Issue 22, 3 November 1874, Page 271
Word Count
1,433Te Waka Maori PO NEKE, TUREI, NOWEMA 3, 1874. TE TURE WHAKATIKATIKA I TE TURE WHENUA MAORI, 1874. Waka Maori, Volume 10, Issue 22, 3 November 1874, Page 271
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.