He mea tango mai na matou te korero i raro nei i roto ite Niu Tirani Taima nupepa. He korero mai ia na te waea ara :- Na Paora Tuhaere, he hoa rangatira Maori o Orakei, i kawe mai te rongo ki nga pirihi i tenei rangi (Te Hatarei, te 17 o Oketopa nei) o tetalii kohuru kino i tona kainga. Katahi ka tukuna tetalii pirihi kia haere i a ia, a ko nga korero enei i korerotia mai ki taua pirihi. I te ahiahi ote Turei e haere atu ana tetahi kotiro, ko Henerieta Te Puni te ingoa, i tetahi whare ki tetahi atu whare ; katahi ka karangatia e tetahi tangata Maori, ko te Nutana te ingoa, kia hoki mai ia kia haere raua kite whare. Kaore i whakarongo taua kotiro i te tuatahi, muri iho ka haere tahi ano raua kite whare ote tangata ra, e rua rau iari te mataratanga atu o taua whare i te kainga o nga whanaunga o taua kotiro. Ka whaia raua e tetahi kotiro paku nei, rokohanga atu e noho ana raua ite whenua i waho o te whare, e tautohetohe ana, etu a riri ana. Ko te tangata ra e tohe ana ki taua kotiro kia whakaae ia kia marenatia raua, kaore i whakaae te wahine ra. Muri tata iho ka rongo taua kotiro paku nei kite waha o taua koroke e karanga ana kua mate te wahine ra. Katahi tera ka oho te mauri o nga tangata, ka hopukia te tangata ra ka mau. Tirohia ana te tinana 0 te wahine ra kua maru katoa. Kaore he tapahanga i kitea i te tinana, a i maharatia i whatia pea te kaki. Runangatia ana e nga Maori, kiia ana na te tangata ra ano i kohuru. No te taenga atu o te pirihi ka tukua mai taua tangata e Paora Tuhaere ki a ia, nana hoki, na Paora, i whakahau te poti hei kawe mai i a raua kite taone nei, a tae mai ana raua 1 i taua poti. Nga tau o te wahine kua kohurutia ra e ahua rite ana kite 25 ;ko nga tau o te tangata ra nana i kohuru e ahua rite ana kite 30, he tangata poto marire ia, he moko katoa. Kaore he pawera o taua tangata ki a ia tona ahua, kaore he aha. Kua tae mai te rongo i nga Meera o muri nei ko nga motu o Whiitii kua oti rawa te whakanoho inaianei ki raro kite rangatiratanga o Ingarani—kua iwi kotahi. ra hei whakaaranga tuatahi i te haki o Ingarani i kiia ko te 8 o nga ra o Oketopa nei. Ko nga liamana e waru rau (ika Pakeha nei), i kawea mai i Hopa Taone, kua tukutukua ki roto ki nga awa i etahi wahi o te Porowini o Akarana.
Permanent link to this item
https://paperspast.natlib.govt.nz/newspapers/WAKAM18741020.2.21
Bibliographic details
Waka Maori, Volume 10, Issue 21, 20 October 1874, Page 268
Word Count
470Untitled Waka Maori, Volume 10, Issue 21, 20 October 1874, Page 268
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.