HE KUPU ATU ENEI KI NGA HOA TUHI MAI
Ko nga tangata enei kua homai moni i muri nei mo a ratou nupepa, ara:— s. d. Poari Kuramate o Whanganui 10 0 Hone Hira te Wharetiti o Whanganui 10 0 Aperahama Tahunuiorangi o Whanganui ... 10 0 Matiu Tukaorangi o Whanganui 10 0 Rawiri Kahia o Runanga, Taupo ... ... 10 0 W. L. Judgeon, Sub-Inspector, Taupo ... 10 0 Hori Kerei Taiaroa, Otakou 10 0 Tini Kerei Taiaroa, Otakou 10 0 Wiremu Katene, M.Gr.A., o Waimate, Ngapuhi 10 0 Hone Peti, o Waimate Ngapuhi ... ... 10 0 Hirini Keno, o Waimate Ngapuhi ... ... 10 0 Ka tika te whakaaro o enei tangata, me era tangata i homai moni i inua atu ra. E rite ana o ratou whakaaro ki ote pakeha. He hapai ta ratou i tenei mahi nui i te nupepa—te mahi e tika ai te tangata, e puta ai nga rongo pai o te iwi pai me nga rongo kino ote iwi kino, e taea ai hoki nga matauranga katoa. He tokomaha nga tangata e tango nupepa ana e homai ana ko te kupu anake, ko te tinana ote moni i kore. Me titiro a Ngapuhi kite tauira kua takoto i enei tangata o ratou, aka uru mai ano etahi o ratou ki taua tikanga. Eo Hone Hira Te Wharetiti c ki mai ana kua pau ona moni e "waru pauna e rim a herengi kite hoko poaka mo te liui a Mete Kingi ite Matapihi. Koia kci a koe! Ko Uenuku rawa koe ! Tenei kua kifcea te reta a Eraihia o Hauraki. Kaore tahi he tikanga o taua reta e taia atu ai. Tenei te reta a Anaru Kahaki no Waiapu, he whakaatu mai i te tohe a Te Wikiriwhi raua ko Iharaira Te Houkaniau ki a Te Mokena kia hoki te iwi ki runga ki to ratou kainga i riro i mua i to ratou henga i roto i te Paimarire—ara ko te whenua ko Horoera. E kore matou e poka noa atu kite korero i tena mea. Ehara tena i te tu o te korero hei utanga mo tenei waka. Engari me pa atu koutou ki a Te Makarini te Minita mo te taha Maori. Eo Taimona Pita e riri mai ana ki a matou mo te korenga e puta atu he nupepa ki a ia i roto i nga wiki katoa. Heoi ta matou kupu whakahoki —ko te nupepa nei kaore e puta auau tonu ana i roto i nga wiki katoa, E tukua tonutia atu ana ki a ia i roto i nga wa e puta ana kite katoa. Mehemea ka hoea te waka nei i roto i nga wiki katoa, penei kaore he utanga mo runga —akuauei haere kau atu ai i etahi wiki. E riro ana pea etahi o nga nupepa a Taimona Pita i te tangata ke te tango i roto i the whare meera o tona kainga. Tenei te reta a Taiaroa mo te Taitapu e kiia ana ka tukuna e Pirimona Matenga Te Anupouri ki a ia. Kaore he tikanga e taia ai ena korero kite nupepa. Ma Taiaroa e mahi atu ite wahi e tika ai ki tana whakaaro.
E kore e nui he korero ma matou i tenei putanga o te nupepa—lie nui hoki no nga utanga ke atu o tenei waka. Engari e rongo ana matou ki etahi tangata e Trhakahe ana ki nga Ture, e ki ana he mea taimaha te Ture ki runga kite tuara o te tangata, he mea whakamate i te tangata, he aha noa atu. No konei matou i mea ai kia whakaputaina tetahi kupu kotahi mo aua tu tangata. Ki au kite pakeha ka whakahe te tangata ki nga Ture kua kitea te painga e te katoa he tangata kuare tena tangata, he tangata kaore e mohio ki tetahi whakaaro tika mana. Tetahi he tangata ia e hiahia ana kia tukuna noatia ona whakaaro koroke, e rihariha ana kite kai here i ona tikanga tutu. Mehemea e kite mai ana koutou e ki ana au ko koe anake ko te maori kia whakamana i te Ture ko au ko te pakeha kia kore, penei e tika ana kia tupato koe. Ko tenei he uaua rawa nga Ture hei whakataunga maku ma te pakeha, he nui hoki no nga tikanga. Engari e rite katoa ana i au; no te mea kua mohio au ko te mea tena e tika ai au, e ora ai au. Engari nga Ture kua whakataua ki runga ki a koe e iti ana, e ngawari ana. Kua mohio hoki matou kite noho Ture kore koe ekore hoki koe e tika. No reira au ka tono ki a koe kia uru mai koe ki roto kite Ture hei matua mou kia tika ai koe. Kaore hoki matou e hanga ana i te Ture hei mate mo te tangata—i hangaia hei oranga mo te tangata. Kite kore e orate tangata i te Ture, ehara i te mea ata whakaaro no te ngakau kia mate i mate ai ia—engari pea he kore kaore i ata tika taua Ture ki ta te ngakau i whakaaro ai. A, kite kitea e pera ana tetahi Ture ka ata mahia
houtia i roto i te Paremete e te tokomaha, ka whakarerea nga tikanga i kitea te lie ka tangohia mai he tikanga ke. E kimi ana au i runga ite Ture nga tikanga e tika ai te tangata e rangatlra ai tatou —e tuakana ai e teina ai. Kaua te tangata e hohoro te whakahe kite Ture; taihoa e whakahe kia kitea marire te he i runga i te whakahaeretanga —katahi ra ano. Ko etahi iwi whakaaro rangatira ano tenei kua tuhi mai ki a matou e ki ana kaore i marama i a ratou te "Ture Rori Poata/' No konei kua whakamaramatia e matou nga tikanga o taua Ture i tetahi wahi o tenei nupepa hei titiro rna ratou. Tenei ano hoki etahi tangata e tuhi mai ana he tu ke te alma. Ahakoa whakapaia e ratou a ratou kupu mai ki a matou, e kitea ana e matou e haere rua ana nga whakaaro o roto j e whakawai ana, e tu a whakawhirinaki ana ki runga ki nga whakaaro Hau Hau—e torino noa ana te wai i runga, e noho ake ana te taniwha i raro. Ko nga reta a aua tu tangata e makaia ana e matou, kaore hoki e tahuritia atu e matou. Ko nga tu tangata tenei e mahi tonu ana kite whakakiki i nga iwi, e aratakina ana kite mate te tangata whakarongo ki a ia. Ehe ana ki aia nga mea tika katoa. Kia tupato nga iwi ki aua tu tangata, kei kiia i "waiho te mate mou, mo Hapopo/ - '
Permanent link to this item
https://paperspast.natlib.govt.nz/newspapers/WAKAM18720522.2.2
Bibliographic details
Waka Maori, Volume 8, Issue 10, 22 May 1872, Page 71
Word Count
1,121HE KUPU ATU ENEI KI NGA HOA TUHI MAI Waka Maori, Volume 8, Issue 10, 22 May 1872, Page 71
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.