Fiji News

Mana (Auckland), Volume 1, Issue 6, 15 September 1977, Page 11

Fiji News

E na i ka 7 ni siga ni vula ko Okosita e a tekivu vuka vukadodonu e Okoladi ki Luvuluvu na waqavuka na Air Pacific. E na vuka vakatolu ki Nausori e na veimacawa, ko ya e na veisiga Tabu, Tusiti kei na Vakarauwai. E na veisiga Moniti, Lotulevu kei na Vakaraubuka e na vuka koso ki Tonga. E na tolu na kaloko, e na i matai ni Siga-Tabu ni.vula ko Okosita, e a vakayacori e dua na nodra ’ lotuvata vaka i taukei na i taukei ni vanua ko Viti ka ra lewe ni Lotu Waisele vakaitikotiko e Okoladi. E a vakayacori na lotuvata vaka-Viti oqo e na Valenilotu na Pitt Street Methodist Church. E a vunau kina na i talatala vakacegu, ko Rev. S. G. Andrews, MA Dip. Ed. E na vula ko Okotova, e na vakayacori e dua na soqo levu ni veivakamarautaki e Okoladi, me vakanananumi kina na siga ka a rawata kina na matanitu ko Viti na nona i Tu-vakaikoya. E na vakarautaka na soqo ni veivakananumi oqo ko Mr Bruce Kerkham, e na vuku i Mr Bill Raikuna, na manidia ni tabani Valenivolavola ni Saravanua kei Viti e Niu Siladi. Tovolea mo sogota na nomu television! ka vakarogo walesi e na veiyakavi ni Moniti e na 7 na kaloko. Ko na rogoca kina na dui sere rogorogo vinaka .ni veiyanuyanu, e na Radio 1Y A e Okoladi. Kevaka e dua na nomu leqa, se ko via kila e dua na ka me baleta na bula se na i tikotiko e

Okoladi, qiriqiri vei Mrs Nancy Prebble, e na talefoni 374-676 kei Mr John Antonio, e na talefoni 585-587, ni oti na gauna ni cakacaka. E rau na tovolea me vukei iko e na veivakasalataki. Oqo na nomuni niusiveva na i taukei ni veiyanuyanu e na Pasifika ko ni vukaitikotiko e Niu Siladi. Na ‘Mana’., e tabaki e na veimacawa-rua e Okoladi. Na kena i sau vakayabaki e ya lima na dola. E rawa talega mo volia e na veisitoa e so, e Okoladi. Na kena i sau e ya 20 na sede e dua na kopi. E rawarawacake ga mo vakauta na nomu lima na dola kivei iratou na MANA INTERIM COMMITTEE, P.O. Box 704, Auckland I, e na qai vakau yani vsi kemuni na nomuni kopi ni Mana e na veimacawa rua kece.