Tau Fenoga Kitekite Kumi Lotomatala
Me ha ha i ai e kau gahua
fonua ha Niue ne takitaki ai he - Lilifu ko Frank Lui (ko e Ikipule he Gahua, Ika mo e Gahua Papiliki), ne hoko mai ki hinei taha e faahi tapu he mahina kua mole, ha ko e fenoga o kitekite mo e kumi lotomatala ha lautolu ke he tau motu ko Niu Silani, Osetalia, Fisi, Tonga mo Samoa. Ko lautolu i loto he kau na ko Poumale, Sipeli, Togia Viviani, Halepaka mo Mesitama. Ko e kau nei ne o atu a lautolu fakataupa ki Osetalia mo e taha kau kitekite foki ne takitaki he Lilifu ko lagi Vivani (ko e Ikipule he Tau Gahua Fakalaulahi ha Niue), ne fakatau o mo ia a Mohemu Tafatu (Takitaki he Faahi Gahua Fonua), Sio Siohane (Tohi Kupu/Tohi Tupe he
Kautaha Fakalaulahi Gahua), mo Sione Rex (taha ihai i loto he Kautaha Fakalaulahi Gahua) ko e kau na ne toka e lautolu a Niue he mahina luni mo e fakatoka ha lautolu a fenoga tolu mahina he o atu kitekite mo e kumi lotomatala ke he tau motu nei ko, Hawaii, Mexico, Peru, Switzerland, Italy, Israel, Sri Lanka, Osetalia mo Niu Silani.
Ko e tau fenoga o kitekite nei ne ua ko e lali he motu ke kumi atu ke he tau motu kehe ke moua mai e falu puhala mitaki kua aoga ke fakatolomaki atu ki mua e loga mo e fua mitaki he vine mo e sipolo. Ne totogi he tau matakau ko e Food and Agriculture Organisation he United Nations mo e United Nations Development Programme e tau fenoga nei.
Permanent link to this item
https://paperspast.natlib.govt.nz/newspapers/MANAK19770804.2.38.4
Bibliographic details
Mana (Auckland), Volume I, Issue 3, 4 August 1977, Page 7
Word Count
272Tau Fenoga Kitekite Kumi Lotomatala Mana (Auckland), Volume I, Issue 3, 4 August 1977, Page 7
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz