Neighbourhood law office to open in Grey Lynn

Mana (Auckland), 14 July 1977, Page 3

Neighbourhood law office to open in Grey Lynn

Ka tahi ano ka kite te iwi nui e awhina tuturu ana nga Kai Tieki nga tangata e whakawatia ana, a, e ngawari ana ano nga utu. E whaka tuwheratia ana te Tari ture o nga Hoa - Tata akuanei, ki Grey Lynn, i roto o TamakiMakaurau. Ko enei te tari tuatahi o tenei momo. Ka awatu noa tenei tumomo whakahaere e hiahiatia ana. Ko nga Maori hoki e mate ana, ara i te kore mohio i nga ture a te Pakeha, i te kore mohio hoki i nga tikanga e whai awhina ai ratou. He penei ano mo nga iwi o te Moana-Nui-a-Kiwa.' Tua atu o tena, te ma mao hoki o enei tumomo tangata, ko nga mahi e pai ana kia ratou ara ko nga m ahi e whai moni ai ratou, koia rate take he nui te utu mo enei tumomo tangata. Na reira, mo nga pakeha anake tenei tikanga, ko te hua hoki, e kore e rite tahi te ture mo te katoa. He nui nga mahi penei, ara kite whakatangata whenua i nga Kai Tieki o nga tangata e whakawatia ana (Roia), i Amerika, i Ingarangi, i Poihakena, kia mohiotia ai o ratou matau e te iwi. I Amerika, kei te pai te haere a tenei tumomo mahi. E tika ana kia tangata rongonui te Kai Tieki o nga tangata e whakawatia ana, kia whakawhirinaki atu, kia whakapono ai te hunga rawakore ki a ia. He nui nga take tika tangata, kua whawhaitia e ratou kite kawanatangaKua riro hoki ia ratou te Wikitoria i etahi wa. I Poihakena he tino pai tenei tikanga ara, ko te Tari tikanga ture a te iwi Maori o Pohakena. Kei a te kawanatanga nga moni mo tenei whakahaere. Kei nga kai whakahaere o tenei tari te tikanga whiriwhiri he roia, a kite whakamohio hoki i tenei iwi kite ture. Kofe nuinga o enei ko nga take mo o ratou whenua. Kore tenei

tikanga e.tae mai ki Aotearoa no te mea ko te whakaaro o nga mema Paremata, a kite whakatu mahi ratou e whaihua ai kite iwi Maori, e whakatu mahi motuhake ana ratou mo tenei iwi anake, a he rereke mo te iwi pakeha, he rereke mo te iwi Maori. He kuware hoki tenei whakaaro, otira, kore e whai mana tenei tikanga ki tenei whenua. No reira ko enei rate tikanga tino pai, kia hoki ai te mana o te ture kite iwi nui. Katahi ano ka rite te ture mo nga iwi katoa, kia whai huarahi atu ai te iwi ki nga huarahi awhina o te ture. Ko te tumanako kia mohio te iwi Kei runga te Kai Tieki o nga

tangata e whakawatia ana, me te kai awhina tangata, i to ratou taha. Kia whai wahi ratou ki tenei Tari, ki nga whakahaere, ki nga tangata hoki, a kia whirinaki atu hoki ratou ki enei tangata i te wa e rarurau ana ratou. Ma te Ropu Whai mana ki te ture, ara te Law Society e whakatu tenei Tari, e awhina-a-moni hoki, engari ma te Poari o te Rohe Whakahaere (Community Advisory Board) e arahi nga mahi a tenei tari, e whakamohio nga tikanga o te ture i mua o te haraanga. Kaore ano te kawanatanga kia tuku moni mai mo tenei kaupapa. Haere mai kite whakamahi.