Kua fakatu e kau haipulega he tau Niue ha Okalana

Mana (Auckland), 16 June 1977, Page 6

Kua fakatu e kau haipulega he tau Niue ha Okalana

Tuga he iloa ai he tokologa ko Niue e taha veveheaga he tau heagaapi kehekehe i Okalana ne makai fai kau ke haitia e tau pulega he tau matakau kehekehe ha lautolu ne huhu ai mogonie.

Ha ha i ai e tau matakau takilaha f ha lautolu mogonei kua holo mitaki e tau gahua ka e taha e mena kua nakai fekapitiga-aki poke fe-lagomatai-aki e tau matakau ha lautolu. Fakatai atu pehe. kaeke ke lai fekau kua lata ke moua e fifiliaga auloa he tau Niue, kua nakai makai lahi e tau tagata ke o atu ke he fono kaeke kua ui he taha inai he tau matakau ha lautolu - ti ko e mena ka tupu ko e faoa ni he 1 matakau ne ui e fono ka o atu ke he fono. Ti pehe taha kakano he mena ia. ko e tau lekau kua lata ke fuhiulu lakalataha a lautolu ke moua mai taha ni e fifiiiaga kua nakai pihia ha ko e kakano kua nakai fai matakau ke haitia e tau pulega he tau matakau ha lautolu.

l i ko e fakatuaga he fono foou ke haitia e tau pulega h a lautolu ke he tau kupu kua aofia katoa ai e tau Niue i Okalana ko e mena kua aoga lahi ni.

Ko e Aho Faiumu 23 ia Apelila ne hoko ai e fono he tau Niue ke he Fale Aoga he I aahi Gahua Fakaako he tau Aelani i Herne Bay. Ko e takitaki he Pacific Islanders Educational Resource Centre ne hafagi e fono moe fai kupu hagaao atu ki ai. Pehe a ia kua mitaki lahi ka fakatu e lautolu taha matakau ke lopoti mai ak'i e tau matakau takitaha ha lautolu ne fa e gahua ai mogonei.

I o eke foki e matakau foou na mo hukui he tau Niue ke kau lakalataha mo e tau matakau pihia he falu a motu kua ha ha i Okalana, ti pihia loki ke he faahi gahua foou he tau Aelani ne fakatu he Fakatufono ke lagomatai aki e tau puhala fakaako he tau lanau mo e tau tagata mai he tau atu motu he Pasifika.

Ko ia ne fakatu e fono, ne takamaama atu ki a lautolu e aoga ke fakatu e matakau Toou kua pulega ki ai ke lagomatai atu ke he tau matakau kehekehe kua fita e lakatu mo e gahua ai ma e mitaki he tau tagata ka e NAKAI ke moumou ai e tau

matakau na. Ha ha i ai falu ne talahau e tau manatu ke ua tamai ha mena fakalotu ke he matakau foou ka fakatu. Ka e hataki atu a ia ne lakatu e fono pehe. nakai ko e hako a ia ha ko lautolu kua igatia mo e tau vahega lotu kehekehe ne nonofo ai. Ka e mooli ke aua tauhele-atu e matakau foou ke he tau gahua faka-lotu. ka e maeke ke lagomatai atu ki ai kae A kua manako mai.

Ne loga e tau manatu kehekehe ne fakakite mo e lakatutala ki ai. Ne pulega atu loki a ia ne fakatu e fono poke tele ke liliu a lautolu ke tutala mo e tau matakainaga ne nakai hohoko mai mo e tau matakau foki ha lautolu to liu loki ke fono he taha magaaho lakamui.

Ka e vagahau taha ni a lautolu he fono pehe, kua lata m ke fakatu he fono na e matakau foou ha ko e mena mitaki, nakai ko e mena taute ke fakamatematekelea aki e tau tagata - ti taha mena foki liga uka foki ke tokologa pihia e tau Niue ka omai he fono mogo fakamui ha kd e mena lavelave e tau tagata. Ti talia auloa ai mogoia ke fakatu e matakau foou mo e fakahigoa ai ko e Niue Advisory Council ha Okalana.

Ne talia foki ke igatia e tau matakau kehekehe he tau Niue mo e fai hukui ki loto he fono foou na mo e toka ni ke I ifili mai he tau matakau na ha lautolu a tau hukui, ka e fifili he fono e takitaki, hagai takitaki mo e tohi kupu.

I i hanei e matakau foou he tau Niue ha Okalana kua lakatu ai ke haitia e tau kupu pulega kua aofia oti ai e tau Niue ne nonofo i Okalana: I akitaki - Niki Ikimau, hagai takitaki - Ikitoelagi, tohi kupu - Aiao Kaulima, tau hukui mai he tau matakau kehekehe: Matapatu Lotu he tau Aelani PIC -6, Lotu Mamoga -3, Lotu Aho Fitu - I, Lotyu Katolika - I. Matakau Lepa he tau Niue - I, Niue N.Z. Society - 1 , Alo f i

Matatauafaga -1, Kalapu Fifine - I, Lotu Isaraela -1, Lotu Nazarene -1, Lotu

Congregational Te Atatu - 1. Kua gofua foki ke fai hukui e ha matakau foou ka fakatu ke hu atu ke he fono na. Nakai la moua mai e tau higoa he tau hukui ha Lotu Aho Fitu, Lotu Katolika. Lotu Isaraela. Lotu Nazarene mo e tokoua hukui mai Otara he Lotu PIC. Fakamolemole ti fakailoa mafiti mai e tau higoa he tau hukui ha mutolu ki a Aiao Kaulima. PO Box 46056. Herne Bay. Auckland poke vilo mai he telefoni numera 760-132. Ko e fono fakamua he Niue Xdvisory Council to hoko ai he Aho Faiumu 25 ia luni he hola 2 mogo pale la ke he fale aoga he tau Aelani i Herne Bay ne fono ai he aho tuai. Fakamolemole ti o atu oti e tau hukui ke he fono na. Ka fai lekau ti fakailoa atu ke he tohi k upu.