I Roto i te Ruuma Whakarunga.
Patata ki nga tau kotahi tekau ma iwa rau, kua mahue ake nei, he ra raumati ia, i taua whenua ataahua e karangatia ana ko Huria; ko te ra e wliiti kanapa ana i runga i te maunga o Oriwa, a ko nga Apotoro o to tatou Ariki kua wliakamoemititia, e titiro ana whaka-te-rangi me kore e puta ta ratou titiro i taua kapua ma i araia ai to ratou Ariki i henurai ai ia i to ratou kanohi. I taua wa ka haere mai nga Anahera tokorua ka mea atu kia ratou he maumau to ratou tuunga i reira he maumau to ratou mataara Moona, notemea kua lioki atu ia kite kainga o Toona Matua ake, otira e ai ta raua, ka hold mai ano la, i tetahi rake atu, a ka pena te ahua o Toona hokinga mai, te rite, me Toona haerenga atu nei na, kite rangi, ina ka haere mai Ia kite whakawa i te hunga e ora ana mete hunga e tupapaku ana. Na, i te ra tuatahi o te kakenga, i hoki atu nga Apotoro ki Hiruharama kia taaria te haeretanga mai o te Kaiwhakamarie. He kupu whakaari tenei na te Ariki i mua o Toona matenga, ka tonoa mai e Ia te Kaiwhakamarie. Ano, pea to ratou pouri i to ratou hokinga atu kite Pa Tapu. E mohio ano tatou katoa i te mamaetanga ina ka haere atu nga hoa e arohaina ana e tatou, ano te roa o te wa e ngaro atu, ki a tatou ahakoa he wahi poto, tauria mariretia ana nga ra i ngaro ai ratou, kia hoki mai ra ano, ki a tatou, ano te roa, katahi nga ra i he ai te manawa, ano e kore rawa ena ra e mutu. I mohio ano nga Apotoro inaianei e kore rawa a Ihu e hoki mai ki a ratou ki tenci ao. Ko to ratou mohio, ka haere atu ratou ki a Ia ina ka mutu te mahi i meingatia e Ia kia mahia e ratou. Otira i awangawanga ratou ki te pewheatanga o taua mahi. I tonoa e Ia kia haere ratou ki
te ao katoa kite ako kite Kaur wliau ki nga iwi katoa, kia iriiria ratou i te ingoa o te Matua Te Tama mete Wairua Tapu. Tena, ratou pea te miharo me pewhea e oti ai tenei malii ia ratou. Notemea ko te nuinga o ratou he kai hii ika, nohea to ratou matauranga he tino kuare, nohea ratou e mohio ki nga reo a nga iwi ke, kaati ano te reo i mohio ai ko to ratou ake, me pehea e ahei ai ratou te whakapuaki ki nga iwi ke, te aroha o te Atua mete aroha o Ihu? Ko enei ia o ratou whakaaro tuatahi e puta i runga i to ratou pouritanga. Ano to ratou hopohopo me to ratou tino hiahia kia mahia e ratou nga mea katoa i tonoa e Ia kia mahia e ratou. Tomo ana te tumanako ki o ratou ngakau, kua akoria ano ratou kia whakapono ki a la, kia whakawhirinaki kia piri ki a la, a kua tono ano Ia kia hoki atu ratou ki Hiruharama, a ki reira tatari ai mo te homaitanga nui o te Wairua Tapu, ko ia te puna hei ako ia ratou ki nga mea katoa. Kua whiriwhiria e Ihu nga Apotoro kotahi tekau ma rua hei noho tonu ano ki a la, ko Ia pu nga tangata i "hoatu e Ia te mana iriiri te mana kauwhau mete mana ako i runga i Toona ingoa, ko ratou ia nga pihopa tuatahi o te Hahi o te Karaiti. Otira kotahi anake tekau ma tahi nga Apotoro e noho ana i naianei ki Hiruharama, keihea te tekau mania % Aue! Kotahi o ratou i whiriwhiria e ratou kua hara nui i runga i te mahi whakawai i tona rangatira ko te nohoanga o Hura (te kaiwhakawai) e tu kore ana. I te wa e noho tatari ana era atu o ratou i Hiruharama mo te Wairua o te Pono kia tae mai kia ratou ka tu a Pita ka mea he mea pai kia whiriwhiria e ratou tetahi o nga tangata i whai atu ki to ratou Ariki ara tetahi o nga tangata i puta atu tona aroha ki a Ia ara he tangata i tino whakapono ko la pu ano te Mihaia, i whakaaturia e nga
poropiti, he riwhi mo Hura, a inoi atu ana ratou kite Atua kia whakaafcurina e Ia kia ratou te tangata e tika ma ratou e whiriwhiri, a inoi ana ratou, na, ka hoatu e ratou o raua rota a ka tau te rota ki a Matiaha; a uru ana ia ki roto ki nga Apotoro tekau matahi. Kotahi tekau nga ra kua pahure i muri o te ra tuatahi o te kakenga i runga ano i te ra Hakari a nga Hurai i karangatia ko Petekoha, ko nga Apotoro me nga tangata i whakapono ki a Ihu, ko ratou ia nga tangata i noho ki taua ruuma whakarunga ki Hiruharama, notemea ko te wahi tera i hono tonu to ratou huihui kite inoi kia whai korero hoki mo to ratou rangatira. Ki a ratou i pena ano tenei ra me era atu o nga ra kua pahure i te wa i ngaro ai la, i te wa i mahue ai ratou e la. Na, puta whakarere mai ana he harurutanga no te rangi ano he hau whakaharahara e keri ana, a tomo ana ki taua ruuma he maramatanga kanapa rawa puta mai ana kia ratou etahi arero he mea manganga, ano he ahi, a tau ana ki runga ki tetahi ki tetahi a ratou. Timata tonu ana te korero o enei, kaihii ika kuare ki nga tini reo ke, kahore ano kia rangona e ratou poto katoa to ratou oranga. 1 I taua wa he tokomaha nga Hurai i noho tawhiti atu i taua kaainga, a Kenana, na kua haere mai ratou ki Hiruharama i taua wa, a kaati ano te reo i mohio ai ratou ko te reo o te kaainga i haere mai ai ratou. He maha o enei Hurai no aua kaainga tawhiti i honu tonu i ia tau, i ia tau, te haere ki Hiruharama mo te Hakari o te Kapenga a ka noho ratou ka tatari kia pahure te ra o Petekoha; a korerorero ana e enei kaihii ika kuare, ki nga tangata hui mai, nga kupu kororia o te oranga tonutanga i runga ano i nga tini reo rere ke rere ke, i korero ai aua manuhiri, aua tauhou tetahi ki tetahi. He tokomaha o ratou e kore ahei kite kore whakapono ki
taua Ihii o ISTahareta i korero ai a Pita ki a ratou. He tokomalia e koretaea kite whakaparahako kia iriiria i toona ingoa ko te tini o aua Karaitiana i hui ki taua rauma whakarunga i Hirukarama ki mua o te ra o te Petekoha i tae tata kite kotahi rau e rua tekau. Poto rawa te wa kua tae aua akona o te Ariki i taua Pa Tapu, kite toru mano, a tini haere ana, i te mea ka rongo ano nga iwi i taua rongo pai, nui haere ana te rangatiratanga i ia ra i ia ra. Ko enei Karaitiana tuatahi i tapu rawa to ratou oranga. Ka ntii to ratou aroka kite hunga rawa-kore, ko te hunga i whai moni i hoatu kite hunga kahore a ratou moni. Tiaki ana e ratou nga pouaru nga pani te hunga ngoikore me nga turoro. Notemea i tu whalcamua i a ratou, to ratou Pukenga to ratou Tauira ara to ratou Kingi ko tona mahi tonu i ana haerenga ko te whakarite tonu i nga mahi o te pai.—/ raro i te Kara o te Kingi.
Permanent link to this item
https://paperspast.natlib.govt.nz/newspapers/KORIM18870518.2.18
Bibliographic details
Korimako, Issue 63, 18 May 1887, Page 5
Word Count
1,305I Roto i te Ruuma Whakarunga. Korimako, Issue 63, 18 May 1887, Page 5
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.