Ki a Te Korimako.
E manu, —Tena koe! Mau e hari atu enei toru kupu ki nga wahi e haere ai koe he whakaatu i nga mahi a toku iwi. Kua aro nui ratou ki nga mahi a Te Kooti. He nui toku pouri mo te pakeke o ratou ngakau, no te mea e whakaitia ana e ratou te ra i okioki ai to tatou matua i te rangi. Kua homai e Te Kooti ko te Rahoroi hei Ratapu nui mo ratou mete tanumanga o ratou tupapaku kua kiia mai e Te Kooti kia kaua nga minita e tukua mai kite tuku i o ratau tupapaku ma ratou ano e karakia te tukunga o ratou tupapaku ko te take i whakaatu ai ahau i enei mahi a toku iwi ekore hoki au e manawa nui kite tuku atu i toku iwi kia haere i te pouritanga kei tutuki o ratou waewae a nga ra e haere ake nei ki taku mohio e kore e kore te tutuki o ratou
waewae noteinea he nui rawa atu to ratou whakapono ki nga mahi nukarau a Te Kooti ko a hau ia kaore ano kia kite i te pono o ana mahi he nui o ratou turoro i haere kia tangohia o ratou mate e Te Kooti ko etahi kihai i hold mai ko etahi no te taenga mai kite kainga ka mate, hei aha ma ratou, whakapono tonu. E hoa ma, he nui toku [hoha kite whakarongo ake ki nga mahi o toku iwi ko nga taitama e haere ana kite tiki i nga ture i a Te Kooti tetehi haringa mai o ratou i te tau, kua hori nei ko tatou ka kite i a Te Kooti e kake ana, kite rangi ko tetehi ka puta he poropiti hou ma te motu nei. Tetehi ko te taenga o nga iwi nei ki reira i a Hurae kua hori nei, na Te Kooti i poroaki mai kia haere atu kia tirohia nga whiu e haere mai nei. Te taenga atu ka patai a Te Kooti me whiu ki a wai taua mate e haere mai nei ka tu ake tetahi tangata ki a koe ano i runga i te mohio o taua tangata puta ana te au ahi i te potae o Te Kooti whakaatu ana ia kite whakaminenga kua kore e tae mai taua mate hei aha ma te mate, kore rawa i rongo i a Te Kooti he nui te mate o to matou takiwa. Heoi kua ahu ano ratou kite rata i Opotiki hei mahi i o ratou mate he nui te pai o te mahi a taua rata i nga mate o nga Maori ko etahi ano e mate ana ko te take he kore kaore e whakarongo ki nga tohutohu a taua rata he nui nga mahi hoha o toku iwi e kore e taea te korero. Heoi ano na tenei o kai tautoko. Na Neri Wepu. Omaio, Maehe 31,. 1887.
Permanent link to this item
https://paperspast.natlib.govt.nz/newspapers/KORIM18870419.2.16
Bibliographic details
Korimako, Issue 62, 19 April 1887, Page 10
Word Count
494Ki a Te Korimako. Korimako, Issue 62, 19 April 1887, Page 10
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.