He Kohuru i Akarana.
Ko tetahi korero nui i kitea ki nga nupepa Pakeha o Akarana, i te 3 o nga ra o te marama nei; ko te kohurutanga o tetahi kotiro Pakeha, mete whakamomoritanga o te tangata i kohurutia ai taua kotiro. I nga tau e toru kua makue ake nei, ka hiakia tetahi taitama ki taua kotiro hei wahine mana, notemea e tu tata ana nga whare i noho ai raua. Haere atu ana taua taitama ki te tono ki nga matua o te kotiro kia homai kia marenatia raua, otira kihai i wkakaaetia, notemea i taua wa ka tekau ma rima ano nga tau o te kotiro. I te tau i makue ake nei ka haere taua taitama kite Wairoa, i Kaipara, he roa te wa i ngaro atu ai ia, no Hanuere i mahue ake nei ka hoki mai. Korero ana ia ki taua kotiro kia tere to raua marena, otira kihai i pai te kotiro, notemea ka tekau ma waru ano ona tau i tenei wa, a e kore ia e kaha kite takahi i te kupu-riri a tona matua. Puta ana he pouritanga ki taua taitama, kuhua ana ki tona ngakau te whakaaro whakamate i a raua ko taua kotiro, e kai-nga-kautia nei e ia i te ao i te po. Whakaritea ana hold e ia te ra hei kohurutanga. Tera hoki kua rongo, kua mohio kei te poo te Paraire, te 2 o nga ra o te marama nei i te haawhe-paahi o te ono, te haere ai te kotiro ra ki nga mahi whakaako ki nga Karaipiture. Ano ka tata kite haora e puta ai taua kotiro ki waho e haere ai, haere ana taua taitama kite rori tiaki ai, ano ka puta te kotiro ra, kihai i roa e haere mai ana ka hopukia e te taitama, tohe ana kia marena raua, otira kihai pea i pai te kotiro, tangohia ake ana e taua taitama he pu-piitara i roto i a ia, puuhia ana e ma mataa kite uma o te kotiro, oma-aue ana taua kotiro ki tetahi whare i tetahi taha atu o te rori, no te taenga atu kite kuwaha o te toa a tetahi Pakeha ka hinga ki raro, ka mate, erangi kabore i tino mate,
hapainga ana ki roto i te whare takoto ai, kihai i roa ka mutu te kapakapa o te manawa, ko te hemonga. I mua o tona matenga, heoi ano te kii ake, " wkakaorangia ahau," mete whakahua ake i te ingoa o te tangata nana ia i pupuhi. I muri tata i te omanga mai o te kotiro ra, ka oma hoki taua taitama, kihai i roa e oma ana, kuhua ana te mangai o te pu ki tona mangai hold, puuliia ana mate tonu atu. Ko te rongo o te matenga o te kotiro, i te taenga ki nga matua, e ai te kii, i pa he mamaetanga-nui ano ra ko te whaea waahi iti ka pakaru te manawa i te taenga mai o te rongo kua mate ta raua kotiro. Ite Ratapu te 4 o nga ra ka nehua taua kotiro, i tae pea kite kotahi tekau mano nga tangata i haere Ida kite i te nehunga, e ai te kii, ko te nehu nui tenei o nga tangata kua kitea ki Akarana o mua iho, ko te rori i kii tonu i nga mano tangata, tau ana te hooha. E hia ranei rau o nga tamariki o te Kura Ratapu o te Hahi Pirimiti i haere Ida kite i te nehunga, notemea ko taua kotiro tetahi o nga kaiwhakaako o nga tamariki i nga Kura Ratapu. Ite tukunga o te kaawhena ki roto i te poka, panga ana e nga rau tamariki me nga hoa me nga whanaunga nga pare-putiputi ki roto, waahi iti kua kii tonu ake te jioka i nga puawai. Na Te Mete, minita o te Hahi Pirimiti i kauwhau te nehunga, waihoki i whaikorero ia ki nga, mano tangata mo taua kotiro kua wehe atu i waenganui i a ratou, he kotiro hoki i mahi nui ia mo tona Ariki, he kotiro i aroha nuitia e ona hoa o nga Kura Ratapu. No nanahi atu ite Rahoroi i nehua ai te taitama i kohurutia ai taua kotiro, ko ona whanaunga anake i haere Ida kite i te nehunga.
Permanent link to this item
https://paperspast.natlib.govt.nz/newspapers/KORIM18860416.2.7
Bibliographic details
Korimako, Issue 51, 16 April 1886, Page 3
Word Count
722He Kohuru i Akarana. Korimako, Issue 51, 16 April 1886, Page 3
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.