Te Moe-Whaka-te-Wairua.
Kei te mohio tatou katoa, heaha te moe-Maori? Ko te tinana kua kahore he kaha mo te waahipoto, e moe ana kahore e korikori—ano kua mate. Ko nga kanohi kua kahore e kite, ko te mangai kua kahore e korero, ko nga ringaringa me nga waewae kua kahore e oioi. Waihoki, kei te mohio ano tatou katoa ina ka ara ake i taua moe ; kua hoki mai ano tatou kite oranga, kua homai he kaha-hou kia tatou, ko o tatou kanohi kua titiro, me o tatou whaingoitanga katoa kua hoki mai. Na, tera atu ano tetahi mea, ara, ko te moe ate wairua. Ae! he maha nga wairua e moe ana, na te aha ra, kua korerotia mai kia tatou "he riri kei te haere mai," otira takitahi rawa te hunga e mahi ana kei uru ratou ki taua riri ? Na te aha ra, kua homai te rangi mo tatou, otira takitahi rawa te hunga e rapu ana i taua kaainga ? E tino pono ana ko nga tangata kei te moe, kite tikanga o ratou wairua me to ratou oranga-tonutanga. Mehemea e hiahia ana tatou kia mohio kite take i tae mai ai taua moe kia tatou, me titiro e tatou kia Kenehi iii.; ranei ki nga Roman v. Kei aua upoko ka mohio tatou e ahua penei ana, kite kitea ete hara he huarahi mona kite ao, ko te tangata ka hinga ki raro, ko tona wairua kua kahore e rongo, kua moetoropuku. Ko te huarahi tera e kite nei tatou i nga tini tangata e mataora ana ki nga taonga o te ao nei, otira ko ratou katoa kei te moe, ano kua mate. Tena titiro koe whakamuri ki nga ra o to tamarikitanga—kua kawea mai koe kia Te Karaiti i runga i te iriiringa, kua karangatia koe ki roto i Ana hipi, kua whaitohungia koe ko tetahi o Ana hipi ake y whakamanuhiritia ana koe e taua Hepara Pai ki roto i nga whakaoranga o Tona Jnahi-tohu. Otira, kihai i roaroa kua whakareerea la e koe, kua
uru te hara ki roto i a koe, whakamoea ana tou wairua, a marara ana koe ki wako i te kahui o nga hipi. Kua rongo koe i taua kaainga-pai i te rangi, otira lie iti to mahara kia tomo atu ki taua kaainga-hari. Kua rongo koe i taua kaainga-kino i te reinga, otira kahore koe e rapu i te huarahi hei arai mai i a koe. Kua rongo koe he Kaiwhakaora*, otira ko Tona aroha kihai i uru ki roto i to ngakau. Kua whakapono koe ki a la, he Kaiwhakaora mo te ao, otira kihai rawa koe i patai atu ki a la kia whakaorangia koe. Kei tawhiti la e tu mai ana, otira kahore o mahara kite whakatata kia piri atu koe ki a la. Kua rongo koe i te oranga-tonu-tanga, otira ko nga whakaaro-he o ia wa o ia wa e whakararuraru ana i a koe. Kua mahia e koe nga mahi mo ia ra mo ia tau ki tenei ao, otira kihai koe i mahi mo tera ao, kei reira nei te oranga-tonutanga. Kua korerotia e koe te kupu a te Atua i nga ra katoa, otira kahore koe e kite ana i te whaihuatanga o taua pukapuka, kei waho noaiho koe e tirotiro ana. Kua korerotia e koe nga kupu o te inoi i a ra i ia ra, otira hore rawa koe e inoi ana. Kahore hoki he ngakau-mahi i roto i a koe. Ahakoa whakarongo koe ki nga kauwhau, otira tukua ana e koe te rongo-pai kia haere ana i waho o to ngakau, e rite ana "kite hihi-kanapa o te ra e araia ana ki waho o te matapihi e kati ana." He maramatanga kei o taha katoa, ko te marama-tanga-pai o runga 3 otira ko to ngakau e kati ana, kihai rawa tetahi hihi i puta atu ki roto. Me pewhea rate kii atu ki a koe i enei wa katoa, ko to wairua kei te moe, kua kahore he oranga i roto. Otira, inaianei pea, i runga i te atawhai o te Atua, whakaaratia ana to wairua i te moe ; kite marama ana koe i nga mea katoa kihai nei koe i kite i nga marama i nga tau kua pahure, kua taka nga unahi i o kanohi, a kua ara ake koe i te i
moe. Kua tau te awangaAvangatanga ki to ngakau, kua rapu koe me pewhea e tohungia ai koe? me pewhea ranei e tae mai ai he oranga ki a koe ? me pewhea ranei e whakaae ai koe kite Atua hei mum i o hara ? E rite ana koe kite tamaiti maumautaonga, i a ia ko ia anake, mea ana ia, "ka haere atu ahau ki tooku matua, ka mea ki a ia, e pa! Kua hara ahau kite rangi, ki tou aroaro ano hoki, a kahore he tikanga e karangatia ai ahau he tamaiti na au." E rite ana hoki kia Paora, he tangata whakatoi ia kia Te Karaiti, a muri mai, ko ia tetahi o Ana tino pononga. I muri o enei awangawangatanga, kahore ranei koe e mahara ana, e rite ana koe kite tangata kua ara ake i te moe, kua ngaro nga mauiuitanga o tera ra, kua tae mai hoki he kahanga, he oranga-hou ki a ia mo nga mahi mo tenei ra. E rite ana hoki ki nga kupu o te Karaipiture, i te 2 Koriniti v. 17:—"Na, kite mea kei roto i a Te Karaiti tetahi, he mahinga hou ia. Kuapahemo nga mea tawhito; na, kua hou nga mea katoa." Waihoki kua oranga-hou kei mua i a koe, kua whakaaro-hou kei roto i a koe, kua mahara-hou hei whakangahau i a koe, waihoki, kua uru koe ki nga mahi a te -Ariki hou. ** Kia mahara koe kite arohanui o te Atua i tatari ai ki a koe kia hoki atu ki a la. Kei te kite Ia i o tupatokoretanga me o whakatoitanga, otira tohungia ana koe e Ia i runga i nga huarahi-he, waiho ana koe kia moe ana, me to tohe tonu kite riri kite Wairua Tapu, whakataetae ana korua ko taua Wairua, otira te mutunga iho, hinga ana koe i a la, tangohia ana nga unahi o kanohi, ara ana koe i te moe, kite ana i te maramatanga. Ehara ianei tenei i te aroha-nui ki a koe ? Ma wai hoki e korero te nui o Tona aroha, te whaanui, te tiketike, mete hohonu ? Tera atu ano etahi tangata, ko o ratou wairua anake i ara, kihai
te ngakau. Ko nga tangata e whakarongo ana ki nga kauwhau, a heke ana nga roimata o ratou i runga i te aroha ki nga kupu i puta mai i te mangai o te kaikauwhau, oho whakarere ana o ratou wairua i te moe, whakaaro ana kia tukua tonutia atu ratou i taua wa ano hei kunga mo Te Karaiti. Otira kihai i roaroa, kua wareware ratou, pahure ana aua whakaaro ki muri, e rite ana, "Kite kapua ote ata, te putanga ake o te ra kua memeha, me he te tomairangi ranei o te ahiahi, te putanga o te hauauru ite po kua kahore." Notemea kahore he mahinga-a-roto a te Wairua ite ngakau. Ko te wairua kei te moe tonu, i oho ano, otira kihai i tino ara. Heoi kia mataara tatou, inoi atu kite Kaihanga kia whakatirokia o tatou kanohi-matapo, me o tatou wairua-moe-toropuku, whakapuaretia hoki te kuwaha o to ngakau, aua e waiho taua Wairua Nui kia patuki ana i waho, erangi tukua mai la ki roto, mana hoki e whakaara to wairua me to ngakau, e kite ai koe i te maramatanga mete kororia, me te oranga mutunga-kore.
Permanent link to this item
https://paperspast.natlib.govt.nz/newspapers/KORIM18860416.2.17
Bibliographic details
Korimako, Issue 51, 16 April 1886, Page 5
Word Count
1,285Te Moe-Whaka-te-Wairua. Korimako, Issue 51, 16 April 1886, Page 5
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.