He Korero e Oho ai te Aroha.
I nga tau o namata. i eke ki runga i tetahi kaipuke Ingirihi he tamaiti iti e iwa ona tau, ko te kaipuke i rere mai i Riwapuru, i Ingarangi, ki Niu loka, i Amerika. Ko taua tamaiti he rawakore ina te taretare ona kakahu. I kawea ia e tona matua i kuhua ki roto kite takotoranga o nga taonga. No te wha o nga ra i muri o te rerenga o taua kaipuke, ka kitea taua tamaiti, kawea mai ana ki mua i te aroaro o te kapene. Ka ui atu te kapene kite take i haere huna mai ai ia, na wai ranei ia i kawe huna mai kite kaipuke? Ano te ahua marama o nga kanohi o taua tamaiti, tiira ana te pono ano he mea whakaaliua kite karaaihe, ka mea, "na tooku matua keke ahau i kawe huna mai kite kaipuke, notemea he rawakore, e kore ia e kaha kite whangai i au, kahore hoki he moni hei utu i taku paahihi. Erangi he matua-wahine-keke tooku kei te kaainga i Haripaki (Halifax) e noho ana, he wahine rangatira, a e haere ana ahau ki a ia noho ai." Kihai rawa te kapene i whakapono ki nga korero a taua tamaiti, ahakoa te pono o ana korero me tona titiro atu kite kapene i runga i te reo maaia mete ahua aroha o tona kanohi. Ko tetahi whakaaro o te kapene, na nga heramana te tamaiti i whaangai, na ratou i
kawe huna mai kite kaipuke. I ia ra i ia ra, te mahi a te kapene lie patai ki taua tamaiti, otira noliea e rere ke atu ana kupu, pera ano me ana korero o te tuatahi, ka mea, " kahore ia e mohio ana ki tetahi o nga heramana, na tona matua ano ia i kawe huna mai kite kaipuke, nana ano nga kai i homai hei oranga mona." Kua hoha noa iho te kapene i te tohe tonu o taua tamaiti ki tona korero o te tuatahi, hopukia ana e ia i te kaki o te koti, ka tooia kite ihu o te kaipuke, mea atu ana, " Ki te kore taua tamaiti e korero pono i roto i nga meneti kotahi tekau, ka herea te taura ki tona kaki, ka taronatia ia kite kurupae o te rewa o te kaipuke. Whakanohoia ana te tamaiti ki runga i te papa-takatakahi i raro 0 te kurupae, ko nga paahilii me nga heramana e tu awhio ana i | tona taha; ki tona afoaro ka tu ko te kapene-nanakia me tona wati ano kei tona ringa, a ko nga apiha o te kaipuke e tu ana kite taha o te kapene. Puna 1 ake ana te aroha o nga paahihi me nga heramana ina titiro atu ki nga kanohi kootea-pouri o taua tamaiti pono, kihai rawa tona upoko i oioi, ko ana kanohi ataahua i marama rawa, me nga roimata aroha e puna ake ana i roto. Ano ka pau nga meneti e waru, ka mea atu te kapene e rua meneti anake e toe ana hei oranga mou, tohe atu ana te kapene kia korero pono ia. Kii atu ana taua tamaiti i runga i te reo marire i runga i te pono, ka mea atu kite kapene mehemea kahore ia e pai kia inoi ia. Kihai i whai kupu atu taua tangata, tungou whakaae atu ana ia, wiri ana, ano he kakaho e paangia ana e te hau. Titiro atu ana nga kanohi katoa ki taua tamaiti iti, i maaia rawa i runga i te huarahi o te pono, he rawakore nei ia kihai te ao tangata i tiaki, waihoki ko tona matua keke kihai i tiaki i a ia. Tuturi ana nga turi o taua tamaiti, koropiko ana me ona ringa e awhi ana tetahi ki tetahi, ko ona
kanohi i aro atu kite rangi, ka inoi ka whakahua i te inoi a to tatou Ariki, ka inoi hold ia ki a Ihu Karaiti kia tangohia atu ia kite rangi. Ano ka mutu tona inoi, tu ake ana ia ki runga, mea atu ana kite kapene, "tena ra!" Heke ana nga roimata o te hunga katoa e tu'ana, katahi ka peke atu te kapene ki taua tamaiti, awhi ana ki tona uma, kihi ana ki tona papaaringa, whakamoemiti ana ki taua tamaiti, mea ana, "he nui rawa tona whakapono ki ana kupu katoa i korero ai te tamaiti, waihoki he nui atu tona koa mo te maaia o taua tamaiti, i kitea ai i te wa e tu ana ia i te aroaro o te mate, me tona whakaaetanga mona kia mate ia mo te pono o ana kupu. Waiho ana e te kapene taua tamaiti hei tamaiti-whangai mana, ano he tamaiti tuturu nana ake.
Permanent link to this item
https://paperspast.natlib.govt.nz/newspapers/KORIM18860115.2.20
Bibliographic details
Korimako, Issue 48, 15 January 1886, Page 6
Word Count
796He Korero e Oho ai te Aroha. Korimako, Issue 48, 15 January 1886, Page 6
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.