Nga Reme e Rua.

Korimako, Issue 13, 15 March 1883, Page 7

Nga Reme e Rua.

Nama 3. I tetahi o aua ra ka haere mai taua hepara kite toro mai i a raua; ka oma atu a Marie kite whakatau atu i a ia, tupekepeke ana i raro i ona waewae. Otira ko Mahara-kore ata haere atu ana i muri i a ia, kihai ia i kakamatahi ki tewhakatau atuitoraua Ariki, Ahakoa, kihai taua hepara pai i riri ki a ia, kihai ano hoki i whakatupehupehu atu ki a ia; kahore ano hoki he kai whakawehi mona. I korero ano a Marie ki tona teina i muri i te haerenga atu o taua hepara, i mea. E hoa, he mate aha tou ? Kite mea i hapa koe i tetahi mea, whakaaturia atu ki to taua rangatira tou mate ; ko ia hoki te kai homai i nga mea pai katoa ki a taua; ka whakahokia mai e Mahara-kore, ka mea. E kare e ahei i a ia te homai ki ahau i te mea e hiahiatia nei e ahau; i mea mai ano ia. Kaua koe e pena mai no te mea e hiahia ana ahau kite haere atu i tenei puninga, kite toro i nga pukepuke ahuareka i tetahi taha, i tetahi taha. Ano te pai o ena maunga! tera ahau e kite i te tini o nga puawai e tupu ana i te tihi o ena pukepuke; ka kite ano hoki ahau i nga manu purepure e korihi ana i roto i nga manga o nga rakau; ka kite ahau i nga tarutaru hou e tupu ana i roto i nga rengarenga; ka kite au i nga hipi me nga koati e whangaia ana ratou ki nga tarutaru papai; me nga reme e makowhitiwhiti ana i o ratou taha. Aue ! E toku tuakana. Kahore toku ngakau i te koa i au e tutakina tonutia nei ki roto ki tenei puninga. Ka mea atu a Marie ki tona teina. He mahi poauau ano tena; te titiro atu i nga wahi kua araia mai nei mo taua : whakarerea atu te whakaaro pohehe. Heoi, kihai a Ma-hara-kore i whakarongo ki nga kupu riri o tona tuakana; ka mea a Marie kia whakaaturia e ia taua korero kite hepara pai. Kua haere mai te liepara pai i te ahialii, i te wa e maturuturu

iho ai te tomairangi ki runga ki te tarutaru me nga puawai. Te rongonga o to rana rangatira i nga korero a Marie; ka karangatia e ia a Maliara-kore kia haere atu ki a ia; ka titiro atu ia, a ka aroha ki a ia, ka korero atu i nga kupu nunui o tona aroha noa. Ka mea atn, " E taku reme, na te aha i mamae ai tou ngakau. E kaiponuhia ana ranei e ahau tetahi mea pai i a koe 1 Na, me ako atu ahau ki a koe, kaua e haere e kai i ranga i ena maunga. E mohio ana hoki ahau ki tena, he tarutaru kawa, he tarutaru whakamate nga tarutaru katoa e tupu ana i reira; kei reira hoki nga kararehe nanakia rawa e haereere ana. E aku reme, kia tatu o korua ngakau; e noho i roto i taku puninga whakarongo mai ki aku kupu, whakawhirinaki mai ki ahau; ka mau korua i ahau mau rawa i ahau i runga i te rangimarie. He ngawari hoki taku ioka; tena kei runga kei era maunga e kore eta to manawa, kahore hoki he okiokinga mo te kapu o tou waewae, ka ohooho tonu te ngakau, a ekore e ata tatu, i te wehi i a te raiona e rapu ana i tetahi reme hei horomanga mana." Ano ka mutu nga korero a te hepara pai, haere atu ana ia. Heoi kihai i whakarongo a Mahara-kore ki nga kupu whakatupato o tona Ariki; kihai ano hoki tona whakaaro i manako iho ki nga whakaaro pai o tona tuakana. I te roanga o tetahi ra ka tu a Mahara-kore kite rohe o ( te wharua, ka titiro ia ki nga, puawai e tupu ana i runga i tetahi pukepuke; ka rongo tonu ia i nga manu e korihi ana i roto i nga rakau. Kua heke iho hoki nga hipi me nga koati o te maunga kite taki atu i nga reme i roto i te puninga a te hepara pai kia whai i a ratou. Kua karanga mai hoki ki a mahara-kore; kia haere atu liei hoa mo ratou. I mea mai ano ratou ki a ia. " He tokomaha ano lioki o tatou i mua i tutakina ki tena wahi i a koe na; heoi; he mea kino ki a tatou te ako, te pehi tonu i te hiahia. No reira whakarerea atu ana e

matou tena puninga; tenei ia matou te whakamanamana nei ki to matou here kore. Rawe tonu kia Mahara-kore te whakapono atu ki nga kupu aua o hipi ; no te mea ko tona hiahia ake ano tenei. I tetahi o ona ra i pekea ai e ia te manga wai e taiawhio ra i te puninga katoa. Ko Marie ia ko tona tuakana ata moe marie ana. (Tera atu te roanga.)