Te Matenga o Mata Waiti.
He wahine rongo nui tenei pakeha, puta ana tona pai, tona mahi rui ki nga kainga Maori katoa kite pito whakararo o te motu nei. Ko te hoa wahine ia 0 te Waiti he minita no te hahi Weteriana i mua. No to raua marenatanga i te tau 1829 i haere mai ai raua ki Niu Tireni. Noho ana raua ki Mangungu he kaiwhakaako mo tangata Maori o Hokianga. No tona Kotirotanga 1 timataai te whakapono o tenei wahine. Kua whiwhi ia i te aroha o te Atua ka oti te ringitia ki roto ki tona ngakau te aroha kite Atua e te Wairua Tohu ka puta tona aroha ki nga tangata katoa. Ka nui tona hiahia kia mohio ai nga tangata katoa, ki tona aroha, ki to Te Atua. No te kawenga o tenei aroha i haere mai ai ki Niu Tireni kite kawe mai i te rongo pai ki nga Maori e noho ana i roto i te pouritanga. Ka noho ia ki Hokianga, ako ana kite reo Maori kia hohoro ai tana arero te korero i nga mahi nui a Te Atua ki nga tangata. Ka ngawari tona reo. Ka timata tana mahi kura whakaako tamariki i nga ra katoa. Me nga Karaihe taitamariki i nga ahiahi. Me nga Karaihe kaumatua i nga ra tapu nui ana taua mahi arahi i nga wahine Maori ki nga huarahi tika. He maha nga tau i mahi ai ia ki nga iwi o Hokianga taea noatia te wa i raruraruai taua whenua i nga mahi a Hone Heke ma. I roto i taua mahi kaheke katoa mai nga pakeha noho o taua whenua ki Akarana i te tau 1845. Me Mata Waiti, ka mahue, Hokianga. Noho ana ki Akarana taea noatia tona matenga. Ka nui tona mahi ki konei ara tana haere ki nga Whareturoro, kite Hohipera, kite korero ki nga turoro, kite Whareherehere, kite korero Id nga wahine kua taha kite he; kite Whare o nga Porangi, me te Whare o nga Koroheke, me nga rurulii. E uru ana hold ki nga mahi pai katoa. Kotahi tonu hoki tona whakaaro, ko te mahi
0 Te Atua, ko te tangata kia ora. 1 nui tona aroha' ki Te Atua marama tonu ana tona ngakau i runga i tona mahi. Te paanga inai o te mate i hemo ai ia, i roa tona takotoranga, i nui tona mamae. Otira kahore i pouri ia kore rawa marama tonu. Kei a a ia hoki te Atua e tino mohio ana ia ko ana hara kua oti katoa te muru ko to Te Atua rongo kua mate ki a ia. Kotona Wairua kua oti te horoi i roto i ngatoto o lhu Karaiti. Kotona mahi kua oti; ko tona kainga kei te rangi kua pai, kua rite hore lie mea e wehi ai ia kite mate. Engari e tangi tonu tona kite haere kia wawe te tae ki a Te Karaiti. Mahamaha ana kupu pai i te mea e takoto mate ana; i tetahi kupu i puaki i a ia ki nga lioa e tiaki ana i a ia. Heoi ano taku haerenga i nga hua nui o Akarana. Otira ka haere ahau ki roto kite Pa tapu. Ka taka hia e ahau nga huarahi koura o Hiruharama hou. Ka uru ahau kite huihui nga nui e kore e taea, te tatau ete tangata. Tera atu te maha o ana kupu papai. Ekore o taea te korero. Heoti kua moemoe ano i roto i a Te Karaiti. Okioki ana i ana tini mahi kua noho kite kainga. Tena e te whanau whaka arohia ana mahi pai hei tauira mo tatou, me tona matenga i roto i te maramatanga o te Atua hei whakakaha i a tatou kia man tatou kite whakapono kia pono hoki ta tatou mahi a mate noa. Ka whiwhi hoki tatou i te Karauna ote Oranga. No te 28 o nga ra o Pepuere, i mate ai a Mata Waiti, i te 74 o ona tail.
Permanent link to this item
https://paperspast.natlib.govt.nz/newspapers/KORIM18830315.2.12
Bibliographic details
Korimako, Issue 13, 15 March 1883, Page 2
Word Count
670Te Matenga o Mata Waiti. Korimako, Issue 13, 15 March 1883, Page 2
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.