Untitled

Korimako, Issue 11, 15 January 1883, Page 2

I whakahonoretia nga apiha me nga hoia, hui atu ki nga apiha o nga manuwao, me nga heremana, e te Kuini i te unga mai o taua ope ki Ingarangi i Ihipa. I nga huinga ki Ranana ko nga kai matakitaki i rau mano, a ka powhiritia ka huretia, ko nga hoia hoki o Inia, i uru ki taua whawhai, i whakapaingia ano hoki e taua huinga pakeka. Ko Ta Kanato Wuruhi, te tino rangatira o taua ope, i whakarite i etahi o nga hoia kia riro atu ia ratou nga tohu whakapai a te Kuini. Ko etahi hoki o nga apiha kia whakanuia ake. Ko te maha o nga tohu whakapai i hoatu e te Kuini ki nga hoia i tae nei ki te pakanga ki Ihipa, hui atu a era o Inia, 370. Ko te Pirinihi 0 Wera i reira me nga tamariki o te Kuini me nga huanga hoki me nga mema katoa o te iwi roera. Ka puta nga kupu a te Kuini, ki kii. Kua karanga tia atu koutou ki konei, i tenei ra, ki a whakapai ahau ki a koutou, mo ta koutou, maia i roto o te whawhai i mutu hohoro ake nei i Ihipa, ki to ki atu hoki ka nui taku koa ki aku hoia ki aku heramana mo to ratou piringi pono tanga ki to ratou Kuini me to ratou whenua ake. Ka mutu nga whai kiia a te Kuini ka hoki haere nga raina e toru, o nga hoia ka waiho anahe ko te Kuini e titiro atu ana kite rangatira o taua ope me nga newara. Ka tahi ka timataria te tuwha ki taua iwi i nga tohu whakapainga.