"Kei te Atua to tatou piringa."
Ki nga Tangata Maori o Aotearoa, puta noa, puta noa,— Tokomaha o koutou e tauhou ana ki ahau, me ahau hoki ki a kputou. Ahakoa ra, na tenei hanga, na te aroha, i kukume mfl.i te tangata kia piri, Ma tata. Tenei ake pea, te tino inohio ai koutou ki au, te Jtino mohio ai ahau ki a kouftou. Otiia, me whaki atu a iau i konei, te take o taku whai atu ki a koutou, ara, kite taha Maori. He kitenga noku i te •he o tena taha, i te heke-haere o fte tupu, a i te kore reo o te motu nei hei whakaatu mo tenei taonga mo te tika, mo tera taru mo te he. Ko te take tena i oho-rere ai taku whakaaro kia kimihia he tikanga e purero ake ai nga Maori; a, kitea ana e Itaku ngakau, he nupepa reo Maori te hanga pai, kia puta ai he kupu kite iti, kite rahi, ki te tane, kite wahine, kite tamariki. Na, ko te nupepa tuatahi | tenei, hei tirotiro mo koutou, hei |hurihuri, hei whakakino, hei |whakapai; hei whakaae, hei |whakakore, ta te mea, mo kouitou ake tenei reo-—tenei nupepa. Plo taku hiahia tenei, me puta |te nupepa ki a ia wahi, ki a ia |walii, i roto i te marama kotahi ra nei, i te rua wiki ra nei, 1 te I
wiki kotahi ra nei, kei i a tatou te whakaaro. Ko te utu mo te nupepa kotahi, etoru kapa hui katoa te utu mera. Ko enei moni mo nga kai mahi anake, kaore kau maku, ekore hoki a au e pai kia riro mai ki ahau tetahi kapa, na te mea, ko taku take i runga i tenei mahi he aroha, he kukume mai i a kcutou kite ora. Koia nei taku kupu, kaore maku moni, kore rawa, engari koa, he ara ke ta nga kai mahi; a, e takoto m;i ana te kupu mo ratou e mea nei, "He utu ki a ia, e tika nei te utu; he takowha ki a ia e tika nei te takowha." Ko te ingoa mo to tatou taonga, ko "Te Korimako Rere Haere" Ko tenei, ekoro ma, akona mai to tatou Manu Maori, whangainga hoki ki " nga hua o te tau " laa kaha ai tana kotete. Kei runga kei te hoka to tatou Manu, ko ana korero anake e rere atu ana ki rau-whenua, ki rau-iwi; koia hoki e kiia atu nei, whakaahurutia tenei mokai, kia puta ai ta tatou mahara, kia ara ai te kauwae o tenei motu, kia tamia iho te kino, kia whakamoiritia ko te pai.
Permanent link to this item
https://paperspast.natlib.govt.nz/newspapers/KORIM18820325.2.2
Bibliographic details
Korimako, Issue 1, 25 March 1882, Page 1
Word Count
441"Kei te Atua to tatou piringa." Korimako, Issue 1, 25 March 1882, Page 1
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.