Huia Tangata Kotahi. HATAREI HEPETEMA, 16, 1893.

Huia Tangata Kotahi, Issue 19, 16 September 1893, Page 1

Huia Tangata Kotahi. HATAREI HEPETEMA, 16, 1893.

HE kupu ano enei e taimaha ana ki Roto i te Hinengaro o ia tangata Iti me ia tangata rahi, ara nga kupu oto tatou Orangatahi, e whakahekea nei ki roto i te taringa raua kote ngakau ia ra ia tau, a memeha noa ts tinana i tona wa e rite ai te hoki ki tona wahi tuturu. Tena pea nga hoa e titiro kinga korero i te Pepa nei, mo runga ite ahua o te kaha mete ora, e whakamana mai ana e te Rungarawa, i runga i te Inoi pono mete ngakau tatu, aha koa kei te whana tonu tatou i te Atua kia mamao kite « hanga ia tatou. E whakatata tonu mai ana ia kia tatou i runga i te aroha, he mea ra kei pera tatpu i nga wa ia No-a, Engari kia uru tuhi tatou ki roto i te Aka, ara ki tana Tama, ki to tatou Ariki, hei whaka-

whiti atu ia tatou i tenei Moananui tuauriuri e kore nei e taea te hikoi e te whakaro i te nui o te taimaha. He aha koa kua whakakona mai tatou e ia kinga hikoinga mo tatou, I aia i mea, "Ko ahau te huarahi te Pono, mete ora," Tenei hoki, Inoia a kawhiwhi, Rapua, a kakitea, Patukia, a ka nakina kite tangata e Patuki ana. He aha hoki te painga kite tangata ina whana e ia te Taro, e whakahekea mai nei mo tatou i tena ra i tena ra, mete ua i te rangi hei mea kia tupu kia hari ai te ngakau o te kai kokoti, mete uma o te kai Paihere i te kai, i te koa, kite whana hoki e tatou te Taro, ka pehea hoki o tatou kopu, a kite tutakina e ia te Rangi ka pehea te taro, mo tatou. No reira he mea takoto noa tenei hei whakaronga mate hinengaro i roto i tona whare, ia ia e whakaaroaro ana i runga i tenei ahua o nga whakaturanga. Ina hoki keite hari, kei te koa keite aha noa iho tatou i konei. keite whakaatu to tatou Manu inga mea nunui o to tatou Ao, o roto ano i tenei tau hou, mo tenei, he Rau, he rau tangata, e mate ana i te va kotahi, i te mate kai, he rau, he rau tangata, e mate, ana i te mate uruta, e mate ana i te wai, e mate ana 1 te Ra, e mate ana i te Hau, e mate ana inga mate Papatu, e honohono tonu mai nei i nga motu o te moana, tena pea e horapa ki nga tini wahi, kia tatou hoki, ki tenei iwi ruarua noa, e kore nei e tae kite marama ka poto. No te mea i runga i tenei ahua mehemea ka whakaaro atu tatou ki nga karaipiture tena pea e hopu te whakaro, ki tenei, keite whakapaupau nga kupu Poropiti, Ina hoki kua hoki nga Hurai ki to ratou oneone, ara ki Hiruharama, a e haere nei ano, a e whakatu nei to tatou manu inga whiu ia Putanga ia putanga. E whakatu ria nei i tenei Nama tonu o to tatou Pepa kotahimano e iwa rau 1900 tangata e mate ana i te ra kotahi i Ruhia. No reira he mea pai rawa ko nga mamae

o era iwi, hei tohu tohu mai ia tatou, i te hunga kua tae kinga ra i puta ai enej whiu kite whenua, kua whakaatu ria ano, tenei ahua i roto i te Karipiture, kite puta aua rongo, ko ia tena te timatanga o nga mamae, a kei muri te inutunga. Otira e te iwi e hara i te peehi i runga i o koutou matauranga mo runga i tenei ahua, engari he whakahuaranga kauake na to koutou manu inga whakaroaronga mo te mamae o era iwi, mehemea ra, e patata ana te nei rongo ki terongo taua e haere mai ana, kite whakangara a, e kore ranei te whakaro e matatu i te ao i te Poo, kite whakaara i te Poo, mete kari inga Parepare hei arai i te kaha o te hoariri ? A ko wai hoki kua rongo i te rongo taua a tiraha tonu te kopu i runga i te moenga. No reira he aha te tai maha kia tatou o te tomo kau kite Pa, kua oti noatu mo tatou heoi matatou he Patuki i te tatau kia uakina kia tatou. Tenei ano tetahi mea nui hei whakaronga ma koutou, ko te 18, pea tenei o nga tau e whakahaerea ana, i Ingarangi te Homu Ruru Pire, ara te tono a Airana kia wehea he Paremata mo ratou,. he penei ano menga iwi maori e tono nei kia wehea ma ratou ano e hanga he tikanga mo ratou, Otira ko ta Airana tohee hara i te penei i ta te iwi maori e tohe ana i runga i te Kawenata kua takoto i mua, ko ta Airana i tono tonu i runga i to ratou tokomaha tanga Heoi me whakaro tatou kite maha o nga tau e tohea ana te Homu Ruru pire. No te tahi o nga haora i te poo te Paraire, te tahi o nga ra o Hepetema nei ka tu a Karatitone te Pirimia o Ingarangi, ka whakaatu i rauri o te Pooti tanga kua Pahi te Homu Ruru pire mo Airana, Henui te hari mete koa o te iwi Airihi, I u> putanga mai o te Pirimia -k-i waho o te Whare Paremata, he mano he mano te tangata i waho e hure ana mote pahi tanga o taua pire. Wetekia ana e te iwi ki waho nga Hoiho o te Keepa o Karati-

tone te Pirimia, he mea too e te iwi tona Keepa mete umere haere a tae noa ki tona whare ake. '.I xongo ano tatou i te nui o te raru ' ? a ,^*J? ua *P a ki Airana, mete whawhai '*-. 111 ° nga mema i roto i te Paremata mo tenei Pire, a kua tae tenei ki tona mutunga o te tone.