WHAIKORERO A TE TETANE PIRIMIA I NEPIA.
He nui nga korero i korerotia e ia i reira, engari te nuinga o ona korero e pa ana kite Iwi kotahi ara Pakeha, heoi ano tana Putake i korero ai mote taha maori ka tuhia iho nei, k<> te putake i mnhia mai ai e ia tana korero, he whakaatu nana he mano he mano nga eka whenua e takoto noaiho ana, k; nga maori kaore e mahia ana, na reira aia i mahara ai me hoko e te Karauma nga whenua ara etahi o nga whenua o te Iwi Maori, ka whakanoho noho pakeha ki runga hei mahi, whakapai hoki i te whenua. I aia e korero ana ka whakaaturia e ia, te ahua mapi o nga whenua maori kaore ano i mahia, ka tohu tohu ia nga whenua maori e takoto noaiho ana ara kaore e mahia ana ite taha whakateraki o Akarana, me tona kupu kii. kahore te kawanatanga e tino hiahia ki enei whenua, Engari ia nga whenua e takoto ana ite Takiwa o Haki Pei me Turanga. E kii ana ia e tino hiahia ana te kawanatanga ki ana whenua, heoi te kupu a te kawanatanga me pewhea ra e taea ai, heoi ka whakaturia e au kia koutou nga whika mo nga whenua kua tohutohu tia atu nei e ahau. Ina hoki i te Tau i haere aia teParaihe tetahionga minita maori o mua, ki Ingarangi, ko te tau, 1885, kb te whenua i nga maori i tera Takiwa kotahi te kau miriona Eka whenua Papatupu, ko nga whenua i nga maori ano, Engari kua mahia ite kooti Whenua Maori e rua miriona eka,
ara te kau ma rua miriona eka katoa, i tenei ra e tae ana pea kite rua miriona eka, o ua whenua kei te riihi kite pakeha. e ono miriona kei nga maori he nawhe miriona kei te kapi ki nga nohoanga maori, Na kei whea te toenga, kati ko te toenga o aua whenua ko nga tihi o nga maunga, ko nga awa wai, me nga roto, Engarikia pai tatou kite Iwi Maori, i' tenei ahua kua whakaturia nei, me hoko e te kawanatanga te toenga o te whenua nei ka whaknoho Pakeha ki runga hei painga mote koroni, Tera koutou e kii me pewhea, ka whakamarama atu ahau," aha koa pewhea, pewhsa te mate e pa ana, kite kiko tangata kitea tonu tia e te Takuta he rongoa. he pera tonu hoki te ahua mo nga whenua maori. Engari kaua e tinihanga tia te Iwi. Maori, notemea he tino Iwi pai ratou a me pai hoki tatou kia ratou, I ra hoki i te Takiwa o nga Roia, mete Ture i noho nga maori i roto ite raruraru na etahi atu i kai to ratou oranga, heoi me Tiaki e tatou nga maori i naianei I konei ka whiti tona korero ki to ratou taha ano, ara kite Iwi Pakeha. "
Permanent link to this item
https://paperspast.natlib.govt.nz/newspapers/HUIA18930708.2.10
Bibliographic details
Huia Tangata Kotahi, Issue 14, 8 July 1893, Page 6
Word Count
490WHAIKORERO A TE TETANE PIRIMIA I NEPIA. Huia Tangata Kotahi, Issue 14, 8 July 1893, Page 6
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in