[Kauri-gum Industry, 1898
NIU TIRENI.
He Ture whakahaere i te Mahi Kapia.
[Nowema 5, 1898.
KA MEINGATIA hei Ture e te Runanga Nui o Niu Tireni e noho huihui ana i roto i te Paremete, i runga ano i tona mana, ara:—
1. Te Ingoa Poto o tenei Ture ko “Te Ture Mahi Kapia, 1898,” a me whai mana tenei Ture a te tahi o nga ra o Hanuere, kotahi mano e warn ran e iwa-tekau-ma-iwa:
Engari ia ko nga mana kua whakataua ki runga kite Kawana i roto i tona Kaunihera ka taea te whakahaere ina ka paahitia tenei Ture, otiia e kore te ota a te Kaunihera e whai-mana kia mana ra ano te Ture nei.
2. Ka ahei te Kawana i roto i te Ota a tona Kaunihera, he mea panui i roto i te Gazette, —
(1.) Ki te wehewehe i etahi wahi o Aotearoa hei takiwa mahinga kapia, mete whakahua i nga ingoa me nga rohe e pai ai ia, engari kite taea me rite nga rohe ki nga rohe a nga kaute; a (2.) Ki te wehe hoki i etahi whenua a te Karauna he mea ata whakarite, i roto i te takiwa mahinga kapia hei rahui
kapia i raro i nga tikanga o tenei Ture ; a (3.) Ki te whakamana hoki i etahi ropu takiwa he mea ata whakarite, kei roto nei i o ratou takiwa, i tetahi wahi ranei o o ratou takiwa, tetahi takiwa mahinga kapia, ki
te whakaputa raihana i raro i*tenei Ture. 3. Ka ahei ia ropu takiwa kua whakamanaia i runga i te tikanga kua kiia i mua ake nei (ka kiia a muri ake nei ko te “ropu whaimana ”) kite whakaputa raihana i raro i tenei Ture i raro i nga tikanga ka whakatakotoria i muri nei; engari ia e kiia tuturutia ana e tenei Ture e kore te ropu takiwa pera ewhai mana kite ki, kaua e puta he raihana kite tangata e rite nei i a ia nga tikanga e whai ake nei, haunga ia nga tangata iwi ke, e tae mai ana kite koroni nei i muri i te mananga o tenei Ture, tangata ranei e pa nei nga tikanga whakakore o te rua-tekau-ma-ono o nga tekiona o te nei Ture ki a ia.
4. Me torn nga ahua raihana, ara, — (1.) Te raihana motuhake mo te keri kapia (ka kiia i muri ake nei he “ raihana motuhake ” ; (2.) Te tino raihana mo te keri kapia (ka kiia i muri ake nei he “ tino raihana ” ;
2
Mahi Keri Kapia.
(3.) ■ Te raihana a te kai-hoko kapia (ka kiia i muri ake nei he “ raihana kai-hoko kapia ”). 5. Na mo nga rahui mahinga kapia, ka pa nga tikanga e whai ake nei, ara:—
(1.) Ko ia rahui pera me takoto tutata ki tetahi kainga,, ara, village, special, or other settlement, engari me whakahua te ingoa o taua tu kainga mete whakaatu hoki i nga tikanga o te whenua i roto i te Ota a te Kaunihera nana i panui taua rahui ra. (2.) Heoi kau te mahi e taea i runga i aua rahui he keri kapia anake, a e kore te tangata e whai mana kite keri kapia i reira, mehemea ehara ia—
(a.) I tetahi o nga tangata i uru nei ratou ki roto ki te kainga i whakahuatia i roto i te Ota a te Kaunihera panui i taua rahui ra, ehara ranei ia i te tuturu tangata Maori e noho tutata ana ki tetahi o nga ahua kainga kua whakahuatia i mua ake nei; ehara ranei ia—
(&.) I te tangata whai raihana motuhake, tino raihana ranei kua oti nei te tuhi te kupu whakamana ki runga ki taua raihana e eke atu ai taua raihana ki taua rahui.
6. E kore e tika kia riro he raihana motuhake i te tangata kite kore e taea e ia te tino whakaatu atu kite ropu takiwa whai-mana e tae atu nei taua tono ki taua ropu kia mohiotia ai e rite ana i a ia tetahi o nga tikanga e whai ake nei, ara:—
(1.) Nona tetahi whenua i roto i te koroni nei i runga i te tikanga fee-simple; (2.) He kai-tango riihi ranei ia i tetahi whenua i roto i te koroni i raro i tetahi pukapuka riihi he mea ata whakaae e te Karauna, e tetahi tangata ranei nona te whenua i runga i te tikanga fee-simple, kaore i hoki iho i te toru tau te roa o te riihi;
(3.) He tuturu tangata Maori ranei ia; (4.) I tika ranei ia kite mahi i te mahi keri kapia mo nga marama kaore i hoki iho i te toru marama i mua tonu
i te ra i mana ai te nei Ture; (5.) He tangata ranei ia no te Kuini i runga i tona whanautanga, he tangata ranei ia i whakauru i a ia hei tangata mo te Kuini. 7. E kore e tika kia riro he raihana i te tangata kite kore e taea e ia te whakamarama atu kite ropu takiwa whai-mana i tukua atu nei ki taua ropu te tono, kia mohiotia ai i noho ia i roto i te koroni nei mo nga marama kaore i hoki iho i te toru marama i mua tonu i te ra i tuhia ai te tono, he tangata ranei ia no te Kuini i runga i tona whanautanga, he tangata ranei ia i whakauru i a ia hei tangata mo te Kuini.
8. E kore e tika kia riro i te tangata, he raihana motuhake he tino raihana ranei kua oti nei te tuhi te kupu whakamana ki runga e eke atu ai taua raihana kite rahui mahinga kapia kite kore e taea eia te whakamarama atu kite ropu takiwa whai-mana, kua rite i a ia nga tikanga kua takoto i roto i te tua-ono mete tua-whitu o nga tekiona o tenei lure, kei te whakahuatanga ote mea i rite ia ia
Mahi Keri Kapia,
3
te tikanga, apiti atu ki tera me rite hoki i a ia te tikanga kua takoto i roto i te rarangi (a) o te rua o nga wawahanga o te tekiona tuarima o tenei Ture.
9. Na, mo nga raihana i raro i tenei Ture, ka tau nga tikanga nei:—
(1.) Me rite te raihana kite ahua kua whakaritea, a e kore e taea te whakawhiti.
(2.) Ka whai mana taua raihana tae atu kite toru-tekau-ma-tahi o nga ra o Tihema i muri mai i te ra i whakaputaina ai, engari ka taea te whakahou i ia tau i ia tau. (3.) A te whakaputanga o te raihana, o te whakahoutanga ranei, me utu he whii raihana, kia rite kite rima nga hereni i
te tau mo te raihana motuhake, kia kotahi pauna i te tau
mo te tino raihana, mo te raihana kai-hoko kapia ranei: Engari ia mo nga tangata ngehe kite mahi e ahei ana te ropu takiwa kite ki kaua nga tangata pera e utu i te whii raihana.
(4.) Me penei tonu te tikanga mo te whakahoutanga raihana, ara, me tuhi e tetahi tangata kua ata whakaturia ia mo taua mahi e te ropu takiwa whaimana nana nei i whakaputa te raihana nga kupu nei “Kua utua te whii mo te whakahoutanga, a kua whakahoutia te raihana mo te tau mutu mai i te 31 o nga ra o Tihema, 1 (5.) Ki te ngaro tetahi raihana ka ahei te ropu takiwa whai mana, nana nei taua raihana i whakaputa, kite mohiotia i tuturu te ngaronga, ina ka utua te whii kia kotahi te hereni, kite whakaputa i tetahi tauira o taua raihana me te tuhi hoki i te kape o nga tuhinga katoa o runga, a ka tu taua tauira apiti atu ki nga tuhinga katoa i runga hei riiwhi mo te mea tuatahi. 10. I raro i nga tikanga o tenei Ture, ka whai mana te tangata e man ana tona ingoa i roto i tetahi raihana motuhake, i tetahi tino raihana ranei, kite whakahaere i nga mana e whai ake nei mo runga i te whenua i roto i tetahi takiwa mahinga kapia mo te wa i whakahuatia i roto i te raihana (engari kaua e roa atu taua wa) ara: —
(1.) Ki te keri kapia ; a (2.) Ki te tango hoki kite noho a tinana i tetahi piihi whenua hei kainga mona, hei turanga whare mahi ranei mana, engari kaua e neke ake te nui i te rua eka whenua a te Karauna (ehara nei i te whenua i whakaurua ki roto ki tetahi rahui mahinga kapia) i raro i nga tikanga me nga whakaritenga kua whakatakotoria i roto i nga huarahi whakahaere e hangaia ana i raro i tenei Ture. 11. E kore e taea te ki ma tetahi kupu i roto i tenei Ture, i roto ranei i tetahi raihana motuhake, i roto ranei i tetahi tino raihana e
mana ai te kai-tango raihana kite keri kapia i roto i tetahi takiwa mahinga kapia i runga i—(1.) Tetahi whenua (he whenua nei taua whenua no te Karauna e takoto watea ana, whenua ranei kua tau nei ki runga nga tikanga o u Te Ture mo nga Ngaherehere a te Kawanatanga o Niu Tireni, 1885 ”), e tu nei etahi rakau kauri maroke rakau kauri ora ranei i runga ; i runga
ranei i
4
Mahi Keri Kapia.
(2.) Tetahi atu whenua ranei (whenua kua tau nei i runga nga tikanga o “ Te Ture mo nga Ngaherehere a te Kawanatanga o Niu Tireni, 1885,” whenua ranei a te Karauna e takoto watea ana kaore i nuku atu i te maero kotahi te mataaratanga atu i te whenua pera) engari hei roto anake i nga marama timata atu i te tahi o nga ra o Mei tae atu kite toru-tekau o nga ra o Hepetema, i roto i te tau ; i runga ranei i (3.) Tetahi whenua e uru ana ki roto ki tetahi rahui mahinga kapia, haunga ia te whai mana o te kai-tango raihana e man ana i runga i taua raihana te kupu whakamana e
eke atu ai taua raihana kite rahui pera; i runga ranei i (4.) Tetahi whenua Maori kite kore e whakaaetia e nga tangata Maori no ratou te whenua; i runga ranei i (5.) Tetahi whenua a tetahi tangata e nohoia ana ranei e tetahi tangata i runga i tetahi taitara tika kite kore e whaka-
aetia e taua tangata.
12. I raro i nga tikanga o tenei Ture, ka whai mana te kai-tango raihana hoko kapia e man ana tona ingoa i roto i tetahi raihana pera kite whakahaere i te mahi hoko kapia i roto i tetahi takiwa mahinga kapia mo te wa e whakahuatia ana i roto i taua raihana (engari kaua e roa atu taua wa).
13. (1.) Me whai Pukapuka Rehita Raihana Mahinga Kapia ia ropu takiwa whaimana, a me tuhi ki roto ki taua Rehita, me te wehe kia takoto ke te tuhinga, te kupu whakaatu mo ia ahua raihana kua whakaputaina e taua ropu, mete tuhi hoki i te nama o te raihana, te ra i whakaputaina ai, nga ingoa katoa, te tu-mahi mete kainga nohoanga o te kai-tango raihana.
(2.) Me kape ia ahua raihana ki roto kite Pukapuka Rehita, a me nama haere aua raihana i ia ra e whakaputaina ana, he mea kia kaua ai e rite tahi te nama o nga raihana e rua o te ahua kotahi i roto i te pukapuka i rehitatia ai.
14. Na mo nga raihana a nga kai-hoko kapia me nga kai-tango i aua raihana ka tau nga tikanga e whai ake nei ki runga ki ia takiwa mahinga kapia: —
(1.) E kore e tika i runga i to te Ture ritenga kia hokona e te kai-tango raihana e te tangata ke ranei etahi kapia mana ake, i runga i te tikanga kai whakahaere ranei mo tetahi atu tangata, haunga ia mehemea he mea hoko e ia i te tangata nona te whenua, i te tangata ranei e noho ana i runga i te whenua Maori, i tetahi atu whenua ranei, i tetahi kaitango raihana motuhake, tino raihana ranei, engari me whakaatu e te tangata whiwhi i te tino raihana tona raihana i te hokonga o te kapia.
(2.) Me whai pukakuka tuhinga hokonga kapia te kai-tango raihana hoko kapia, a me tuhi tika e ia i ia ra i ia ra nga kupu whakaaturanga mo nga kapia e hokona ana e ia, te ra i hokona ai, te rahi o nga kapia i hokona e ia, te moni i utua e ia, te ingoa o te tangata nana i hoko nga kapia ki a ia, a mehemea e whai raihana ana te tangata nana i hoko nga kapia ki a ia, me tuhi te nama mete ahua o te raihana, mete ingoa hoki o te ropu takiwa whaimana nana nei taua raihana i whakaputa.
Mahi Keri Kapia.
5
(3.) Me waiho e te kai-tango raihana i nga wa katoa kia tuwhera tona pukapuka tuhinga hokonga kapia hei tirohanga ma nga Pirihimana me nga tangata ranei kua whakaturia hei Kai-titiro Haere i raro i tenei Ture.
15. E kore e ahei te tangata i runga i to te ture ritenga—(l.) Ki te keri kapia i runga i—(a.) Tetahi whenua (he whenua no te Karauna e takoto watea ana, whenua ranei kua tau nei ki runga nga tikanga o “ Te Ture mo nga Ngaherehere a te Kawanatanga o Niu Tireni, 1885 ”), kei waho atu o tetahi takiwa mahinga kapia ; i runga ranei i (&.) Tetahi whenua i roto i tetahi rahui mahinga kapia, haunga ia mehemea e keria ana i runga i nga tikanga o tenei Ture, i runga ranei i te mana o tetahi raihana motuhake, tino raihana ranei, e whakaatu ana
e eke atu ana te mana o taua raihana ki runga ki taua rahui; i runga ranei i
(c.) Tetahi atu whenua i roto i tetahi takiwa mahinga kapia. haunga ia mehemea e keria ana i runga i nga tikanga o tenei Ture, i runga ranei i te mana o te raihana motuhake o te tino raihana ranei.
(2.) Ki te whakahaere i nga mahi a te kai-hokohoko kapia mona ake mo te taha ranei ki tetahi atu tangata i roto i tetahi takiwa mahinga kapia, haunga ia mehemea e whakahaerea ana taua mahi i runga i nga tikanga o tenei Ture, i runga ranei i te mana o te raihana a te kai-hoko kapia. Engari ko nga utu mo nga kapia e hokohokona ana kaua e whakaputaina ki roto kite whare e raihanatia ana mo te hokohoko waipiro.
16. Mehemea i roto i tetahi takiwa mahinga kapia, tera e kitea he tangata e keri kapia ana, e kimi kapia ana ranei, he kapia ranei kei a ia, ka kiia taua keringa, taua kimihanga, taua takotoranga kapia i a ia, he takahi tera i tenei Ture kite kore e taea e ia te whakamarama i te tika o tana mahi.
17. E kore e taea te whakapeare ke nga kupu i roto i tenei Ture hei ki e kore e tika i runga i to te ture ritenga kia keri kapia te tangata nona te whenua e keria ana, e noho ana ranei ia i runga i tetahi whenua Maori, whenua ke atu ranei i roto i tetahi takiwa mahinga kapia, ahakoa kahore he raihana i a ia.
18. (1.) E tika ana kia whakaritea e ia ropu takiwa whai-mana he moni i roto i a ratou moni topu hei whakahaere i nga tikanga o tenei Ture i roto i tona takiwa, a hei whakatutuki i taua ritenga me whakatu kia kottahi kia maha atu ranei nga Kai-titiro Haere. (2.) I runga i nga tikanga whakahaere o tenei tekiona, ko te wahi o tetahi takiwa mahinga kapia kei roto i tetahi kaute e takoto ana, kua whakatarewatia nei “ Te Ture Kaute, 1886,” i runga, kaore ranei i mana taua Ture ki roto, me ki kua uru te wahi pera ki roto ki te takiwa o te ropu takiwa whaimana kua oti nei e te Kawana i roto i tona Kaunihera te whakahua.
19. Me tautoko nga Pirihimana katoa i te ropu takiwa whai mana me ona* Kai-titiro Haere i runga i ta ratou mahi whakahaere i nga tikanga o tenei Ture.
6
• Mahi Keri Kapia.
20. I runga i te whakaaetanga o te Minita mo nga Tikanga o nga Ture, i raro hoki i nga tikanga me nga whakaritenga e mahara ana ia e tika ana, ka ahei te ropu takiwa whaimana kite whakatu i etahi o nga Pirihimana hei Kai-titiro Haere. 21. I runga i nga tikanga whakahaere o tenei Ture ka ahei ia Kai-titiro Haere me ia Pirihimana kite whakahaere i nga mana me nga mahi kua oti te whakatakoto ki roto ki nga huarahi whakahaere kua hanga i raro i tenei Ture hei mahi ma ratou. 22. I nga wa katoa e marama ana mo te pera me whakaatu e ia kai-tango raihana tana raihana kite Kai-titiro Haere kite Pirihimana ranei ina ka tonoa.
23. Ka taea ia tangata e takahi ana i nga tikanga o tenei Ture te whin kia utu ia i te whaina kia kaua e nui atu i te pauna kotahi mo te hara tuatahi, a kia kaua e nui atu i te rima pauna mo ia hara i muri i to te tuatahi.
24. I nga-whakahaerenga whakawa katoa mo te tangata e takahi ana i te Ture nei ka kiia he tangata kore raihana ia kite kore e whakaaturia e ia tana raihana i te aroaro o te Kooti.
25. Ki te whakataua te he ki tetahi kai-tango raihana mo tana takahanga i tetahi o nga tikanga o tenei Ture, apiti atu kite whakataunga o te whaina ki a ia me tuhi e te Kooti, nana i whakatau te he, te whakataunga ki runga ki taua raihana ; a, hei te tuatoru o nga tuhinga pera ka ahei te Kooti nana i whakatau kite whakakore i taua raihana.
26. Ko taua whakakorenga ka tuturu ina ka tuhia te kupu whakataunga pera ki runga kite raihana i raro i te ringa o te Kaiwhakawa o te Tei Pi ranei nana i whakatau, a hei reira ka pa nga tikanga e whai ake nei:—
(1.) Ka kiia kua noate raihana, a me tuku atu he whakaatu e te Kai-tuhituhi o te Kooti nana i whakatau ki nga ropu takiwa whaimana katoa, a me tuku atu hoki e ia te
raihana kua whakakorea ra kite ropu takiwa whaimana nana nei taua raihana i whakaputa. (2.) A te taenga atu o taua whakaatu me tuhi tonu e te ropu takiwa whaimana te whakaaturanga o te whakakorenga
o te raihana ki roto ki tana rehita.
(3.) E kore te tangata e mau ana tona ingoa i roto i te raihana kua whakakorea ra e whai mana kite tuku tono, kite tango
kia riro ranei i a ia he raihana kia pan ra ano nga marama tekau-ma-rua i muri itera i whakakorea ai; aki
te whakaputaina he raihana he takahi tena i nga tikanga o tenei Ture, a ka kiia kua noa te raihana pera.
27. Ko nga whaina katoa e riro mai ana i runga i nga whakataunga i te he kite tangata i runga i nga tikanga o tenei Ture, me utu atu ena kite ropu takiwa whaimana, o te takiwa i puta ai te whakataunga, e tino tata ana ranei kite wahi i puta ai te whakataunga. 28. Ko nga whii me nga whaina katoa e riro mai ana i tetahi ropu takiwa whaimana i raro i nga tikanga o tenei Ture, me whakauru ena ki roto ki o ratou moni topu.
29. (1.) Ka ahei te Kawana iia wa i ia wa i roto i te Ota a tona Kaunihera he mea panui ki roto kite Gazette kite hanga huarahi whakahaere e pa ana ki nga tikanga katoa • e whai ake nei, mo etahi ranei o aua tikanga :
Mahi Keri Kapia.
7
(u.) Hei whakaatu i te ahua o nga tono me nga raihana i raro i
tenei Ture.
(ft.) Hei whakaatu i nga mana me nga mahi a nga Kai-titiro Haere me nga Pirihimana. (c.) Mo era atu tikanga katoa e meingatia ana e tau ana kia hanga hei huarahi whakahaere i raro i tenei Ture, e whakaarohia ana ranei e te Kawana e tika ana kia hanga
hei tino whakatutuki i nga tikanga o tenei Ture. (2.) I roto i aua huarahi whakahaere ka ahei kia whakatakotoria he ritenga whakatau whaina kia kaua e neke ake i te rima nga pauna mo te takahanga i tetahi o aua huarahi whakahaere.
30. Tenei ka whakakorea nei nga tekiona rua ran e toru-tekau e rua ran e toru-tekau-ma-tahi o “ Te Ture Whenua, 1892,” me nga kupu hoki i roto i te rua rau e toru-tekau-ma-toru o taua Ture e pa ana kite mahi keri kapia: Engari ia kaua taua whakakorenga e pa atu ki tetahi raihana kua whakaputaina e te Komihana mo nga Whenua o te Karauna e whai mana ana i te wa i tirnata ai te mana o tenei Ture, engari ka whai mana te raihana pera tae noa kite paunga o nga marama tekau-ma-rua i muri mai i te ra i whakaputaina ai, a i te wa me tau nga tikanga me nga here i runga, e mana ana ano kaore i paahitia tenei Ture. 31. Tenei ka whakakorea nei “ Te Ture Whakamana Tuku Rahui, Whenua a te Karauna hoki, 1896.”
32. I runga i nga tikanga whakahaere katoa o tenei Ture, me ki kua uru katoa ki roto kite kupu tuku mana keri kapia te mana kimi, hari atu hoki i te kapia, a mehemea kite takahia e te tangata tenei Ture i runga i tana keringa i te kapia, ka kiia kua takahia ano hoki e ia tenei Ture kite tahuri ia kite kimi kapia kite hari atu ranei ki wahi ke i aua kapia i kari ai i kite ai ranei.
He mea whakahau i taia Hoani Makae, Kai-ta a te Kawanatanga, Poneke.—l9oo [4OO/2/1900.—1105
Permanent link to this item
https://paperspast.natlib.govt.nz/books/ALMA1900-9918933456802836-He-Ture-whakahaere-i-te-Mahi-Kap
Bibliographic details
APA: (1900). He Ture whakahaere i te Mahi Kapia. He mea whakahau, i taia e Hone Make, Kai-ta a te Kawanatanga.
Chicago: He Ture whakahaere i te Mahi Kapia. Poneke i.e. Wellington, N.Z.: He mea whakahau, i taia e Hone Make, Kai-ta a te Kawanatanga, 1900.
MLA: He Ture whakahaere i te Mahi Kapia. He mea whakahau, i taia e Hone Make, Kai-ta a te Kawanatanga, 1900.
Word Count
3,682
He Ture whakahaere i te Mahi Kapia He mea whakahau, i taia e Hone Make, Kai-ta a te Kawanatanga, Poneke i.e. Wellington, N.Z., 1900
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.