Ngā ritenga whakamahi

He pōwhiri nā Te Puna Mātauranga i te manuhiri mai i Aotearoa me te ao whānui ki te whakamahi i ana pae tukutuku, he whakahau hoki i a koe kia whakaahei, kia hono mai ki ngā wāhanga o ā mātou kohikohinga.

Mā tō whakamahi i tēnei pae tukutuku e whakaae nei koe kia herea ā-turetia ki ēnei ritenga whakamahi, me tā mātou Pānui Matatapu, he mea pā wawe mai i tō whakamahinga tuatahi i te pae tukutuku. Ki te kore koe e whakaae kia herea ā-turetia ki ēnei ritenga katoa kaua rā tēnei pae tukutuku e whakaahei, e whakamahi rānei.

Korekawenga ihirangi

Kei tēnei pae tukutuku ētahi ihirangi ehara nā Te Puna Mātauranga i hanga. Kāore he kawenga o Te Puna Mātauranga ki ngā ihirangi o ētahi atu, kāore hoki e tautoko kau i ngā whakapuakitanga o roto.

Kāore he kawenga, herenga rānei o Te Wharepukapuka ki te āhua o te whakamahi, whakamāori rānei o ngā mōhiohio kei tēnei pae tukutuku, ki ngā hua rānei o aua whakamahinga.

Ka whakarerekētia pea e Te Puna Mātauranga ēnei whakaritenga ki tōna wā mā te pānui tuihono.

Hononga o waho mai i tēnei pae tukutuku

He hononga anō pea o tēnei pae tukutuku ki ētahi atu wāhi, rōpū hoki. Ko aua hononga nei he take whakawātea, whakamōhio noa iho. Kia kaua te tūhonotangae kīia he tuāhua tautoko a Te Puna Mātauranga i aua wāhi, i aua rōpū rānei.

Kāore he kawenga o Te Puna Mātauranga ki ngā ihirangi o ngā pae tukutuku o waho mai, ā, kāhore rāpea āna tautoko i ā rātou tirohanga. Whakapā atu koa ki te rōpū, tangata rānei nāna te pae rā, māna ō pātai ki ōna ihirangi hei whakautu.

Whākīnga mana tā, mana tārua hoki

Nā Te Puna Mātauranga o Aotearoa te manatā o te pae tukutuku nei. Me tika te whakamihi me te kimi whakaaetanga mō ngā mōhiohio katoa mai i tēnei pae tukutuku mō mua noa atu o te kape i ngā āhua, i ngā hōtaka, i te aha noa mai i te pae tukutuku.

Mō ētahi atu mōhiohio mō te manatārua me te tānga o ngā kōrero mamati ka wātea mai i tēnei pae tukutuku, tirohia te puka aratohu Manatārua.

Pānui tūmataititanga

Me tiaki e mātou o mōhiohio whaiaro (ngā tūāhuaanga tautuhi i akoe hei tangata), ka manaakitia ai ō mōtika o raro mai o te Ture Tūmataiti 1993.

Ka taea e koe te tirotiro i tēnei pae tukutuku, kāore kau he mahi tuku mai i ōu ake mōhiohio.

Tukua mai ana e koe ō mōhiohio ake, (hei tauira, tō wāhitau īmēra ina tukua mai ana tētahi pātai rangahau), ko tā mātou he whakamahi i aua mōhiohio whaiaro ki te take i whakaratohia ai.

Ka noho haumaru ō mōhiohio whaiaro ka tukuna mai, ka kore rawa e tukua atu ki ētahi atu kia whakaaetia rā anō mai e koe. Mō te whakaahei, mō te whakatika rānei i ō mōhiohio ake e puritia ana e mātou, mē he āwangawanga anō āu, ki aua mōhiohio nā, whakapā mai koa. Ka taea e koe te īmēra mai ki a mātou me ō pātai tūmataiti: privacy@natlib.govt.nz

Taki whakamahinga o te pae tukutuku

Ki te toro mai koe ki tēnei pae tukutuku, ki te tiki ake mōhiohio rānei, ko tā mātou he kohi, he pupuri hoki i ngā mōhiohio tātaitai o te toronga mai.

Ko aua mōhiohio nei, ko te wāhitau o te tūmau, ko te ingoa rohe o te reanga runga rawa, rangi me te wā o te toronga mai, ngā pae i whakaaheitia me ngā pepamana i tīkina ake, ngā pae itorona i mua, me te āhua o ngā kaitirotiro i whakamahia.

Mā aua tātaitai pae ka taea ai e mātou te arotake i te tokomaha o ngā manuhiri ki ngā wāhanga o ā mātou pae tukutuku, te tautuhi hoki i ngā mōhiohio ihiihi, te mātai i te whakamahinga pūnaha, me te āwhina mai kia pai ake ai ā mātou pae mō ō matou manuhiri. Kāore aua mōhiohio e tukuna ki ētahi atu rōpū.

Pihikete

K ngā piikete he kōnae iti e tukuna ana e tētahi pae tukutuku ka puritia ki te puku mārō o tō rorohiko. He mea whakamahi ngā pihikete kaitirotiro e tēnei pae tukutuku hei whakarato i ngā mōhiohio tātaitai kua tautuhitia ki "Taki whakamahinga o te pae tukutuku". He whakamahi anō tēnei pae tukutuku i ngā pihikete hei maumahara i ō rapunga o mua. Ka kitea mai aua tūāhuatanga kua whakarārangitia ki raro o Hītori Rapu. Ka taea te whakaweto i ngā pihikete ki tō wā. Kei te mōhiohio “Āwhina” o tō kaitirotiro ngā whakamārama.

Te hono ki tēnei pae tukutuku

E whakaaetia ana tō hono pae anō ki ngā pae o Papers Past. Kaua aua hononga e mea, e hua rānei nō tētahi te manatā o ngā papanga atu o Te Puna Mātauranga, o te rōpū, tangata tika rānei nāna ttūturu te manatā.

Kaua hoki rā te hono ki tēnei pae tukutuku mai i tētahi atu pae e mea he tūmomo tautokona e Te Puna Mātauranga.