Hangarau

Tiro topa

Ko tēnei mea te tiro topa he momo tiro kei a koe te tikanga ki te whakamahi, mō ngā whārangi me ngā tuhinga i Papers Past, ka wātea ki a koe ina whakahohea te Javascript i tō pūtirotiro pae tukutuku. Mā te whakamahi i tēnei tiro ka āhei koe te topa whakaroto, whakawaho hoki i ngā whārangi nūpepa me ngā tuhinga, me te whakaarotahi i te tiro ki ngā whārangi me ngā tuhinga takitini, mā te tō haere i tō kiore i roto i te pūtirotiro.

Mā te pāwhiri ki tētahi tuhinga ka hoatu tētahi kāpuinga whiringa hei kōwhiri māu:

  • topa whakaroto ki te tuhinga i āta whiria
  • titiro ki ētahi kuputuhi mai i te tuhinga nā te rorohiko i waihanga
  • tīpoka i te tuhinga me te titiro i tētahi putanga motuhake o te tuhinga
  • tiki ake i tētahi PDF o te whārangi katoa

Ka āhei koe te wehe atu i te pūtirotiro topa ahakoa te wā mā te pāhiri i te "Tiro Noa" i runga tonu ake i te pouaka tiro.

Optical Character Recognition (OCR)

Ko te Optical Character Recognition he tukanga ka tirohia ai e te pūmanawa tētahi āhua whārangi ka takahurihia hei kōnae tuhinga kupu mā te kitenga i ngā āhua o ngā pū. Kua whakanaohia aunoatia ngā kuputuhinga nūpepa katoa o tēnei kohikohinga e te pāmanawa OCR. Kāore anō i whakahōutia, i whakatikatia rānei. Hei titro i te tuhinga kupu OCR mō tētahi tuhinga kōrero, pāwhiritia te hononga "Titiro i te tuhinga kupu ā-rorohiko " o te pae Tuhinga Kōrero.

Ngā hē OCR

Mā te OCR te rapu i te nuinga o ngā raraunga tuhinga kupu-katoa, ēngari kāore e tōtika 100%. Mō te kaupapa Papers Past ko tōna tika mai i te kounga o te tuhinga ki te niupepa tūturu me tōna āhua i te whakakiriata moroititanga. Kāore pea e pai te OCR o te niupepa kāore te kounga o te pepa e pai, he iti rawa rānei te tuhituhinga, he maha rawa ngā momotuhi, ngā whakatakotoranga tīwae hoki, he whārangi kua tūkinotia rānei. Arā, he hē pea o te tuhinga kupu ā-rorohiko, kei te nuinga o ngā whārangi, he maha hoki ngā hē o ētahi.

Te Pūmanawa Pūranga Pukapuka Mamati Veridian

Ko tēnei mea te Veridian he pūmanawa whakaatu pae tukutuku hei hanga kohinga pūranga pukapuka mamati, me te whakawātea i aua pūranga kia rapua ā-kuputia i te Ipurangi. He mea āta hanga mārire hei tautoko i tētahi kohinga o ētahi rawa mamati i āta tāia (ina koa he nūpepa, he pukapuka, he hautaka hoki) kia āhei ai hoki ngā hangarau tino hou e whakamahia nei mō ngā kaupapa whakamamati tino nui o ēnei rā te whakamahi.

I whakawhanaketia a Veridian i Aotearoa e DL Consulting Ltd, nā te whakamahi i te pūmanawa pūranga pukapuka mamati o Greenstone. I whakawhanaketia a Greenstone e te New Zealand Digital Library Project i te Whare Wānanga o Waikato, ā, tohaina ai i raro i a UNESCO me te Human Info NGO.

Te pae tukutuku o Veridian

Kāinga o Greenstone