PAPERSPAST

Whakamahi Papers Past

Me pēhea e au te tā i te tuhinga nei?

Ko tētahi huarahi, mā te tono tā o tō kaitirotiro ka tāngia ai tētahi tuhinga kua tīkina ake.

Ko tētahi atu mā te tiki ake i te putanga PDF o te whārangi kei reira te tuhinga, ka whakatūwheratia mā te hōtaka Adobe Acrobat Reader Kātahi ka kōwhiringia te tuhinga e hiahiatia ana mā te pāwhiri i te ata kāmera, te paeutauta hopuāhua rānei, kātahi ka tōia ai te pouaka mā te kiore ki te rohe e hiahiatia ana kia tāngia. Kōwhiria te "Print" mai i te tahua kōnae, tonoa a Acrobat kia tāngia ko te rohe kua tīpakohia anake, ka tauinetia ake hoki mā te kōwhiringa "Fit to Paper".

Me pēhea te tā i tētahi whārangi, i tētahi tukunga niupepa rānei?

Tikina ake te PDF pae-whārangi, pae-tukunga rānei mā te pātene "Tikiake PDF ka taea te tā" ka utaina pepamana ki Acrobat Reader , kātahi ka pāwhiritia ai te pātene tā.

Me pēhea te whakarahi tuhinga?

Tikina iho te PDF pae-whārangi, pae-tukunga rānei mā te pātene "Tikiake PDF ka taea te tā" kātahi ka taea te whakarahi i te tuhinga ki te taumahi topainga o Adobe Acrobat.

Me pēhea te tiaki i tētahi tuhinga?

Ko tētahi huarahi, tīkina atu te tuhinga o runga o te mata ka tiakina te whārangi ipurangi mā te tahua File o tō kaitirotiro. (NB: Ki te pāwhiritia katautia te āhua o te tuhinga, kātahi ka ngana ki te tiaki, ki te kape rānei tērā pea ka riro mai ko tētahi wāhanga noa.)

Ko tētahi huarahi anō, me tiki ake te putanga PDF o te whārangi kei reira te tuhinga, ka whakatūwheratia ki te hōtaka Adobe Acrobat Reader. Tīpakohia te tuhinga e hiahiatia ana mā te pāwhiri i te ata kāmera, te paeutauta hopuāhua rānei, kātahi kakapengia te tuhinga ki tētahi pepamana whakatuka kupu ka tiakina ai.

Me pēhea te tiaki i tētahi putanga whārangi.niupepa?

Tikina iho te PDF pae-whārangi, pae-tukunga rānei mā te pātene "Tikiake PDF ka taea te tā" kātahi ka utaina te pepamana ki Acrobat Reader kātahi ka pāwhiritia ai te pātene "Save a Copy".

Me pēhea te kape wāhanga mai i ngā tuhinga?

Pāwhiritia te pātene "Tiro i te tuhinga kupu ā-rorohiko" o te whārangi tuhinga, kātahi ka tapahia, ka whakapirihia te wāhanga ki Word. Me whakarite rā anō te wāhanga ki tōna mātāpuna, ka whakatikatia ai ngā hē ka hua mai i te tukanga aunoa o te whakaaetanga pūāhua whatu.

Me pēhea te nuku mai i tētahi putanga niupepa ki tētahi atu?

Pāwhiritia te pere kākāriki kei te taha matau o runga o te whārangi putanga.

Me pēhea te nuku mai i tētahi whārangi niupepa ki tētahi?

Pāwhiritia te pere kākāriki kei te taha matau o runga o te whārangi putanga.

Mō te pae tukutuku Papers Past

He aha o tua atu mō Papers Past?

Tāpirihia ana te taitara hōu ki Papers Past ia tau, ko tā mātou anō he rangahau i ngā huarahi hei whakapai ake i te tika o te tukanga (OCR), me te etita hoki o te kuputuhi.

Whakatikangia ai ngā hapa o roto o te tuhinga?

Ka kore e 100% te tika o te kuputuhi kua hangaia mai i te OCR, ērangi rawa ia te mahi mai i ngā taonga-ā-nūpepa tawhito kua āhua karukaru mai. Mō te neke atu i te miriona whārangi, ka kore e taea te whakatika ā-ringa i ngā hapa katoa. Heoi anō, kei te kimi tonu mātou i te ara e taea ai e ngā kaiwhakamahi mai ki te etita i te kuputuhi OCR.

E whakaarotia ana te tāpiri i ngā nūpepa Māori ki Papers Past?

Kei te wātea kē mai ā-ipurangi tētahi tīpakohanga o ngā nūpepa Māori. Ko te Māori Niupepa Collection tētahi kohikohinga o ngā nūpepa tawhito i tāngia mai i te 1842 ki te 1932 mō te Māori tuatahi. Kei te New Zealand Digital Library ētahi kape āmati.

He whakaaro anō ā koutou mō te tāpiri i te New Zealand Herald ki Papers Past?

Kei te kimi huarahi mahi ngātahi mātou me ētahi atu rōpū e wātea mai ai ngā tau moata o te New Zealand Herald ki Papers Past.

He aha i roa ai te tiki ake i ngā āhua o ngā nūpepa me ngā tuhinga?

Whakaitia iho ana ngā whārangi mō mua o te tukunga mā te ipurangi ki tō kaitirotiro. Me nui te kaha CPU ka taea ai, ka roa rā ki te nui te hiahia ki te pūnaha. Nō reira ka tukuna tētahi whārangi iti ake ki tō kaitirotiro. Kātahi ka tere ake te āhei o te tangata hononga pōturi te tiki ake i ngā whārangi (iti ake).

He aha te huarahi pai ake ki te hono ki Papers Past?

Ko te URL tūturu o Papers Past:

http://paperspast.natlib.govt.nz/

Ko te putanga reo Māori o tōna kāinga:

http://paperspast.natlib.govt.nz/cgi-bin/paperspast?l=mi

He aha te huarahi pai ake ki te hono ki tētahi nūpepa?

Ko te URL o te "whārangi nūpepa" mō te Bay of Plenty Times he pēnei:

http://paperspast.natlib.govt.nz/cgi-bin/paperspast?a=d&cl=CL1.BOPT

Anā, kua taekahatia te rāpopotonga BOPT. Hei hanga URL mō tētahi atu nūpepa, kimihia te rāpopotonga, ka utaina mō BOPT. Hei tauira:

http://paperspast.natlib.govt.nz/cgi-bin/paperspast?a=d&cl=CL1.DSC
http://paperspast.natlib.govt.nz/cgi-bin/paperspast?a=d&cl=CL1.NZGWS
http://paperspast.natlib.govt.nz/cgi-bin/paperspast?a=d&cl=CL1.WT

He aha te huarahi pai ake ki te hono ki ētahi atu whārangi o Papers Past?

Tīkina te URL mai i tō kaitirotiro, tangohia te "e=" mai i tōna mutunga. Mā te

http://paperspast.natlib.govt.nz/cgi-bin/paperspast?a=d&cl=CL3

Ka taea ai e koe te whārangi Roha, hei tauira.