Haere mai ki Papers Past

Kei Papers Past neke atu i te toru miriona whārangi o ngā niupepa me ngā hautaka tawhito o Aotearoa kua whakaamatitia. Mai i te tau 1839 ki te tau 1948 te kohinga, kei roto ētahi 119 tānga mai i ngā rohe katoa o Aotearoa.

E rua ngā ara matua o te rapu mōhiohiotanga mai i Papers Past, te rapu me te tirotiro. Mā te rapu ka taea te kōkuhu tūemi kimi, ka whakahokia mai ngā tūemi kei reira taua kupu. Mā te tirotiro ka taea e koe te tirotiro ki ngā niupepa katoa, tīmata mai ana i te tau, te rohe, te taitara niupepa rānei. Ka taea te rapu, te tirotiro hoki i ngā nūpepa katoa o te pae tukutuku.

Hei tīmatanga

Kei te pae Hei Tīmatanga te tirohanga whānui o te whakamahinga o Papers Past.

Haere ki te pae Hei Tīmatanga

Mō te kimi māramatanga anō o tā mātou kohikohinga niupepa

Ko ngā niupepa o Papers Past he wāhanga iti noa o ngā niupepa o Aotearoa. Ki te kore e taea ā-tuihono ko tāu e kimi nā koe, kei te wātea mai pea hei kape pepa, hei kiriata moroitiiti rānei. He whakamārama anō mō te Kohinga Niupepa o Aotearoa kei te pae tukutuku o Te Puna Mātauranga.

Kohinga Niupepa o Aotearoa — Te pae tukutuku o Te Puna Mātauranga

Mō te kimi māramatanga anō o tētahi niupepa

Kei ia niupepa o Niupepea Tawhito tōna pae tukutuku ake me ngā whakamārama mō taua tānga, tae noa ki te rārangi wā e wātea ana ā-tuihono, me tētahi hononga ki tētahi tuhinga mō te hītori o te niupepa. Kei te pae Tirotiro mā te taitara ngā hononga ki ngā niupepa katoa.

Haere ki te pae Tirotiro mā te taitara

Ngā niupepa Māori

I te tau 2015 ka tāpiritia e Te Puna Mātauranga tētahi kohinga niupepa whakaharahara, i whakaputaina tuatahitia hei pānui mā te iwi Māori i waenga i ngā tau 1842 me 1935. I takea mai tēnei i te kohinga Niupepa mamati i āta tāreia, i whakawāteatia mai hoki ki te ao i te tau 2000 e te New Zealand Digital Library Project, i te tari mō ngā Pūtaiao Rorohiko, i Te Whare Wānanga o Waikato. Ko ngā rawa taketake mō tēnei kohinga mamati ko ‘Niupepa 1842-1933’, he kohinga niupepa i whakaputaina ki te reo Māori, mā ngā kaipānuiMāori rānei, nā te Alexander Turnbull Library (1988) i whakaahua, i whakawātea mai mā runga kiriata mororiki (1996).

E toru ngā momo niupepa Māori matuai whakaputaina; ērā nā te kāwanatanga i hautū, ērā nā te iwi Māori i tĪmata, me ngā niupepa o ngā hāhi. Mō ētahi atu kōrero mō ngā niupepa tirohia Rere Atu Taku Manu! Discovering History, Language & Politics in the Māori Language Newspapers, he mea ētita nā Jennifer Curnow, rātou ko Ngapare Hopa, ko Jane McRae (Auckland: Auckland University Press, 2002).

Ētahi taitara e wātea ana ināianei:

E wātea ana te Kohinga Niupepa i te pae tukutuku o te Whare Pukapuka Mamati o Aotearoa.

Te Kohinga Nūpepa Māori — te pae tukutuku o te Whare Pukapuka ā-mati o Aotearoa

Te tīpako taitara hōu

Ko te tīpako a ngā kaitiaki o Te Puna Mātauranga i te taitara niupepa hōu mō Papers Past mai i ētahi whakaritenga pēnei me te nui ki te motu, ki te rohe rānei, te wātea mai o te kape ā-pepa, ā-kiriata moroiti rānei, me te tika o te tūāhua rohe, rangi hoki. Nā te aukati manatā ka kore ai e wātea mai ngā papanga o ēnei rā.

He whakamārama anō o ā mātou whakaritenga i te whakaamati o ngā niupepa kei te pae o Papers Past kei te pae tukutuku o Te Puna O Te Mātauranga.

Papers Past – pae tukutuku o Te Puna Mātauranga

Takahanga Hōu

Nō te marama o Haratua 2015 i tāpiritia ai e mātou:

Nō te marama o Pipiri 2015 i tāpiritia ai e mātou:

Nō te marama o Pipiri 2015 i tāpiritia ai e mātou:

Ngā Mihi

E mihi ana Te Puna Mātauranga ki ngā rōpū katoa nāna ngā kape ā-pepa tūturu i takoha mai ki Te Wharepukapuka o Alexander Turnbull kia whakakiriata moroititia.