PAPERSPAST

Nō te 2 o Haratua 1872 i tīmata ai te Waikato Times hei Waikato Times and Thames Valley Gazette, e toru ngā putanga ia wiki.

Ko George Jones tōna rangatira, he kaingākaunui ki te mahi nūpepa. Ko Henry Holloway tōna ētita, he tautōhito i ngā āhuatanga o ngā nūpepa o Niu Tīreni. I tā tuatahitia i Ngāruawāhia, ēngari ka nukuhia ki Kirikiriroa i te tau 1875. I taua wā ka hokona te nūpepa (i taua wā ko te ingoa ko te Waikato Times) e Jones, ka riro te mana whakahaere i te Pēke o Niu Tīreni rāua ko Frederick Whitaker, he rōia i ākarana.

Mai i te tau 1878, ko te kaiwhakahaere pakihi ko George Edgecumbe, he kaitōrangapū o te rohe, he kaihoko rawa whenua hoki. I te tau 1896 ka whakakorea te rīhi a Edgecumbe e te Pēke, ka hokona ai ki a James Shiner Bond. Ka wehe atu a Edgecumbe me te ētita, a Henry Holloway, ngā kōnae kōrero, ngā kirimana pānuitanga, me te kaingākaunui a te iwi, kia whakatū tētahi nūpepa kē, arā, te Waikato Argus.

Ka mutu te whakaaro ki te hāmene, ka whakapau a Bond i ōna kaha ki te whakahou i te nūpepa, me te hono i te Times ki tāna nūpepa i Horotiu (Cambridge), ko te Waikato Advocate. Ka hurihia hei putanga o ia rā e whakaputaina ana i te ahiahi. Ko Sydney Greville Smith te ētita hou.

Mō ngā tau e 20 ka tauwhāinga te Times me te Argus, ā-pakihi ā-tōrangapū hoki, tae noa ki te hononga i te tau 1915. Kāore he kōaro tōrangapū o te Waikato Times hou, ēngari he tino reo mō te whakatairanga i ngā whanaketanga o te rohe. I te tekau tau mai i 1920, nā te perehi whakarārangi (Linotype), kātahi ko te perehi tīwharawhara (stereotype), i āhei ai te nūpepa kia maha ake āna kape ki te whakangata i ngā hiahia a te tupu o te tokomaha kē ake o te taupori.

Mai i te tau 1968 ki te tau 1976 i mōhiotia whānuitia ko te Times. Kāore he nūpepa whakataetae hou i puta mai, ā, e haere tonu nei i tēnei wā hei nūpepa e tāngia ana ia rā, ia rā.