PAPERSPAST

I tīmata te Waimate Advertiser, he whakaputanga whārangi-tokowhā i te 28 o Haratua 1898, ā, i whakaputa kore utuhia mō ngā marama e toru ki te tuatahi. I tīmatahia e Charles Augustus me tana teina a Harold Wilson, tekau mā iwa me te tekau mā whitu ō rāua pakeke, ā, i uru atu tō rāua teina a George Wilson kotahi tau i muri mai.

Muri iho i ngā marama e ono kā tāruahia ake te nui o te nūpepa nei, ā, ka whakaputahia hei nūpepa ā-wiki tahi kapa. I muri mai i te tekau mā rua marama e toru kē ōna whakaputanga ia wiki kia ōrite atu ai ki tōna nūpepa whakataetae, ki te Waimate Times. I whai kē i te āhuatanga tōrangapū motuhake mā ōna kaupapa ētita, ā, kātahi kē ka huri ki te kī he kawenga whai pānga ki ngā take ā-iwi o Waimate me ōna takiwā tāpiri.

I te tau 1908 i riro i a S H Wilson (ēhara i te whanaunga ki ngā rangatira i tīmatahia ai) te mana whakahaere mō te nūpepa, ā, ko Robert Joseph Logan te ētita. I te tau 1914 ka huri kia puta ia rā, ā, i te tau 1916 i riro i a Logan rāua ko Mrs A K Sargent te mana whakahaere ka hurihia hoki te ingoa ki te Waimate Daily Advertiser kia hāngai ai ki te huringa o te whakaputanga o mua atu.

I te tau 1921 i hokona ai te nūpepa ki te kamupene ko te Waimate Advertiser Company, ēngari i mau tonu i a Mrs Sargent te nuinga o ngā hea. Nā te huringa o te mana whakahaere i hurihia anō te ingoa ki te Daily Advertiser. I te tau 1922 i hokona e taua kamupene te nūpepa whakataetae ko te Waimate Times kia riro ai te Daily Advertiser anake te nūpepa o taua tāone.

I riro i te kamupene kaiwhakaputa pukapuka, ko te Waimate Publishing Company, te pakihi nei i te tau 1939. I te tau 1972 i hoki anō te nūpepa ki tōna ingoa o mua ki te Waimate Daily Advertiser, ā, mai i te tau 1980 i hoki anō ki tōna ingoa tīmatanga ki te Waimate Advertiser. Mai i tēnei huringa whakamutunga ka hoki anō ki ngā whakaputanga e toru i te wiki. Mai i te tau 1980 ka huri kē te Waimate Advertiser hei nūpepa hapori, e whakaatu kē ana i ngā kōrero me ngā take mai i tōna ake rohe.