PAPERSPAST

I puta tuatahi mai tēnei nūpepa ā-marama i Ahuriri i te 1 o ngā rā o Hūrae 1907, ā, nā te Diocese of Waiapu i whakaputa. Ko ngā ētita ko Kānona Mayne rāua ko Kānona Tuke, ā, ko ngā mema komiti tautoko ko F.W. Williams, ko C.H. Edwards me J.B. Fielder. Ko te utu mō te nūpepa, kotahi kapa.

He mea whakaputa tēnei ‘i runga i te karanga a te Hīnota kia puta he nūpepa pēnei’ ā, i tonoa ngā hoa minita kia āwhina, mā te tono mai i ā rātou pitopito kōrero ā-Pāriha ia marama, ia marama. Ko ngā rongo ā-Pāriha nei tētahi wāhi nui o te Waiapu Church Times, tae atu ki ngā rongo kōrero ā-Hāhi o te ao katoa, me ngā pānui hokohoko i ētahi wā.

Tekau mā rua noa iho ngā putanga i tāia, ā, ko te mea whakamutunga i tāia ki te rā 12 o Hune 1908, me tōna karanga āwhina i te whārangi o mua: ‘Tēnei ngā ētita te akiaki nei i ngā hoa minita me ngā tāngata katoa o te hāhi, kia tino huri mai koutou ki te āwhina i te nūpepa, me pēnei anake e puta tonu mai ai te nūpepa nei ki te ao.’ Heoi anō te kōrero, kāore pea he āwhina pērā rawa te nui i tae mai. I puta te pūrongo, kua whakamutua te Waiapu Church Times i roto i ngā tuhinga mō te Waiapu Synod o te tau 1908.