PAPERSPAST

Mai i te 1 Hūrae 1910, i whakakotahitia mai te moheni o te Diocese of Waiapu Parish ki roto i te Church Gazette hou. I whakapikia te utu mō te nūpepa hōu ki te 3 herengi ia tau, i te 2 herengi. Tērā noa ake te rahi o te nūpepa hou i tae atu ki te hunga hoko, i tō te nūpepa tawhito. I puta te inoi a Kānona Tuke ‘…ko nga tāngata katoa kei te noho nama tonu mō te moheni o tērā tau me tuku tonu mai te moni ki te Minita, nā te mea ka nui ngā raruraru i utua e ia i runga i tōna māia ki te whakaputa nūpepa tōtika mā te Pāriha.’ Me kī, nā ngā āwhina ā-pūtea anake a te Pīhopa o Waiapu, a Alfred Averill, i puta ai tōna ihu.

I mutu te puta o te nūpepa mō ētahi marama i muri i te rū nui o te 3 o Pēpuere 1931, mārama tonu te take i pērā ai. I te tīmatanga o te putanga o te 1 o Mei 1931 tētahi reta nā te Pīhopa, e whakatau ana i te pānga o te rū ki ngā rawa o te Rohe Pīhopa, taea atu ki te horonga katoa o te Cathedral.

I roto i te tuhinga ‘Synod scuttles ‘Gazette’’ i te putanga o te 1 Noema 1945 ka puta ngā kōrero mō te mutunga, meāke ka mana, o te Waiapu Church Gazette. Ko te whakaaro kia whakakotahitia mai te Gazette ki roto i te Church and People i Te Whanga-nui-a-Tara me te Gazette i Tāmaki-makau-rau. Kāore tēnei whakaaro i whakaaetia e te kaituhi. I tino mārama tēnei whakahē i te putanga whakamutunga o te Waiapu Church Gazette, i te 1 o Tīhema 1945. Ko te mea i tino whakahētia nuitia ko te aronga atu hou ki te putanga o ngā pānui hokohoko me te arumoni.