PAPERSPAST

I kitea tuatahitia mai te kōura, kia nui tonu, i te rohe o Waihou i te tau 1867. I taua tau anō ka tae mai a William Shaw ki roto i Thames, ā, ka tīmataria e ia te Times and Thames Miners’ Advocate i te taha o Jeremiah Harnett.

I te taha o ētahi atu nūpepa, nā Shaw i tīmata te Thames Evening Star i te tau 1869 (ko tōna putanga tuatahi i raro i te ingoa o te Evening Mail). Nō te taenga mai ki tēnei wā, 18,000 ngā tāngata noho i te tāone. I muri i tōna pēkeraputanga, ka hokona e James Hopcraft (koia hoki te ētita taea noatia tōna matenga i te tau 1879) rātou ko William McCullough, ko ētahi atu.

Ko tētahi o ngā mahi hou i taua wā he tono karere mā te kūkupa, hei tiritiri i ngā rongo o te wā, ā, ka kīia ēnei he ‘pigeongram’.

Nō te tau 1893 ka tapā te nūpepa ki te ingoa o te Thames Star.

I hokona mai te pepa tauwhāinga a te Thames Advertiser e McCullough, ā, ka haumitia ki roto i te Star i te tau 1912. Arā atu hoki ngā tāngata nāna i hoko te nūpepa i muri mai.

Ka haumitia te Thames Star ki roto i te Paeroa Gazette i te tau 1998, ka hurihia te ingoa ki te Thames Valley Gazette, engari kāore i eke ki te tau te oranga o te nūpepa hou.