Thames Advertiser
Tirotiro mā te rangi ki roto o tēnei niupepa
Nō muri i te kitenga matua tuatahi o te koura ki te rohe o Hauraki i te marama o Ākuhata 1867, ka tahuri a William Wilkinson rāua ko Claude Corlett ki te whai i te mahi whakaputa niupepa i te tāone tino hou o Thames. I whānau mai a Wilkinson i Derbyshire, i Ingarangi, ā, ka tae mai ki Tāmaki-makau-rau i te kaipuke Nimroud i te tau 1863. Ka uru ki te niupepa o te Southern Cross hei kaikawe kōrero, ā, ko tōna tūranga rongonui pea hei ‘kaikawe kōrero mō te pakanga’ i te pakanga o Pukehinahina (Gate Pā), i Tauranga, i te mutunga o te marama o Āperira 1864. Nō Manchester, i Ingarangi a Corlett, kua whakangungua ia ki ngā mahi whakarārangi tā, ā, i mahi hoki ia i te Southern Cross. I puta te rerenga tuatahi o te niupepa toru-rā-i-te-wiki, o te Thames Advertiser and Miners’ News i te marama o Āperira 1868. Nā te nui o ngā kaikeri koura e tatari ana ki ngā rongo kōrero me ngā pakipaki o te wā, ka tino horapa tōna ingoa pai.
Tauākī Manatārua
Titiro ki tā mātou puka aratohu mō te manatārua mō ētahi mōhiohio mō ngā here i a koe, mō te whakamahi i tēnei taitara.
Mō tēnei niupepa
Rohe: Waikato
Kei te wātea mā te ipurangi: 1 Paengawhāwhā 1874 - 30 Hakihea 1899 (7187 putanga)
Whakaaturia ngā putanga katoa o tēnei niupepa (whārangi rahi)
