PAPERSPAST

Ko Te Aroha News te nūpepa tuatahi kia whakaputaina i Te Aroha, ki roto i Waikato. He āhua akutō te whakawhiwhi i tēnei tāone ki tāna ake nūpepa, te take, he whakaratonga pai kē mai ngā nūpepa e whakaputaina ana i Pārāwai he pātata noa mai.

I whakaputaina te putanga tuatahi e H.E. Whitaker i te 9 o Pipiri 1883, ko tōna ingoa Te Aroha News and Upper Thames Advocate. Puta atu ai te nūpepa nei ia wiki. I te tau 1884, ka riro i a John Ilott, ā, ka whakaingoa kētia ki a Te Aroha and Ohinemuri News.

Mō ngā tau e 40 o muri mai ka tāngia ai ētahi atu nūpepa i Te Aroha, engari kāore he whakaōritenga ki te News. Horomia ai e ia tōna tino nūpepa whakataetae Te Aroha Mail (1907-1918) i te tau 1918.

I te tau 1913, ka riro te News i te Te Aroha News Company, ā, tāngia tonungia ana tae noa ki te tau 1982. Nō te marama o Hōngongoi o taua tau ka riro te kamupene ki roto i te tangohanga, ā, ko tōna putanga whakamutunga i te 17 o Mahuru 1982. Heoi anō nō te mutunga o taua marama rā ka tāngia ai tētahi nūpepa hou i Te Aroha, ko taua ingoa anō rā. Tūhonotia ana tērā ki te Piako Post i te tau 1986.