PAPERSPAST

Nō te 25 o Pēpuere o te tau 1864 te tānga tuatahi o te North Otago Times hei Oamaru Times and Waitaki Reporter.

Nā Frank Pinkerton te nūpepa nei i whakaū. Ko William Jukes Stteward te rangatira rēhita i te tau 1870, ā, ka tīnia te ingoa ki te North Otago Times. He tānga ia-wiki i te tuatahi, nō te tau 1876 ka tīmata ai te tānga ia-rā. He mea haukoti i te tūnga o te tāwhainga hou ia-rā, te Oamaru Mail. He tūturu te tāwhainga, engari he ngākaunui - nā te Times te putanga tuatahi o te Mail i tā i te pakarutanga o ngā mīhini tā a te Mail.

Nā William Jukes Steward te Mail i tīmata - nāna te Times i mua. Tērā pea, nā Steward, te Mema Pāremata mō te rohe, me ētahi hoa te pepa nei i whakaū hei whakapāho i ō rātou whakaaro tōrangapū, erangi rawa ia ko ērā whakaaro e pā ana ki te whakakorenga i te kāwanatanga porowini i Niu Tīreni. I te whakaae a Steward i te whakakorenga, he ahakoa te pai ake o ngā mema pāremata o Ōtākou kia noho tonu mai te kaupapa porowini.

I te tīmatanga ka raruraru te Mail i te Times, ā, kāore i roa ka hokona atu. Engari ka hikitia ohoreretia te Mail i te tau 1877, te take ko te hāmenetanga i tōna rangatira hou e te Whare Pāremata, mō te kupu whakakino nō āna whakaaro i tuhia i te Mail. Ko te whakawānga tuatahi tēnei nā te Pāremata i whakarite. I wetea a Jones, ka tupu tōna mana hei reo mō te rangatiratanga o ngā tūmomo nūpepa. Ka kitea te ngākaunui o te iwi whānui ki te hokonga i te Mail. Ka maha atu ngā kape tuku, ka tupu ake te pānuitanga hoko. Nāwai rā, ko te Mail i runga anō o te Times - kei te tāngia tonu, i katia te Times i te tau 1932.