PAPERSPAST

Ko te Nelson Examiner and New Zealand Chronicle te nūpepa tuatahi i tāhia ki roto i Te Waipounamu. I whakatūhia e Charles Elliot (1811-1876) i te tau 1842, i roto i ngā wiki i muri tonu mai i te taenga mai o ngā tāngata whai ki Whakatū.

Pērā anō i tērā nūpepa o taua wā o Te Whanganui ā-Tara, te New Zealand Gazette, i tīmatahia mai i tētahi pūtea taurewa mai i te New Zealand Company. Ahakoa i ea te nama i roto i ngā tau tata me ngā whakahē a Galvin ki ō rātau whakaaro, e ai ki te nuinga o ngā tāngata taiwhenua he wāhanga kē te pepa nei nō te Kamupene. Ka mutu he tino ōrite ngā whakaaro o te Examiner ki ō te Kamupene, otirā mō te kāwanatanga ka noho hei māngai mō ngā tāngata whai, me tā rātau whakahē mutukore i ngā whakahaere taiwhenua i Tāmaki Makaurau.

E ai ki a Thomas Hocken, ko te Examiner “te nūpepa pai rawa atu o ngā nūpepa i tā tuatahihia ki roto o Aotearoa, me ngā tāngata taiwhenua tohunga i noho hei kaietita, hei kaituhi hoki”. Ko ētahi o ngā kaituhi nei ko ngā kaitōrangapū rongonui ko Alfred Domett, Francis Dillon Bell, Edward Stafford me William Fox.

He tangata tōrangapū hoki a Elliot, ā, nōhia e ia ngā momo tari i roto i te kāwanatanga ā-rohe o Whakatū i ngā tau 1850 me ngā tau 1860.

Heoi anō, kāre i kaha te Examiner ki te whakataetae atu ki ērā nūpepa e rua o Whakatū, te Colonist me te Nelson Evening Mail. He tata rawa te hono o te Examiner ki ngā hiahia a ngā kaipupuri i ngā rohenga whenua o Wairau, pēnei i a Charles Elliott me tana teina a James. I whakatūhia te Colonist i te tau 1857 hei whakahē i ēnei rangatira pupuri whenua. I haumate haere te tautoko mai i te nūpepa i te whakatōpūtanga o Wairau ki roto i te rohe takiwā o Marlborough i te tau 1859.

I whakahau te Examiner ki te whakataetae atu mā te tā putanga ia rangi i te tau 1873 me te tīmata i ētahi atu pānui i raro i tōna maru. Pēnei i te Illustrated Examiner (1869), me te Weekly Examiner (1873), Wakamarina Intellingencer (1874). Karekau tētahi o ēnei pānui i ora, whāia ka mutu te nūpepa nei i te tau 1874.