PAPERSPAST

Ka whakamānutia te Northern Advocate i te tau 1875 e George Erwin Alderton, ko tōna ingoa ko te Whangarei Comet and Northern Advertiser, kei roto tētahi wāhanga iti mō te Reo Māori. Nō te tau 1877 ka tīnia te ingoa ki te Northern Advocate and General Advertiser. He nūpepa ia-rā te Advocate ki tēnei rā i Whangārei.

Ka whakamānutia te Northern Advocate i te tau 1875 e George Erwin Alderton, ko tōna ingoa ko te Whangarei Comet and Northern Advertiser. Nō te tau 1877 ka tīnia te ingoa ki te Northern Advocate and General Advertiser.

Kei te ingoa o te Advocate tōna kaupapa, arā, he reo mō ngā iwi o Te Taitokerau. Ko tōna kaupapa, he whakatika i 'te kino o te hara i te takakino a te rōpū hanga ture o te taiwhenua i ngā nohanga o Te Taitokerau.'

Ka tere te whakaū a te Advocate i a ia anō. I te tīmatanga he tā ia-wiki. 12 ōna whārangi, he wāhanga iti i te Reo Māori. Nō te tau 1902 pea tōna tānga ia-rā hei whakautu i te whakatūranga o tētahi nūpepa anō i Whangārei, te Northern Chronicle.

He tāwhai anō o te Advocate i ngā tau. I te tau 1891, ko te Kamo and Hikurangi Gazette he tau kotahi noa tōna tānga. He tāwhainga tūturu ka puta mai i te tau 1902, arā, te Northern Chronicle. Ko Francis Mander te kaitā o tēnei nūpepa. Ko Mander, te pāpā o te kaituhi Jane Mander, te Mema Pāremata o te rohe, he kaipakihi hoki. Ēngari nō mua noa o te whakaūtanga o te Chronicle, ka riro i a Mander te Advocate, ā, ka katia te Chronicle. Mō tētahi wā poto i ngā tau tuatahi atu i 1900 ka rua ngā nūpepa ia-rā i Whangārei tua atu o te Advocate. Koirā te Whangārei County Press (1905 ki te 1908?) me te Northern Mail (1908 ki te 1914?). Kāore i taea e Whangārei te tautoko i ngā nūpepa e toru, ka katia wawe te Press. He kaha te tāwhainga o te Mail me te Advocate tae noa ki te tau 1914, te wā i riro ai te Advocate i ngā rangatira o te Mail. Ka whakatūria e ngā rangatira hou te Northern Advocate Co., ka katia ai te Mail.

Ko te Advocate te nūpepa ia-rā o Whangārei tae noa ki tēnei wā.